للى عملوا مطابخهم الوميتال

[ainshouka]

ايه الافضل للمطابخ الخشب العادى ولا الالوميتال (خشمنيوم)
اللى اعرفه ان الخشب العادى فيه منه انواع وكل بيبقى له سعره
لكن هل الالوميتال المستخدم للمطابخ فيه منه انواع ؟
وايه هى الانواع الكويسة؟
وبتتعرف ازاى؟

اللى جرب المطابخ الالوميتال ........ ايه المشاكل اللى قابلتك وقلت ياريتنى كنت عملت خشب؟
وهل فعلا بتمنع ظهور الصراصير وخلافه

وشكرا مقدما لكل مساعد

[Ahmed_selmy]

هو ليه مميزات وليه عيوب.
المميزات:
1- سهل التنظيف خالص ولا يتاثر بالميه
2- خفيف فى الوزن فمن السهل ان حضرتك تحركه وتنظف تحتيه
3- لا يتاثر بمرور الزمن(يعنى الخشب ممكن يفلق او يتاثر بالحراره)
4- لا يوجد به عشش حشرات او صراصير, بس النمل موجود.

العيوب:
1- سهل الكسر (يعنى لو اتخبط جامد فى نص درفه مثلا ممكن يتكسر, وحصل عندى)
2- سعره غالى
3- مفيش منه اشكال كتير(مفيش منه اشكال و حركات زى الخشب )

دى تقريبا معظم الحاجات اللى انا شايفها, وبردوا انتظر رد الزملاء.
1-

[amrelsha3er]

بالظبط زى مااستاذ احمد قال
انا بفضل الخشب من حيث الشكل والجمال والخامه والمتانه
والاتنين بقو نفس السعر دلوقتى

[beshomilan]

لا بس الخشب بيكون اغلى من الالوميتال بكتير؟؟
متر الخشب من المعارض فحدود 2500 سواء كونتر ف زان او كونتر ف mdf
الالوميتال المتر ميعديش الالف