تأثير القطط على البنات ؟

[Tarek Gen 2]

يا جماعة حد يعرف هل القطط بتأُثر فعلا على الحمل او على البنات عموما ؟ خطيبتى عايزة قطة وانا متردد :)

[ahrambc]

من المعروف أن القطط و العصافير ايضا تحمل ميكروب تكسوبلازما - و هو موجود ايضا فى البسطرمه و اللانشون .

و هذا الميكروب يسبب الأجهاض فى حوالى الشهر الخامس

و يجب على السيده - اذا كانت تقتنى حيوانا منزليا - أن تقوم بعمل التحليل اللازم كل فتره

و علاجه سهل و بسيط ببعض المضادات الحيويه

و يمكن علاجه حتى اذا تم اكتشافه أثناء فترة الحمل

[houras1010]

طالما نضيفه من صغرها وبتاكل اكل نضيف وكامل التسويه مبتكونش حامله للتكسوبلازما المسبب لمشاكل تخص البنات او الحوامل

[Mostafa.Mahran]

اعرف ناس عندهم قطط و اتجوزو و خلفو عادى جدا

[moody_687]

لا يوجد ضرر ع خطيبتك فلا تقلق
المهم ان القطة متنطش ع طبق الاكل حتى ولو فاضي عشان رجليها وايديها من تحت بتكون حاملة للبكتريا الضارة

[hh]

من المعروف أن القطط و العصافير ايضا تحمل ميكروب تكسوبلازما - و هو موجود ايضا فى البسطرمه و اللانشون .

و هذا الميكروب يسبب الأجهاض فى حوالى الشهر الخامس

و يجب على السيده - اذا كانت تقتنى حيوانا منزليا - أن تقوم بعمل التحليل اللازم كل فتره

و علاجه سهل و بسيط ببعض المضادات الحيويه

و يمكن علاجه حتى اذا تم اكتشافه أثناء فترة الحمل

الكلام ده هو الخلاصة. القطط كمان ممكن تطعم ضد التكسوبلازما و هو مش حيجيله لو مبتاكلش لحوم مش متسوية كويس زي اللانشونات و الحاجات دي. اتكل على الله متخافش, بس اعمل حسابك انها ممكن تبهدل لك الفرش من الخربشة فيه.

[ahmedhilmy]

الكلمتين دول منتشرين جدا بس شفت ناس كتير كانوا مربيين نقطط من صغرهم و مش بيناموا اللي و القطه في حضنهم و الحمد لله مجوزين و مخلفين و زي الفل

[tarekmomo]

معلومات مفيدة جزاكم الله خيرا

[eng.m7md.ali]

حمدالله على السلامة .. ايه الغيبة الطويلة دي :)

[EngAhmedSayed]

انا بسمع امى بتقول القطط غلط على البنات
ليه مش عارف

ربك المستعان

[speed_magnum]

افتكر اني قلتلك بلاااااااش

[Tarek Gen 2]

هو ده النايل موتورز :)
مكتبش موضوع ابدا الا اما الاقى 10 بيقولوا اه و 10 بيقولوا لا !!
يعنى اشترى ولا هتورطوني :) انا فرحى الشهر الجى

شكلى هاخد طريق ابعد عن الشر و غنيله :(

[speed_magnum]

هو ده النايل موتورز :)
مكتبش موضوع ابدا الا اما الاقى 10 بيقولوا اه و 10 بيقولوا لا !!
يعنى اشترى ولا هتورطوني :) انا فرحى الشهر الجى

شكلى هاخد طريق ابعد عن الشر و غنيله :(

ككلام علمي
القطط والحيوانات الاليفه هي المصدر الرئيسي للعدوه بالتوكسوبلازما


وده عباره عن بروتوزوا احادي الخليه وبيسبب مرض ليه خطوره علي الام والجنين

وبيوجد في لعاب الحيوان و برازه
والتعامل مع الحيوان ينقل المرض
وخطورة المرض
علي الام بياثر علي الشبكيه والعصب البصري والغدد الليمفاويه والجهاز العصبي
اما بالنسبه للجنين فاصابة الام بهأ المرض في الثلاث شهور الاولي من الحمل قد يؤدي لوفاة الجنين او حدوث تشوهات جنينيه مثل استسقاء الدماغ والتخلف العقلي …
لما نبقي عارفين الكلام ده يبقي ليه نجيب قطط ?
مش الوقايه خيرٌ من العلاج ?

[Tarek Gen 2]

ككلام علمي
القطط والحيوانات الاليفه هي المصدر الرئيسي للعدوه بالتوكسوبلازما


وده عباره عن بروتوزوا احادي الخليه وبيسبب مرض ليه خطوره علي الام والجنين

وبيوجد في لعاب الحيوان و برازه
والتعامل مع الحيوان ينقل المرض
وخطورة المرض
علي الام بياثر علي الشبكيه والعصب البصري والغدد الليمفاويه والجهاز العصبي
اما بالنسبه للجنين فاصابة الام بهأ المرض في الثلاث شهور الاولي من الحمل قد يؤدي لوفاة الجنين او حدوث تشوهات جنينيه مثل استسقاء الدماغ والتخلف العقلي …
لما نبقي عارفين الكلام ده يبقي ليه نجيب قطط ?
مش الوقايه خيرٌ من العلاج ?

!! بعد رد حضرتك الشافى الكافى ده انا قررت انى مشتريش اى قطط
بل و كمان لو شفت قطة فى الشارع هفرمها بالعربية ! :)

[casperinoo]

لو علي التوكسوبلازما ..ديه سهل التحكم فيها ..
لأنها بالنسبه كبيره هتبقي متطعمه ..وبالنسبه اكبر معظمنا عنده مناعه منها ..
وحتي لو مش مطعمه وهي معندهاش مناعه ..الحرص اثناءالتعامل مع الفضلات والغسيل اليد عند التعامل مع الطعام هتبقي في امان 100 %
انا عندي قطه بتاعت مراتي بتاعتها ومن هي عندها 13 سنه ..شيرازي عجوزه عندها يجي 11 سنه ..
الصالون عندي اتقطع بسبب الخربشه فيه ..
فيه حمام محجوز من الحمامين اللي في الشقه محجوز ليها لأنه فيه طبق الرمل بتاعها ..كل الستاير مرفوعه ..لأن اي حاجه مدلدله هتقطعها ..
السفر بيها صعب جدا ..وطبعا مبقدرش اعملها حاجه ..بس حاطط امل علي بنتي الصغيره لما تكبر تنتقملي منها..
بلاش احسنلك ..مسئوليه ووجع دماغ