كباريه و الريس عمر.. هي دي مصر؟

[H.ibrahim]

اولا: اشكر اختنا علا على فتح هذا الموضوع , وبدون الدخول فى تفاصيل قد تضيع و قتكم الثمين و لنا فى رسولنا ( صلى الله عليه وسلم ) اسوة حسنة الا و هى الامر بالمعروف ( بمعروف ) والنهى عن المنكر ( بدون منكر ) اعتقد الكلام واضح جدا ومش محتاج لتفسير و علماء و ابداع و خلفه , و الله اعلم .

[zaher84]

يا جماعه انا مستغرب من اللي بيقول كلام من عينة ان الفن ده مرايه للمجتمع و انه بيهدف لاصلاحه و نهضته .. ؟؟؟؟؟ عمره ما صلح حاجه ... ازاي!!!! الفن ده اكبر وسيله للاسفاف و نشر الرذيله و الفضايح ... كام سنه بيحاربو الجواز العرفي (انا معرفتوش غير منهم ) و الفساد و المحسوبيه و البطاله ومفيش حاجه بتتغير ..بالعكس الحاجات ده زادت اكتر الفن ده وسيله للربح فقط من المغفلين العاطلين

ماحوظه : اريد حلا الفيلم الوحيد اللي احدث تغيير

[Islam_galal]

التاجر بيبيع ما يحتاجه الزبون
لو النوعيه دي من الأفلام مش محببه للجماهير كانت فشلت و هو غير متوقع

[AlmAhAtmA]

في البدايه اقبلوا اسفي اني بكتب في الموضوع من غير ما اكون قريت كل الردود

تعالوا الاول نتفق علي حاجه ان السينما ما هي الا لقطه مصوره للمجتمع
يا تري لو معاك كاميرا و اطلب منك تصور كل صحابك اللي في الجامعه الكادر حيكفي
اكيد لا
الفيلم ما هو الا لقطه في شريط المجتمع المليئ بكل التفاصيل الاخري اللي الفيلم ما ينفعش يتطرق ليها

امبارح اتفرجت علي كباريه

من ناحيه النقد
القصه ° تصوير ليوم في حياه كباريه بمختلف تفاصيله
الموسيقي ° اكثر من رائعه خصوصا الدعم الموسيقي للشخصيات
المونتاج ° التقطيع اكتر من ممتاز خصوصا و ان الاحداث اغلبها داخل مكان واحد
الشخصيات ° الخليط المصري بكل ما يحمله من مرادفات و نقيضها
التصوير ° كادرات متحركه اضفت للموضوع بعد و ثقل

الفيلم في مجمله عجبني جدا و اظن ان اللي بيحب فن السينما حيكون مبسوط من جودته

لو عندك 100 شخص لابسين ابيض في ابيض و الشخص ال 101 لابس احمر تفتكر لو حتعمل فيلم حتعمله عن مين اكيد عن المختلف

هيه دي السينما

[Meedo]

