محتاج ميزان - واقرب مدفن صحي للرحاب

[sayed911]

بسم الله الرحمن الرحيم

والله العظيم انا ما عارف اقول ايه انتو اللي دايما بتنقذوني لما بكون مزنوق في مشكلة :))

الحمد لله انا سجلت الترم ده مشروع تخرجي الا وهوة كالتالي solid waste بالمناسبة انا تخصصي مهندس مدني ولكن مشروع تخرجي يعتبر جديد نوفي ومخاطرة غريبة اني سجلت حاجة زي دي ! ولكن انا حاسس انه المشروع ليه مستقبل كبير جدا ! وحاطط امال كبيرة جدا على اني ها اغير مستقبل الزبالة في مصر !
فمشروع تخرجي هو اني ها اخزن زبالة البيت عندي لمدة 3 شهور ! وها اصنفها كل يوم ! واوزنها ! فمبدئيا محتاج
- ميزان ديجيتال 10 كيلو . ويكون سعره معقول والاقيه فين وعند مين !
محتاج ادرس بشكل اكثر طريقة المصريين في التعامل مع الزبالة فعايز اعرف اقرب مدفن صحي او محرقة او او او عشان ادرس الوضع عن كثب !
فيه دراسة محتاج من حضراتكم مساعدة فيها اللي يقدر يساعدني اكون شاكر ليه جدا !
كل اللي عايزه منك ! تجيب كيس صغير وتملاه ورق !
وانتا طالع البيت عندك ارميه في الشارع ! واقعد من فوق ! واحسب الوقت وشوف الكيس ده ها يقعد قد ايه في مكانه قبل ما شركة النضافة تيجي تشيله او حتى حد يشيله محتاجين نعرف الكيس بيقضي وقت قد ايه في الشارع ! اللي يعرف يساعدني اكون شاكر جدا ! لأني لما جربت لقيت مصايب ! رميت كيس في العباسية عند بيتي التاني الكيس فضل في مكانه لمدة 8 ايام و16 ساعة كاملة قبل ما حد يحرك ساكن ويجي يشيله ! 8 ايام ده رقم كبير جدا جدا وغير مقبول بالمرة ! فعايز اعرف قراءات من اماكن مختلفة فالجمهورية !
وياريت لو حد يخدمني في حوار الميزان ده اجيبه منين . بالنسبالي مدينة نصر مصر الجديدة وسط البلد هي الحلول المتاحة او اللي ها اعرف اوصلها بسهولة .

[GMC]

انا عملت تجربتك

رميت كيس زباله تحت


وطلعت فوق اشوف

مرت 5 ساعات ومحدش شاله مره 8 ساعات وجه واحد تاني رمه كيس جمب الكيس الاولاني

جه تالت ورابع ورموا زباله جمب الكيس الاولاني

بعد 4 ايام بقى مكب زباله

بعد اسبوع الكيس لسى في مكانه

بعدها باسبوعين الكيس لسى في مكانه

بعد 3 اسابيع واحد ابن حلال رمى سيجاره ولعت الزباله وهوب اختفت بقت رماد

والكيس فضل في مكانه متحركش بردوا ههههههههههههههههههههههههههههههههههههههه

ياباشا لو محتاج حد يجاوبك على الحجات ديه هات زبال وهو يظبطتك اجابات وتجارب ميدانيه وعمليه d:

انا راي فكك من المشروع ده شايف انه مش قد كده انت مع الشعب المصري الي متعرفلوش حاجه

لو عملت 100 دراسه علميه انا مش بكسر طموحاتك او بتريق بس شوف موضوع تاني افضل

ولو ادبست فا خلاص كمل والسلام

بس لما تيجي تتخرج حيبقى اسم المشروع في شهادة التخرج ايه



ZBALH

.ههههههههههههههههههه

والميزان موجود في كارفور او اللولو هايبر ماركت

ومتزعلش من كلامي

[MaNoLa]

لأ انا عارفة أنه عندنا لو رميت كيس زباله محدش هييجى يشيلة خالص و ممكن يتحلل

عمركم شوفتوا حد بياخد كياس الزباله معاه فى عربيتة لحد أقرب صندوق !!!!!

[M.Hosni]

أقرب مدفن صحي من الرحاب في محور na اللي هو امتداد شارع التسعين , اسمه مدفن الوفاء و الأمل و أوله عاملين فيه غابة شجرية

[M.Hosni]

فيه حاجة كمان أنا عندي شوية أبحاث و دراسات عن الـ Solid Waste Management في مصر .

