ازاى احقق دخل من منتدى مجانى

[RAPID]

عايز اعمل منتدى بفكرة جديدة مش موجودة تقريبا فى مصر
بس قبل التنفيذ كنت عايز اعرف هل اقدر احقق منه دخل معقول
يعنى الاعلانات على سبيل المثال ممكن تغطى مصاريفه وتعمل ربح ولا لأ؟؟
وده طبعا فى حالة نجاح المنتدى ووجود اقبال وترافيك كويس
وبرضه ازاى اعلن عنه واخليه يظهر فى نتائج محركات البحث
الموضوع مفتوح للنقاش وياريت اى زميل عنده فكرة او اضافة ياريت يتفضل بيها
وشكرا مقدما للجميييييييع

[hugan]

متابع

[ahmed_m_ashraf]

بالنسبة لمحركات البحث، متصدقش أي نصب يقولك باكدج محركات بحث وتطلع في الصفحة الكام ....إلخ
في حاجة إسمها SEO (Search Engine Optimization( وده معناها تهيئة كود صفحات الموقع إن موقع البحث تعمله إدراج وتصنيف بأفضل شكل ممكن. معلش ممكن الموضوع يكون صحب التوضيح شويه.
بإختصار، الحكم في موضوع ظهور موقعك في ترتيب متقدم، هو جودة محتوي الموقع ووضوح عناوين مواضيعة وإرتباطها بمحتوي الموضوع. أديك مثل، لما حد يجي يعمل موضوع عشان عطل في عربيتة مش صح إن العنوان يكون "محتاج مساعده. هاااااااام" وده بنشوفة كتير ولا يخدم صاحب الموضوع أو أصحاب المشاكل المشابهه لما يجو يدورو على جوجل مثلا. المفروض العنوان يكون مثلا "مشكلة عدم دوارة عربية كذا"، في الحالة دي لما يكون حد عنده مشكلة مشابهه ويدخل يدور على جوجل هيلاقي الموضوع بسهولة.
موضوع ال SEO كبير وفي شركاات بره متخصصة فيه بس ومحتاج متابعة يعني كل شوية محتاج تعمل تحسينات للكود وتتأكد إن كل المواضيع لها عناوين معبرة عن محتوى الموضوع و Tags.

أتمنى أكون أفدتك ومصعبتش الموضوع عليك وبالتوفيق.

[hazoom2006]

بالنسبة للمجانى نظريا ممكن يعمل ربح وبرده المهم المحتوى علشان الاعلانات
عمليا لازم يكون فى متابعه ودعم فنى كامل لان الموقع هيكبر واعضاءه هتزيد ومش هتلاقى باندويث مجانى يكفيك ولا دعم مجانى
لازم الاهتمام بحجات كتير لنجاح الموقع او المنتدى

[RAPID]

بالنسبة لمحركات البحث، متصدقش أي نصب يقولك باكدج محركات بحث وتطلع في الصفحة الكام ....إلخ
في حاجة إسمها SEO (Search Engine Optimization( وده معناها تهيئة كود صفحات الموقع إن موقع البحث تعمله إدراج وتصنيف بأفضل شكل ممكن. معلش ممكن الموضوع يكون صحب التوضيح شويه.
بإختصار، الحكم في موضوع ظهور موقعك في ترتيب متقدم، هو جودة محتوي الموقع ووضوح عناوين مواضيعة وإرتباطها بمحتوي الموضوع. أديك مثل، لما حد يجي يعمل موضوع عشان عطل في عربيتة مش صح إن العنوان يكون "محتاج مساعده. هاااااااام" وده بنشوفة كتير ولا يخدم صاحب الموضوع أو أصحاب المشاكل المشابهه لما يجو يدورو على جوجل مثلا. المفروض العنوان يكون مثلا "مشكلة عدم دوارة عربية كذا"، في الحالة دي لما يكون حد عنده مشكلة مشابهه ويدخل يدور على جوجل هيلاقي الموضوع بسهولة.
موضوع ال SEO كبير وفي شركاات بره متخصصة فيه بس ومحتاج متابعة يعني كل شوية محتاج تعمل تحسينات للكود وتتأكد إن كل المواضيع لها عناوين معبرة عن محتوى الموضوع و Tags.

أتمنى أكون أفدتك ومصعبتش الموضوع عليك وبالتوفيق.

شكرا احمد باشا على الاهتمام واللى اعرفه ان الاول بشترى دومين واستضافة ثم تركيب المنتدى، بس مين اللى بيظبط الـ Search Engine Optimization للمنتدى، الدعم الفنى اللى بيستضيف ولا اللى بيركب المنتدى ولا صاحب المنتدى نفسه؟ وانا اعرف ان فى خاصية فى جوجل لنشر المواقع فى قاعدة بياناتها عشان يظهر فى نتائج البحث فهل الخاصية دى فعالة برضه؟

وشكرا جزيلا لحضرتك

[RAPID]

بالنسبة للمجانى نظريا ممكن يعمل ربح وبرده المهم المحتوى علشان الاعلانات
عمليا لازم يكون فى متابعه ودعم فنى كامل لان الموقع هيكبر واعضاءه هتزيد ومش هتلاقى باندويث مجانى يكفيك ولا دعم مجانى
لازم الاهتمام بحجات كتير لنجاح الموقع او المنتدى

طبعا اقصد بالمجانى ان المنتدى يكون مجانى للاعضاء والتسجيل مفتوح لكن الاستضافة مدفوعة اكيد، والمحتوى اكيد لازم يكون قوى ومفيد ومش مكرر بس الدعم الفنى بيكون من اى جهة بالظبط وايه نظام مصاريفه فى السنة، وسؤال اخير حازم باشا هل فى منتديات vb مفتوحة؟ ولو استخدمت نسخة منزوعة الكود ممكن المنتدى يتقفل فى يوم من الايام؟ ولك تحياتى

[Ahmed_selmy]

اعتقد حضرتك ممكن تسوق للمنتدى على الفيس والحاجه بتنتشر بسرعه رهيبه, بس اهم حاجه المحتوى علشان تقدر تشد اكبر كميه من الناس فى وقت قليل.