علا اسمحيلي اختلف معاكي

و انا لسة مشفتش الفيلمين بس هتكلم عامة
فيلم زي "حين ميسرة" .. أولا الفيلم معلق لافتة (للكبار فقط) .. و أكيد اكيد مش فيلم رعب .. يبقي أكيد الفيلم فيه بعض الكلام او المناظر الغير مناسبة لغير البالغين .. المهم بقي في لازمة المشاهد دي .. فيه منتجين بيحبوا يعملوا افلام بورنو و خلاص كلها مناظر (زي بنات و موتوسيكلات مثلا) .. و ده محدش بيخشوا و بيسقط لوحدوا .. لأن مفيش فيلم بينجح إلا اذا كان فيه ابداع من نوع ما .. و البورنو مش ابداع .. افلام خالد يوسف ابداع .. خاصة حين ميسرة .. يعني مشهد اغتصاب سمية الخشاب من أهم مشاهد الفيلم .. لأن السينما المصرية بقالها 100000000 سنة بتقدم مشهد ( المجرم يخش عالبطلة .. القهوة تفور عالبوتاجاز .. الهوا يخلي درف الشباك تخبط في بعضها .. بعد كدة البطلة تقعد تقول مجررررمين .. متووووحشين .. سفلة .. ليه كدة .. اخص عليكم ! ) .. و بقي مشهد الإغتصاب يعدي مرور الكرام .. و بالتالي قضية الإغتصاب بقت تعدي مرور الكرام .. ايه يعني بقينا نقرا كل شوية عن واحدة اغتصبوها .. انما في الفيلم جسدلك المعاناة و الذل و الوحشية ادام عينك و صعوبة المشهد تخلي قلبك ينقبض و تكرهي اللي انت شايفاه عشان الواحد يعرف خطورة حاجة زي كدة .. كدة هو نجح في تأدية مهمته .. غير كدة هو جسد في الفيلم "الهرجلة الجنسية" بين اطفال الشوارع اللي فيهم بنات سايحة علي ولاد بيتكوموا بالليل في اي داهية و البنات تحمل و متعرفش مين ابو الواد من كتر اللي اعتدوا عليها او راحت معاهم بمزاجها .. غير اللي بيبقوا متجوزين في اوضة واحدة مع امهم او ابوهم .. بيعيشوا حياتهم ازاي .. انا و الله البواب عندنا لسة مخلف بنت و هو عنده تلات بنات منهم بنت عندها 7 سنين .. بستغرب ازاي البنت دي جت !؟ يعني فين !؟ ده كل سكنه اوضة .. يعني اكيد كان قدام بناته !! (زي ما في الفيلم) .. بإختصار .. عشان يعرضلك واقع قبيح جدا زي الموجود في العشوائيات و حياة المهمشين .. مستحييييل يعرضه من غير ما يأذي سمعك و بصرك و كل حواسك .. لازم يخليكي تقرفي من اللي شايفاه عشان يبقي نجح .. حتي بعض اللقطات الفاضحة في افلامه الاجتماعية الأخري سواء هو او يوسف شاهين او داوود عبد السيد او غيرهم فا ليها لزمة فعلا .. و بتجسد جزء من حياة الفيلم .. و الصورة مش هتبقي كاملة الا بالمشاهد دي .. يعني لو بيعرضلك قصة حياة شاب ضايع فيها مخدرات و جنس و جريمة لازم يجيبهم كلهم عشان تبقي الصورة كاملة .. و انا بستغرب ليه الناس بتضايق اوي من مشهد فيه الممثلة مش لابسة قد كدة .. في حين انها ممكن تقعد تتفرج علي فيلم اجنبي بيتكلم عن قاتل محترف فيه الرشاشات و الانفجارات الله ينور و الناس عمالة تتقتل و تتدبح شمال و يمين .. ماهو لو ده بيعلم الاباحة ده بيعلم العنف و الجريمة ! و أكتر مصطلح اكرهه هو "السينما النظيفة" .. لأن السينما مش جلابية عشان تتوسخ و ناس تتكرم و تنضفها .. السينما صورة متحركة للحياة بكل ما فيها .. و مينفعش نيجي لواحد في عملية ابداعية زي عمل فيلم سينمائي نقوله اعمل فيلمك من غير كذا و كذا و كذا .. غير ان السينما غير ملزمة بالتعبير عن الاغلبية .. فا مش لازم يكون السائد في شخصيات الأفلام هو السائد في مصر .. حتي لو الشخصية دي مش موجود منها الا شخص واحد في مصر .. اهي عجبت المؤلف و خلاص دي حاجة برة المناقشة اللي مش عاجباه ميتفرجش عليها !

طب ليه ينقول علي افلامنا الابيض و اسود افلام الزمن الجميل و هي كانت مليانة ملابس ساخنة و احضان و قبلات ؟ و كانت سينما جميلة بجد .. بس الفرق ان محدش كان شاغل دماغه بموضوع السينما النضيفة دي .. و كان ده العادي .. و مكنش فيه حد بيبحلق و يريل و كانوا نجمات السينما وقتها قمرات ..

