آى باد وتاب

[sherif222]

يا جماعة أرجوكم يا ذوى الخبرة عايز اعرف الاجهزة الجديدة دى : الآى باد والتابلت بيستخدموا فى ايه كل على حدة وايه الفرق بينهم وهل هما زى الكمبيوترات والموبايلات وندخل منهم على النت وفيهم نظام تشغيل ويندوز وبرنامج اوفيس زى الكمبيوتر والعاب وكله كله عادى كأنه كمبيوتر بس صغير ؟؟؟؟!!!! من عنده معلومة ارجو الا يبخل بيها على اخ له عديم التكنولوجيا

[Ahmed_Ramadan]

هو بالظبط هجين بين اللاب توب و الموبايل ....
و فيه منه كذا نظام تشغيل ..... Android-Ios(Apple)- windows7&8

وطبعا تقدر تدخل بيه على النت (فيه منه بشريحة موبايل بتستخدم ال3g وفيه منه بيستقبل النت عن طريق ال Wi Fi و كل منهم ليه تمنه) و تقدر تنزل عليه أى برامج

وطبعا تقدر تنزل عليهم أوفيس و تستخدمه عادى و ممكن تشغل عليه Games خفيفة و فيه منه بيشتغل تليفون عادى

[Dr_Mido]

الايباد باد تابلت شركه ابل
مميزاته
سوفت وير متميز
تصيميم وخامات ممتازة
برامج متميزة
عيوبه
صعوبه الاتصال مع اى اجهزة اخرى سوا بلوتوث او توصيله بالكمبيوتر علشان تنقل منه او ليه الصور

التابلت اى تابلت تانى من اى شركه ودة فى ويندوز وفى اندرويد

قول انت عاوز ايه من الجهاز وانا هرشحلك واحد

[Most_H]

الايباد باد تابلت شركه ابل
مميزاته
سوفت وير متميز
تصيميم وخامات ممتازة
برامج متميزة
عيوبه
صعوبه الاتصال مع اى اجهزة اخرى سوا بلوتوث او توصيله بالكمبيوتر علشان تنقل منه او ليه الصور

التابلت اى تابلت تانى من اى شركه ودة فى ويندوز وفى اندرويد

قول انت عاوز ايه من الجهاز وانا هرشحلك واحد

+الآيباد غالى جدا جدا بالنسبة للمنافسين

[tutankhamoun]

+الآيباد غالى جدا جدا بالنسبة للمنافسين

و مبالغ اصلا في سعره مقابل امكانياته زيه زي الأي فون أخوه الصغير .

التاب هو أي جهاز يعمل باللمس و معناه الحرفي هو اللوح .... (الأنواع هي الأيباد بتاع شركة آبل - سامسونج الأندرويد ..... و فيه حاجات ويندوز )

طبعا الأندرويد دلوقتي مكتسح السوق العالمي .

التاب فيه منه أنواع كثيرة من أول 600 جنيه و لغاية 5000 جنيه حسب الماركة و الخامة و الامكانيات .

لا يُغني عن الكمبيوتر و هايرجع في النهاية أنت عايز منه أيه ؟

[ahmedmohamed7]

الكومبيوتر اللوحى او Tablet
بعتبره موبايل تاتش بشاشة كبيرة فيه من اول 7 انش لفاية 10 انش ...زى ماقولت شبيه بالموبيل و بالتالى امكانياته لا تقارن بكومبيوتر و لا يمكن الاستغناء عن الكومبيوتر فى سبيل التاب ...التاب لطيف فى قراة الكتب الاليكترونية و لعب الالعاب البسيطة و الدخول على الانترنت ......
التابلت ده الاسم العام و كل شركة بتسمي خط انتاج التابلت الخاص بيها اسم تجارى مثلا:
التابلت الخاص بشركة ابل هو IPAD
التابلت الخاص بشركة سامسونج هو Galagxy tab
مؤخرا مايكروسوفت اطلقت التاب بتاعها و اسمه Surface على ما افتكر :) و فيه طبعا شركات تانيه بس دول اشهرهم.
نظام التشغيل بيختلف من تلب للتانى على حسب الشركة المصنعة مثلا:
APPLE IPAD=IOS
Samsung Gagxy Tab=Android
Microsoft Surface=Windows...مش عارف هيبقى مويندوز موبيل ولا ايه بالظبط بصراحة

[ecybrarian]

على الرغم من عيوب الآي باد iPAD السابق ذكرها إلا إني من انصاره...مش عارف هناك سحر خاص به...الشاشة...التاتش..الألوان..الـFinishing.....مش عارف..بس هو عموما جهاز ساحر..الأندرويد حظي معاه وحش..مافيش جهاز اندرويد اشتغلت عليه إلا وبيهنج Hanging بعد فترة مع كتر البرامج والالعاب وكدا....