لو تحب ممكن أبعتهملك , إبعتلي الايميل بتاعك , بس شوف الأول هتدفع كام :) :)

[SASA3]

بص حسب المكان الى انت هترمى فيه


بالنسبة الى فى دمياط الجديده فى صناديق زبالة الناس ملتزمة و بترمى فيها و دى بتتشال كل يوم فى معاد محدد الساعه 9 الصبح يومياا


فى المنصورة متفق مع عامل نضافة ييجى يشيل الزبالة كل يوم برضه من قدام الباب بس لو قلنا هتتحط فى الشارع يبقى هتقعد حوالى 12 ساعه

[mohamed_selim]

المدفن الصحى الوحيد اللى اعرفه فى منطقة مدينة نصر و القاهره الجديده على طريق na فى اوله لو جاى من عند الكوبرى الجديد قبل استاد الجيش بعد المقابر على طول على اليمين

[sayed911]

انا عملت تجربتك

رميت كيس زباله تحت


وطلعت فوق اشوف

مرت 5 ساعات ومحدش شاله مره 8 ساعات وجه واحد تاني رمه كيس جمب الكيس الاولاني

جه تالت ورابع ورموا زباله جمب الكيس الاولاني

بعد 4 ايام بقى مكب زباله

بعد اسبوع الكيس لسى في مكانه

بعدها باسبوعين الكيس لسى في مكانه

بعد 3 اسابيع واحد ابن حلال رمى سيجاره ولعت الزباله وهوب اختفت بقت رماد

والكيس فضل في مكانه متحركش بردوا ههههههههههههههههههههههههههههههههههههههه

ياباشا لو محتاج حد يجاوبك على الحجات ديه هات زبال وهو يظبطتك اجابات وتجارب ميدانيه وعمليه d:

انا راي فكك من المشروع ده شايف انه مش قد كده انت مع الشعب المصري الي متعرفلوش حاجه

لو عملت 100 دراسه علميه انا مش بكسر طموحاتك او بتريق بس شوف موضوع تاني افضل

ولو ادبست فا خلاص كمل والسلام

بس لما تيجي تتخرج حيبقى اسم المشروع في شهادة التخرج ايه



zbalh

.ههههههههههههههههههه

والميزان موجود في كارفور او اللولو هايبر ماركت

ومتزعلش من كلامي

مش فكرة تدبيس على قد ما هي فكرة اني عايز اجرب حاجة غيري معملهاش ! اصل مشاريع الخرسانة والحديد قتلت بحثا معادش فيها جديد :)

[sayed911]

لأ انا عارفة أنه عندنا لو رميت كيس زباله محدش هييجى يشيلة خالص و ممكن يتحلل

عمركم شوفتوا حد بياخد كياس الزباله معاه فى عربيتة لحد أقرب صندوق !!!!!

طيب سؤال مستفز :) انتو كيس زبالتكم تقريبا بيبقى وزنه في حدود كام والأسرة عددها كام :) عايز اعرف الأسرة المصرية بتنتج بمعدل كام كيلو في اليوم :)

[sayed911]

أقرب مدفن صحي من الرحاب في محور na اللي هو امتداد شارع التسعين , اسمه مدفن الوفاء و الأمل و أوله عاملين فيه غابة شجرية

ها اطلع المحور النهاردة وها ادور عليه وها اشوف متطلبات الدخول ليه ايه :) متشكل جدا جدا جدا لحضرتك :)

[sayed911]

فيه حاجة كمان أنا عندي شوية أبحاث و دراسات عن الـ solid waste management في مصر .

لو تحب ممكن أبعتهملك , إبعتلي الايميل بتاعك , بس شوف الأول هتدفع كام :) :)

اللي تقول عليه يا كبير :d احنا تحت امرك يا كبير :d شاور بس :d

[sayed911]

بص حسب المكان الى انت هترمى فيه


بالنسبة الى فى دمياط الجديده فى صناديق زبالة الناس ملتزمة و بترمى فيها و دى بتتشال كل يوم فى معاد محدد الساعه 9 الصبح يومياا


فى المنصورة متفق مع عامل نضافة ييجى يشيل الزبالة كل يوم برضه من قدام الباب بس لو قلنا هتتحط فى الشارع يبقى هتقعد حوالى 12 ساعه

يعني العملية منظمة بشكل كبير :) طيب الحمد لله معنى كده انه المحافظات المعدل فيها اقل من القاهرة

[sayed911]

المدفن الصحى الوحيد اللى اعرفه فى منطقة مدينة نصر و القاهره الجديده على طريق na فى اوله لو جاى من عند الكوبرى الجديد قبل استاد الجيش بعد المقابر على طول على اليمين

مهوة تقريبا نفس المكان اللي زا ما الإخوة افادو مدفن الوفاء والأمل :)

[M.Hosni]

اللي تقول عليه يا كبير :d احنا تحت امرك يا كبير :d شاور بس :d

طيب خلاص إبعتلي الايميل بتاعك و كرمش جواه ورقة بخمسة :) :)

[MaNoLa]

طيب سؤال مستفز :) انتو كيس زبالتكم تقريبا بيبقى وزنه في حدود كام والأسرة عددها كام :) عايز اعرف الأسرة المصرية بتنتج بمعدل كام كيلو في اليوم :)

أحنا أتنين بس و بالنسبه للوزن دة بيبقى تقيل جدا عشان فيه أزايز كتيرة