ماهية حقيقة كيونت ومثيلاتها؟

[Amr_tika88]

انا عارف ان الهجوم عليا هيبقا كتير بس انا هقول اللي اعرفه
اولا بالنسبة للحرمانيه نسال فيها شيخ
تاني حاجه كيونت دي نصب وممكن متكسبش فيها انما لوكال ادد فكرتها كويسه جدا القصة ومافيها انك كانك شغال عندهم بتتفرج علي اعلانات وبتاخد فلوس وبدل مامثلا شركة زي سامسونج تدفع لقنوات التلفزيون بتدفعها لحضرتك دايركت مقابل انك تتفرج علي الاعلان . وفيها اعلانات كتير بتبقي غالبا عن الشركة مش عن منتج معين وانا شايف النتورك ماركيتنج ده شكل جديد من اشكال التجارة . وللعلم انا ولا في دي ولا في دي بس انا اعرف ناس في الاتنين وكله مبني علي حسب ماحكولي عنها

[Amr_tika88]

انا عارف ان الهجوم عليا هيبقا كتير بس انا هقول اللي اعرفه
اولا بالنسبة للحرمانيه نسال فيها شيخ
تاني حاجه كيونت دي نصب وممكن متكسبش فيها انما لوكال ادد فكرتها كويسه جدا القصة ومافيها انك كانك شغال عندهم بتتفرج علي اعلانات وبتاخد فلوس وبدل مامثلا شركة زي سامسونج تدفع لقنوات التلفزيون بتدفعها لحضرتك دايركت مقابل انك تتفرج علي الاعلان . وفيها اعلانات كتير بتبقي غالبا عن الشركة مش عن منتج معين وانا شايف النتورك ماركيتنج ده شكل جديد من اشكال التجارة . وللعلم انا ولا في دي ولا في دي بس انا اعرف ناس في الاتنين وكله مبني علي حسب ماحكولي عنها

[bassol2000]

فشل زريع .. انا فى دايرة معارفي كلها ماعرفش واحد مسك جنيه قدام عيني من ورا الكلام الفاضي ده !
انا اعرف ناس كيتير بتشتغل Online
- مترجمين
- مصممين مواقع
- كتابة و الي اخرة
بالاضافه ان انا عندى 2 ( انترنت كافيه ) و عندى خبرة الي حد ما بالانترنت
كل وجهة نظر المتواضعه هى ( لو الشركات دى فعلا كانت بتعمل حاجه Serious كان زمان بقي في Real Cash بس انا مش فاهم هما اصلا بيعملو ايه ... اعلانات ايه .. هو انت مقتنع ان انا او اى حد بيفتح Youtube بيجيلو اعلان بيشوفه ؟ دى اول حاجه بعملها انى اقفله ... اكيد مش انا لوحدي يعنى ) من الاخر كله هــجـــس ... و ياريت بلاش نقول انا ابن خالتي او بنت عمي .. كل واحد يتكلم عن تجربة واقعيه شخصية و يحكلينا تفاصيل التفاصيل اكيد فى ناس كيتير نفسها تشتغل Online و تعمل فلوس من البيت ... ستات البيت و غيرهم اكيد نفسهم يساعدو ازواجهن ... ده لو فعلا بتكسبوا يعنى منها .. مابتكسبوش . يبقي نفضوا بقي لموضوع واحد صاحبي و واحد قريبي .. اصله يعنى ... مش بيجيب همه .. و السلام ختام

[mikho83]

بعيدا عن الاشتغالات، لي صديق في دار الإفتاء قال إن أحدث فتوى حرمت التعامل مع هذه الشركات وذكرت من ضمنها كيونت.

[enayat]

صاحبتي داخلة فيه وحاولت معايا بكل الطرق قلت لها ابدا

[ahmedkhairy]

اعتقد ده نصب

[mastr_n]

الف شكر يارجالة على مساعدتكوا لية بس انا هاتجنن من الشركات دية وصاحبى اقسملى بالله انة قبض منها فلوس حلوة ومسكها فى ايدة كمان ودة اعتقد لية تفسير واحد بس
ان الشركات دية بتطلع فلوس بجد عشوائى كدة لأى حد علشان يطمع أصحابة بصراحة مش مقتنع ومش داخل معاهم بردة

[حماده المصري]

الشركه بتاعه الاعلانات دي لو مجبتش اي حد مش هتاخد فلوسك كلها ف بتطر انك تدخل انت تحت نفسك عشان تبقى اسمك جبت حد ف بتاخد فلوسك كلها الي انت دفعتها مرتين يادوب بتاخدها بس

انما لو جبت ناس بتاخد فلوس كتير جدا جدا طبعا

مفيش حاجه في دول نصب بس كلهم صعب تجيب فيهم ناس ما عدا بتاعه الاعلانات دي اسهلهم

بس الفكره انه مفيش منتج حقيقي مفيد بيبقى معاك ف طول ما النظريه مش مزبوطه مش هيبقى فيه اقتناع

يعني كيو نت كلها اشتغالات سلسله البتاع ايه وساعه مش عارف ايه وديسكونت سفيرات وبتاع كل دول كويسين بس بالنسبه لفئه معينه من الناس وفي ناس كسبت منها دهب بس ل فئه معينه

بتاعه الاعلانات دي مش مقنعه

انما فيه مثلا شركه منتجات تجميل وبرفانات اسمها ايفون تقريبا بس ليها فروع في البلد وفي منتج حقيقي بيقع في ايدك اذا كان برفان او منتجات تجميل للبنات وماشيه برضو بنفس النظام تلاقي البنت معاها كتالوج وبتوري لصحباتها وبتاع وبيشتروا منها كانها بالضبط مندوب مبيعات

وللعلم انا مدخلتش في ولا وحده فيهم

[salah_86]

انا مش مقتنع بيها ليا اصحاب دخلو فيها سابو شغلهم واتجههوا ليا وشغلو مراتتهم فيها
يعنى كدا لو انا دخلت هدمن وعلشان اقعد اقنع الناس اسيب شغلى بقى واتفرغ للكلام دا
دا غير انى ممكن معرفش اقنع حد
واقل مبلغ ممكن تدخل بيه غالى جدا
وغير كدا دا قرش انت متعبتش فيه