بإختصار .. السينما عملية ابداعية ( وانا بتكلم عن المبدعين الحقيقين و ليس التجار امثال السبكي و غيره و منتجين افلام البورنو من اجل البورنو) .. ممكن نناقش المخرج ( رب العمل ) في مقصده من تقديم مشهد معين و ما غرضه .. انما مينفعش نقوله انت ازاي تعمل كدة !؟ اوعي تعمل كدة تاني ! لأن دي رؤية ابداعية .. ممكن نختلف او نتفق معاه فيها .. انما نحجر عليه فيها .. مينفعش

غير كدة الدراما اصلا قائمة علي الفساد و تلاقي الشر و الخير .. يعني لو عملنا فيلم عن واحد ملتزم و بيصلي الفرد بفرضه و اتجوز واحدة ملتزمة برده و جابوا ولاد ملتزمين و الحمد لله مبسوطين .. فين الفيلم .. فين العقدة الدرامية ؟! انما لو البنت اتجوزت واحد عربي عشان فلوسه و الواد ادمن المخدرات .. لأ كدة فيه احداث اديني من ده

اسف علي الإطالة

ده كلام فى البطيخ المسأله مش مسالة مناظر ولا يحزنون المسأله ان جمهور الأفلام دى أغلبه من الشباب اللى لسه افكاره لم تنضج بعد و صناع السينما دايما يلعبوا على نقطة التعاطف التلقائى من المشاهد مع بطل الفيلم اللى هو بيعتبره ممثل الخير فلما يشوف هذا البطل اللى هو تبناه نفسيا من البدايه حرامى أو قمارجى أو منحل تتكون داخله نوع من التعاطف تجاهة وتتخلط المفاهيم عنده فلا يمنع أن يكون الحرامى شخص طيب دفعته ظروفه لذلك ويكون ديلر القمار مخلص فى عمله والأنحلال الأخلاقى أحتياج بشرى يمكن التعبير عنه بلا ضوابط (ماهى حاجه عند كل الناس) طبعا أنا مش بأتكلم عن فيلم واحد انما عن ظاهرة الأفلام من هذا النوع هل هذه هى رسلاة السينما وهل هذا ما ينتظره منها المجتمع؟؟؟؟؟؟؟!!!!!!!!!!!
وسلملى على الحريه السينيمائيه الملوخيه المهلبيه

[Goodle]

إلهي يا رب تعوض عليا عوض الصابرين

[meza]

ده كلام فى البطيخ المسأله مش مسالة مناظر ولا يحزنون المسأله ان جمهور الأفلام دى أغلبه من الشباب اللى لسه افكاره لم تنضج بعد و صناع السينما دايما يلعبوا على نقطة التعاطف التلقائى من المشاهد مع بطل الفيلم اللى هو بيعتبره ممثل الخير فلما يشوف هذا البطل اللى هو تبناه نفسيا من البدايه حرامى أو قمارجى أو منحل تتكون داخله نوع من التعاطف تجاهة وتتخلط المفاهيم عنده فلا يمنع أن يكون الحرامى شخص طيب دفعته ظروفه لذلك ويكون ديلر القمار مخلص فى عمله والأنحلال الأخلاقى أحتياج بشرى يمكن التعبير عنه بلا ضوابط (ماهى حاجه عند كل الناس) طبعا أنا مش بأتكلم عن فيلم واحد انما عن ظاهرة الأفلام من هذا النوع هل هذه هى رسلاة السينما وهل هذا ما ينتظره منها المجتمع؟؟؟؟؟؟؟!!!!!!!!!!!
وسلملى على الحريه السينيمائيه الملوخيه المهلبيه

مش فاهم الجملة دى ...... يعنى لو الواحد عدى 18 فى البلد دى ... يبقى لسه منضجش؟!!

