الوقت المناسب للسفر الي الخارج

[shaddadfalcon1]

ياتري ايه انسب وقت تسافر تعملك قرشين بره مصر؟
يعني قبل الجواز ولا بعد؟ ولا لما تخلف ولا قبل؟

طيب لو كنت خايب زيي وجالتك فرضه وضيعتها وعيالك دلوقتي في المدارس وبقالك 7 سنين شغال معملتش اي حاحه ولا شقه ولا عربيه عدله ولا اي حاجه والعيال بتكبر كل يوم قدام عينيك وانت مطحون ومش عارف حتي تقعد معاهم شويه
ياتري هتفكر برده تسافر؟ وهتاخدهم معاك ولا هتسيبهم ؟

[تامر.محمد]

هممم , فيه قاعدتين

واحدة بتقول لك طالما انت هنا قادر تعيش في مستوى معقول و هاتسافر برة عشان تزود فلوس بس , خليك احسن
و قاعدة تانية بتقول لك سافر اعمل لك قرشين و ارجع , لو عرفت لأن الموضوع بالنسبة للي معاه اسرة مش سهل

[أبو صلاح]

انا شخصيا بعتبر السفر حاليا فرصة علشان تعرف تعيش حياتك وتحس بآدميتك بغض النظر عن الماديات

[hossam_elwani]

للاسف بعد الجواز الفرص بتقل كتييييييييير فى الادخار وبناء الذات الى بيعود على الاولاد

طبعا قبل الجواز احسن فرصه واى حد يجيله فرصه وهو بطوله لالالالايتردد اطلاقا ما احلها عيشة الحريه ههههههههه

اما لو كانت السفريه مجزيه والشغل يتحمل جزئية السكن على وجه التحديد اوعى تسافر وتسيب عيالك هنا نصيحه من اخوك اوعى ياتخدهم معاك يتفضل هنا وترضى بما قسمه الله لك

[buddha]

لو السفر لمنطقة عربية ..... اهم حاجة المرتب مجدى وفى اقامة
وممكن بعد كدة تبعت لعيالك يروحو للبلد دى يبقى كويس

لو بلد اجنبى
انسى انك تحوش جنية فى ضرايب وتامينات يدوبك المرتب يقضى سكن واكل وممكن عربية لان البنوك هى الهتجيبهالك وتريحك فى الاقساط جدا
بس المشكلة كامنة فى التامينات المرتفعة جدا

لو متجوز ساعتها هاترمى العيال بزوجتك لان فى امريكا واوروبا مغريات اكبر من اى حد
يعنى لو انتى بطولك قبل الجواز عادى جدا وهتعيش وتتفسح وتركب عربيات و طبعا الحياة هناك فرررررى ولا هتبص اصلا انك تتجوز
بس ممكن تدور على واحدة مصرية او عربية وعايشه هناك بردة ساعتها تبقى 100 100

اوروبا افضل فى حاجات عشان (الاشتراكية) يعنى فى حاجة اسمها تعيين فى شركة زى مصر وفى اجازات ورواتب مستديمة وعلاوات وفى قانون عمل يحمى الموظف
امريكا(راسمالية) مفيش حاجة اسمها تعيين خالص وبيكون الاجر يومى او شهرى على حسب

بس الحياة فى امريكا افضل من حيث المستوى من اوروبا


فكر كويس جدا جدا


الغربة بتعمل انسان عندة جمود حسى وحاجات وحشة كتير

[أحمد كمال]

سافر و خد مراتك و عيالك

لو مش هتعرف تحوش بسبب سفرهم معاك يبقى ماتسافرش من الاساس ....... العمر مش بعزقة و ما تضيعش احلى سنين عمرك انت و مرانك بعيد عن بعض

[MohssenRashed]

انا مقتنع اللي يسافر يسافر و يأخد اسرتة و يطلع عشان يعيش يعني يجيب سكن كويس و عربية و يتفسح و يعيشششششش

اللي بيحط في دماغة انة طالع يحوش و يرجع بيجي على نفسة في الغربة في السكن و الاكل و الفسح و في الاخر مش هيرجع و هيبقى ولا طال العيشة الكريمه و ولا رجع بلده.