طبعا دا تقييم انطباعي مش اكتر...بس صدقني الراحة النفسية عليها دور برضه.. اسعار iPad تحديدا ارخص بره مصر..اه نسيت...iPad لا يدعم فلاش وكان في وصله ردح بين ادوبي Adobe وابل بسبب الموضوع دا

[sherif222]

أشكركم جميعا على ردودكم ... معنى هذا انى أجيب سامسونج تاب افضل وبالنسبة للى بيسالنى انت عايزه فى ايه ؟؟؟ كنت عايز حاجة تشتغل كمبيوتر ويندوز واوفيس ويكون حجمها صغير اروح بيها لاى مكان من غير تعب الشيل والشنط وهكذا ويكون سهل كمان احط فيه يو اس بى مودم للنت او يلقط نت من واى فاى ... هل كده اقدر اعتبر ان كل ده فى التاب حسب كلامكم ؟؟؟ ارجو المتابعة . شكرا جزيلا

[ahmed_m_ashraf]

أنا التبلت مش بيغنيني عن الكمبيوتر في حالة الشغل (بسبب طبيعة شغلي تصميم وبرمجة ). لاكن لو فيه حد كل إستخدامة للكمبيوتر أو طبيعة شغلة هي فقط الإيميلات وتصفح النت والشغل على الأوفس. فالتابلت ممكن يغنيه عن الكمبيوتر بنسبة 90% مثلا وممكن 100% أحيانا بشرط يكون التابلت نوعيه سريعة وكواليتي عالي وبالتالي غالي.

يعني أنا عن نفسي لو مش بشتغل يعني لا بصمم حاحة ولا ببرمج حاجة بكسل أقعد ع الكمبيتر وبفضل أستخدم التاب وأنا مريح ع الكنبة مثلا يعني بيغنيني تماما عن الكمبيوتر في كل ماهو غير الشغل. وحاليا النوت 2 أغناني عن التابلت بنسبة 98% ههههه

[marsguy]

ولو ناوي تكتب كتير هايبقى صعب أوي تعتمد على التابليت إعتماد كلي عشان الكيبورد التاتش االكتابه عليها أصعب كنير

[ecybrarian]

عمر التابلت ما ها يغني عن اللاب توب...مافيش برامج اوفيس فوية او فوتوشوب على التابلت

[h_shahin]

أشكركم جميعا على ردودكم ... معنى هذا انى أجيب سامسونج تاب افضل وبالنسبة للى بيسالنى انت عايزه فى ايه ؟؟؟ كنت عايز حاجة تشتغل كمبيوتر ويندوز واوفيس ويكون حجمها صغير اروح بيها لاى مكان من غير تعب الشيل والشنط وهكذا ويكون سهل كمان احط فيه يو اس بى مودم للنت او يلقط نت من واى فاى ... هل كده اقدر اعتبر ان كل ده فى التاب حسب كلامكم ؟؟؟ ارجو المتابعة . شكرا جزيلا

حضرتك محتاج نت بوك مش تابلت

النت بوك هو لاب توب بس على صغير
شاشته 10 بوصة فقط أو 11 بالكتير
البروسيسور بتاعه مش قوى و الرام من1 إلى 2 جيجا
لكن بيشغل الويندوز و الأفيس و بيدخل على النت

و ده إختيار يعتبر وسط بين التابلت و اللاب توب

[dedi]

ماعلش سؤال هو اخبار الصينى اية انا سمعت انة بيبدأ من 500 جنية انا عايزة لابنى يعنى شغال و لا لا و اية الماركة الافضل فى التابلت الصينى
تحياتى

[sherif222]

اشكركم جميعا