من منكم الشغل هايروحه بدري النهاردا؟؟؟

[ecybrarian]

هو في ايه؟؟ الناس كلها مروحة بدري النهاردا؟؟؟ كل ما اكلم واحد يقولي عندنا في الشغل هايروحونا بدري ونص يوم وكدا!!!! طبعا دا علشان يدوا فرصة للناس تحتفل بأول رئيس منتخب وكدا..قشطة

[FunnyMickey]

رحت اعمل رخصه لمراتي الساعه 12
لقيت الموظف بيقولي احنا حنمشي جتلنا تعليمات عشان فيه حذق تجول الساعه 3

[FireMan]

اه كله ماشى فعلا بدرى

[تامر.محمد]

و انا كمان

[Ghosts2]

رحت اعمل رخصه لمراتي الساعه 12
لقيت الموظف بيقولي احنا حنمشي جتلنا تعليمات عشان فيه حذق تجول الساعه 3

طب يارب حذق التجول يطبقوة المرة دى صح ومانشوفش ناس بتتمشى فى عز الحذق ....

[dede_dodo88]

حبكت يعني يمشوا الناس بدري في اليوم اللي واخده أجازة!!
أنا حاقد :(
lol

[ecybrarian]

حزق ايه بس يا جماعة...مش عايزين ننشر اشاعات.. الخبر المؤكد إن الناس هاتمشي بدري..لما يبقى في حزق نبقى نقول..
==
من كلنا خالد سعيد
الساعات واﻷيام الجايّه، هتطلع مليون إشاعة هدفها إرباك الناس وربما تخويفهم وممكن لتضليلهم، فأرجوكم.. أرجوكم: اللي مشفتوش.. ما تقولوش..

[Ghosts2]

حزق ايه بس يا جماعة...مش عايزين ننشر اشاعات.. الخبر المؤكد إن الناس هاتمشي بدري..لما يبقى في حزق نبقى نقول..
==
من كلنا خالد سعيد
الساعات واﻷيام الجايّه، هتطلع مليون إشاعة هدفها إرباك الناس وربما تخويفهم وممكن لتضليلهم، فأرجوكم.. أرجوكم: اللي مشفتوش.. ما تقولوش..

أحنا غصب عننا خايفين لأن الموقف جديد وغريب و الناس مشحونة و خصوصآ أنصار مرسى بعد ما أعلن فوزة الساعة 3 الصبح قبل أنتهاء الفرز فى اللجان الأنتخابية ....

[AHMED_DINAMO]

http://www2.youm7.com/News.asp?NewsID=714470

[AHMED_DINAMO]

لو فى حظر تجول يبئا استعباط لان كده يبئا شفيق هيمسك وخايفين من رد فعل الناس

[MohssenRashed]

ناس كتير في اسكندرية مشيت 1 بس انا لأ تقريبا احنا اللي هيضحوا بينا ههههههههه

[M.Elgergawy]

رحت اعمل رخصه لمراتي الساعه 12
لقيت الموظف بيقولي احنا حنمشي جتلنا تعليمات عشان فيه حذق تجول الساعه 3

انا قلقان عليك يا صبحي من تكرار موضوع الحزق :)

[CryptonX]

انا ماشي 4 عادي ...

[SASA3]

اشمعنا فى الجامعه لسه زى ما هو يمكن علشان فيه امتحانات و مراقبة لحد الساعه 3

[shakshak2011]

إحنا كمان مشونا 2:30 .. ربنا يستر .. أدينى قاعد مستنى فاروق سلطان يخلص ال 90 صفحه الى بيقراهم