فى فرق حضرتك بين واحد غير ناضج و واحد ناضج بس فى الإتجاه الخطأ
معظم الشباب الفاسد هما ناضجين بس فى الإتجاه الخطأ .. بسبب أخطاء فى التربية و أسباب أخرى و دول لو غلطوا المفروض يتحاسبوا لأنهم مسئولين عن تصرفاتهم ..... لكن غير ناضج دى تتقال لطفل . مقدرش أحاسبه على خطأه.

[mtageldeen]

مش فاهم الجملة دى ...... يعنى لو الواحد عدى 18 فى البلد دى ... يبقى لسه منضجش؟!!

فى فرق حضرتك بين واحد غير ناضج و واحد ناضج بس فى الإتجاه الخطأ
معظم الشباب الفاسد هما ناضجين بس فى الإتجاه الخطأ .. بسبب أخطاء فى التربية و أسباب أخرى و دول لو غلطوا المفروض يتحاسبوا لأنهم مسئولين عن تصرفاتهم ..... لكن غير ناضج دى تتقال لطفل . مقدرش أحاسبه على خطأه.

النضج ليس له علاقة بالمرحلة السنية
النضج = وعي + مسئولية
الوعي يعني أن يفهم ذاته ومبادئه وقيمه وهو ما يترتب عليه إجابة وتفسير لكل فعل يفعله بغض النظر يقبله الآخرون أم لا
يعني مفيش حاجة إسمها (كده) . عملت مذا ليه؟ تكزن الإجابه كده أو زي ما الناس بتعمل

والمسئولية تعني أن كل فرد يختار رد فعله ويكون مسئول عن إختياره ومسئول عن نتائجه

مثال:
واحد كسر عليك في الشارع فحضرت زعلت وشتمته أو سكت وسامحته أو ابتسمت وكأن شيء لم يكن
أنت مسئول عن إختيار رد فعلك ولو سألتك مثلاً لماذا غضبت لا يمكن أن تكون الإجابه ما هو اللي عمل كذا أو هو السبب


وبالتالي هذا ليس له أي علاقة بالسن أو المرحلة العمرية.

[Adham_Sabry]

يا جماعه الخير
ما هو المقياس الذي نقيس به الأشياء ؟؟
اول مقياس هو الحلال والحرام .. ان نجح فيه نبقي نشوف باقي المقاييس
انا فهمت من الكلام ان فيلم "حين مسخره" مليئ بمشاهد العري .. وانا هاسأل الناس اللي بتدافع عنه علي اساس انه بيناقش قضيه او بيعرض واقع : هل رؤيه هذه المناظر حلال ام حرام ؟
يعني لو واحد اتفرج علي الفيلم ده .. هل بعد الفيلم ما يخلص هايكون اكتسب سيئات ام حسنات ؟؟ ويا تري لو هو كان دافع فلوس علشان يتفرج عليه ..هايجي يوم القيامه وتكون الفلوس دي في ميزان حسناته ام ميزان سيئاته ؟؟ ..

في حديث في معناه انه لن تزول قدم عبد يوم القيامه حتي يسئل عن اربع .. ومنها شبابه فيما ابلاه وماله فيما افناه

مش كفايه ان هدف الفيلم يكون نبيل وعظيم (وما اندر هذه النوعيه) .. لابد ان الوسيله تكون مقبوله من الشرع والدين
وسيبكوا من تجسيد الشخصيات والحبكه الدراميه .. والموسيقي التصويريه والمهلبيه والملوخيه

وانا ارجوا ان احنا جميعا نقاطع هذه النوعيه من الأفلام وندعو الناس الي مقاطعتها
اي فيلم قبل ما نتفرج عليه نسأل عنه .. لو فيه مناظر خارجه او يهدف الي نشر الرذيله يبقي نقاطعه .. وبكده منتج الفيلم هايخسر ومش هيعمل النوعيه دي تاني
ونسأل نفسنا السؤال ده ..يا تري يوم القيامه هيبقي في ميزان الحسنات ولا السيئات ؟؟

[mtageldeen]

مشاركة بدون محتوى
نأسف للحذف
برجاء مراجعة القواعد - قاعدة 3

مشرف القســـم الاجتماعي

[meza]

النضج ليس له علاقة بالمرحلة السنية
النضج = وعي + مسئولية
الوعي يعني أن يفهم ذاته ومبادئه وقيمه وهو ما يترتب عليه إجابة وتفسير لكل فعل يفعله بغض النظر يقبله الآخرون أم لا
يعني مفيش حاجة إسمها (كده) . عملت مذا ليه؟ تكزن الإجابه كده أو زي ما الناس بتعمل

والمسئولية تعني أن كل فرد يختار رد فعله ويكون مسئول عن إختياره ومسئول عن نتائجه

مثال:
واحد كسر عليك في الشارع فحضرت زعلت وشتمته أو سكت وسامحته أو ابتسمت وكأن شيء لم يكن
أنت مسئول عن إختيار رد فعلك ولو سألتك مثلاً لماذا غضبت لا يمكن أن تكون الإجابه ما هو اللي عمل كذا أو هو السبب


وبالتالي هذا ليس له أي علاقة بالسن أو المرحلة العمرية.

صحيح الكلام

لكن لو الشاب وصل ل 18 سنة و إعتبرته غير ناضح ... دى تبقى مصيبة

المفروض 18 سنة دى أقصى حاجة . يعنى ممكن أصغر و يبقى عقله يوزن بلد .. لكن كون إن الشاب يوصل ل 18 و ميقدرش يتحمل مسئولية نفسه حتى ... يبقى المجتمع بينهار ... لأن شاب زى ده مش هيقدر يشيل مسئولية أسرة ... بالتالى أسرة فاسدة و أبناء فاسدين و تستمر الحكاية.

[mtageldeen]

صحيح الكلام

لكن لو الشاب وصل ل 18 سنة و إعتبرته غير ناضح ... دى تبقى مصيبة

المفروض 18 سنة دى أقصى حاجة . يعنى ممكن أصغر و يبقى عقله يوزن بلد .. لكن كون إن الشاب يوصل ل 18 و ميقدرش يتحمل مسئولية نفسه حتى ... يبقى المجتمع بينهار ... لأن شاب زى ده مش هيقدر يشيل مسئولية أسرة ... بالتالى أسرة فاسدة و أبناء فاسدين و تستمر الحكاية.

المسئولية ليست بهذا المعني أن يتحمل أسرة وأولاد ونفقات وتدابير مالية
ولكن المسئولية التي أتحدث عنها أن يرفض الفرض مبدأ جعلوه فإنجعل
يعني لازم جميع أفعاله تكون مخطط لها مثل إختيار عمله وإختيار ما يؤمن به وليس ما تربي أن يؤمن به

يعني يفكر في كل شيء حتي طريقة تفكيره نفسها

وبالتالي ليست مرتبطة بالسن

[eng / AhmeD]

كل واحد ليه مقياسه و رأيه
و انا شايف ان حين ميسرة فيلم كويس و واقعي
انما ان احنا بنتكسف نشوف الحقيقة المخفية علي الشاشة ده موضوع تاني

[meza]

ما هو لو حاجة غلط أكيد هنتكسف منها .... بس فى اللى بيواجه المشكلة ... و فى اللى بيهرب منها ... لأنها متخصهوش.

[OlaOsman]

الريـس عمـر حرب ليس إلها.. بل هكذا سولت له نفسه!

كتبت-عــلا السعدني:

أراهن علي أن هناك سؤالا حتميا سيفرض نفسه وبقوة علي كل من يشاهد فيلم الريس عمر حرب, وهو ما الذي يريد أن يقوله الفيلم أو يريد أن يقدمه مخرجه خالد يوسف هذه المرة, فلا هو فيلم يناقش قضية وطنية مثل العاصفة ولا قضية اجتماعية مثل جواز بقرار جمهوري, ولا أخلاقية مثل ويجا وخيانة مشروعة.. والأهم أنه جاء علي نقيض فيلميه السابقين هي فوضي وحين ميسرة اللذين أحدثا ضجة كبري للعبهما علي الجانب السياسي والسباحة ضد التيار الحكومي.. إذن من الممكن أن تقول في نفسك إن خالد يوسف أراد أن يريح المشاهد ونفسه من حمل أعباء إضافية للقضايا التي حملتها أحلامه السابقة فاكتفي بتقديم فيلم ترفيهي عن القمار وما يدور داخل صالاتها, وهو بذلك يلعب علي الجانب الشبابي الذي يعد هو الجمهور الحالي للسينما والذي سيجذبه حتما هذا النوع, ولكن ولأن ليس من طبع خالد يوسف أن يقدم فيلما لمجرد التسلية فقط, وهو الذي تتسم أفلامه بإحداث الجدل, وستجد ذلك بنفسك وأنت تشاهد الفيلم, بل وستكتشف أنك أمام فيلم أراد به مخرجه بجانب مؤلفه وكاتب السيناريو هاني فوزي الخروج بنا من القضايا الراهنة الضيقة إلي العالم كله بمتسع مجالاته فاتخذا من صالة القمار مسرحا للأحداث علي اعتبار أنه مسرح مصغر من الحياة نفسها فلعبا بنا علي القضايا الروحية والفلسفية والعلاقة بين الإنسان وربه, وبين الإنسان والشيطان كل ذلك من خلال الصراع الأبدي بين الخير والشر, وإن كنت أعتقد أن الفيلم ركز بشكل أكبر علي جانب الشر بدليل أن الكازينو نفسه أو نادي القمار ما هو إلا مكان تحتوي فيه كل عناصر الشر وليس الخير طبعا فرواده جميعا ما هم إلا مجموعة من أحط أنواع البشر كما جاء علي لسان بطل الفيلم خالد هاني سلامة أثناء سرده للتعريف بنا بهذا العالم الخفي, وأعتقد أيضا أن خالد يوسف لجأ لهذا الأسلوب السردي ليطلعنا علي هذا العالم الذي بالفعل يجهله العديد منا, فهو رغم أنه جاء في كثير من الأفلام قديمة كانت أو جديدة إلا أنه أبدا لم يتغلغل في هذا العالم مثلما فعل الريس عمر حرب والتي من خلاله تبدأ أحداث الفيلم ويبدأ الصراع ولكنه وكما قلت ليس بين الخير والشر هنا.. بل الشر والشر بدليل أن خالد بطل الفيلم وإن كان التحق بهذا العمل كدبلير مضطرا في البداية كما قال هو بنفسه للزواج من خطيبه وبدلا من إتمام الزواج تركته خطيبته نهائيا لأن فلوسه أصبحت حراما ـ وكذلك فعل والداه فاتبرؤا منه وحتي أصدقاؤه قاطعوه لنفس السبب,

ومع كل ذلك استمر في الكازينو صحيح كانت تراوده أحلام مفزعة وكوابيس لعدم رضائه داخليا بما يفعله, ولكن الصحيح أيضا أنه ظل موجودا في هذا المكان وبلا أي دافع إلا دافع الطموح والثراء السريع والوصول إلي المكانة التي وصل إليها الريس عمر حرب خالد صالح صاحب نادي القمار والمهيمن علي كل صغيرة وكبيرة فيه.. وبرغم جبروته وقسوته راح خالد يقلده في كل شيء وفي الحقيقة تنطوي تحت كلمة الريس هذه كل المعاني الفلسفية والرمزية في الفيلم.. وقد ترك لنا صناع الفيلم حرية تفسيرها علي حسب ما يراه المشاهد, فهناك من وجد أنها تنطبق علي كل صاحب عمل مستبد وهناك من وجدها منطبقة علي الشيطان نفسه خاصة أن خالد وصف بها الريس عمر فعلا في أثناء حواره معه وهناك من وجدها منطبقة علي أمريكا وما تفعله بنا, المهم أنه حدث جدل من وراء هذا المعني ومن الفيلم نفسه وهذا طبعا ما أراده أو يريده خالد يوسف وينجح فيه دائما كما نجح أيضا وكعادته في إدارة توجيه الممثل فجاء أداء هاني سلامة هادئا وناضجا عن أفلامه السابقة وحتي ملامح وجهه أصبحت أكثر رجولة ونضجا عن ذي قبل. أما خالد صالح فكان الرجل المناسب للدور المناسب, فالدور كبير رغم صغر حجمه ومؤثر ويحتاج إلي قدرات هائلة لا يقدر عليها سوي خالد صالح,

الذي أجاد فيها بتعبيرات وجهه فقط وعينيه التي يخافها ويهابها حتي الكلاب المسعورة, وذكرني ذلك بمارلون براندوفي دون كورنيولي في رائعه الاب الروحي, وإن كان هناك صراع حقيقي في الفيلم بين خالد والريس عمر حرب فإن هناك صراعا آخر كان قائما بين بطلات الفيلم حبيبة سمية الخشاب وزينة غادة عبد الرازق ولكن وللأسف لم يكن في الأداء مثل هاني وخالد وإنما في الإغراء والإثارة الجنسية وعلي هذا الصعيد نجحت الاثنتان بجدارة متساوية.. واتفق مع جميع الآراء التي عارضت المشاهد الجنسية في الفيلم والتي للأسف أصبحت تزيد في أفلام خالد يوسف فيلما بعد آخر وعليه أن ينتبه إلي هذا الرفض فليس من المعقول أنه هو الوحيد الذي يري أنها ضرورية في الأفلام بينما يري الجميع عكس ذلك ولا أدري ما سر تمسك خالد بهذه المشاهد ولا أتفق مع من يري أنه يداعب بها شباك التذاكر وكيف بعد أن أدي بسببها إلي تصنيف فيلمه واقتصاره علي الكبار فقط, وأعلم أن خالد أذكي من أنه يضحي بجماهير عريضة من الأسر المصرية مقابل بعض الشباب مهما كانوا هم جمهور السينما الحاليون إذن فالعملية عند خالد ليس لها علاقة بالإيرادات ولا بشباك التذاكر فهو لا يهتم بذلك بدليل أن أفلامه السابقة كانت مغايرة تماما لما كان سائدا من أفلام كوميدية أو شبابية وقتها.. ويبدو أنها قناعات شخصية لديه وأختلف مع من اختلف علي ما جاء في نهاية الفيلم وانتصار الشر علي الخير حيث استطاع الريس عمر حرب أن يحتفظ بخالد رغم رفض الأخير لهذا العالم ولكنه نجح ليس لأنه الشيطان وقوته أكبر من قوة البشر العادية ولكن لأنها كانت إرادة ورغبة خالد أيضا, وأعتقد أنها نهاية غير تقليدية, ولو كان حدث العكس لكن ضعف الفيلم, فالإنسان ليس ملاكا فكل منا بداخله خير وشر معا. وأعتقد إن ما يفعله الريس عمر حرب هو نفس ما يفعله أي انسان يصل إلي درجة عالية من السطوة والنفوذ فإنه يتحول إلي ديكتاتور متسلط لا يري إلا نفسه ويعتقد أنه امتلك الدنيا والكون ويستطيع أن يستعبد الناس ويصطفي ويختار منهم ما يشاء وينتهي به الحال إلي أنه يتحول إلي إله أو هكذا سولت له نفسه.

قبل بس ما أكمل ردود على الموضوع عايزاكوا تقروا النقد ده عن الفيلم.. و طبعا معروف ان الناقد الفني هو أيضا من أهل الفن.. يعني و شهد شاهد من أهلها.. اتضح ان مش احنا بس اللي رافضين أفورة خالد يوسف.