[hussein]

لازم يكون عندك يقين انك مش هتموت الا لما تاخد رزقك اللى ربنا كتبهولك كله
لكن لو هتسافر عشان حياة احسن و عيشه انضف خد العيال و سافر
لو هتسافر لوحدك يبقى خليك هنا احسن حتى لو هتعمل قرشين بره لان ربنا كتبهملك هنا برضه

[hnh_75]

بص ان كنت هنا في مصر ليك دخل كويس يغطي مصاريف حياتك متسافرش وازا كنت عايز تسافر سافر علشان تجيب الشقة التملك والعربية الزيرو بس يريت تقول هتاخد راتب كام علشان نبقه نحسبه مع بعض وتعرف الحجات دي هتبقي تجيب فلوسه منين وهتعمل ايه ان شاء الله في الضغط والسكر وربك يستره وخلي بالك انا لا اقصد شئ انا مسافر الخليج وبره الخليج واتهرست لما قلت يبس ومعايا الحمد لله عربية ومعايا شقة والحمد لله مفيش ضغط ولا سكر وصحتي رياضية جدا وبندم علي كل يوم معيشتش فيه في مصر كنت بكره كل يوم لما اروح اركب المترو دلوقت مش بركب العربية واروح اركب الميكروباص العشة (التريمكو) واركن العربية لاني مش بحب اركبها بالاضافة مش هتلاقي ليك صحاب كتير ناس كتير هتلاقيه عايز تصاحبك ومش عايزه منك حاجه لكن هتجلس معاه مش هتلاقي نفسك بمعني ظروفهم غير ظروفك وحياتهم غير حياتك مش هتلاقي حد يفهمك لو جلست تشتكي بل علي العكس هتلاقي سخرية وبص كلامي ده مش هيفهمو غير حد مسافر وطول يعني 6 او10 سنين فيما فوق ومتخليش مظاهر الناس المسافره تغرك غالبية الناس المسافره محليتهاش غير جلبيتين حلوين علي طقمين حلوين علي حتين دهب في ايد المدام للمنظر العام لكن لو قلت ليه متجلس في مصر واعمل مشروع هتلاقيه يتهرب في الكلام ويقولك كلام كتير عبيط علشام ميفضحش نفسه ده في حالة الرزق الحلال اللهم ارزقنا الحلال

[ghost11]

نصيحه من واحد مسافر وسايب زوجته وابنه ال8 شهور اوعى تسافر من غيرهم هتكره حياتك والفلوس ملهاش اى طعم بس نعمل ايه فى بلدنا اللى زى الزفت لو نزلت هاقعد فى البيت زى الولايا
ربنا يصلح حال البلد وترجع لنا مصر بتاعه زمان اللى كان كلها امن وامان واللى يمسيك بالخير يا حسنى كنت نافخنا بس كنا عايشين والله

[horas3000]

انا مقتنع اللي يسافر يسافر و يأخد اسرتة و يطلع عشان يعيش يعني يجيب سكن كويس و عربية و يتفسح و يعيشششششش

اللي بيحط في دماغة انة طالع يحوش و يرجع بيجي على نفسة في الغربة في السكن و الاكل و الفسح و في الاخر مش هيرجع و هيبقى ولا طال العيشة الكريمه و ولا رجع بلده.

+11111
خير الكلام ما قل و دل

و اللي بيطلع عشان يحوش دلوقتي
نهايته هتكون انه يعيش عيشه صعبه في الغربه
و لما يرجع هيلاقي كل حاجه غليت و مش هيعرف يعمل حاجة باللي حوشه

[shaddadfalcon1]

ربنا يكرمكم علي ردودكم

انا لو هسافر هاخد عيالي ومراتي لاني مستحملش اعيش من غيرهم

بالنسبه للأصدقاء فالحمد لله مليش وبحب العزله حتي من اهلي كمان وبحب اعيش لوحدي قوي ومش بحب الأخنلاط بالناس كتيير

عمري ماهسافر الا اذا كان المرتب يكفي عيشتي هناك واحوش منه ولما سالت شويه لقيت ان الشركات مممكن تتحمل سكني ومواصلاتي وتامين ومدارس الولاد كمان

ايه بقي ؟

[m_elkhishin]

انا سافرت السعودية في شهر يناير 2009
اخدت سلفة فورية من الشركة وجهزت الشقة وجبت مراتي في مارس 2009

الغربة متستاهلش تعيش يوم واحد بعيد عن عيالك.

لو حتسافر السعودية،
لو مثلا مرتبك 6000 ريال
طبعا محروم فحتركب عربية جديدة سيراتو مثلا قسطها 1400-1500 ريال .
ايجار الشقة الصغيرة 1500-2000 ريال
يدوب تاكل وتشرب بمستوى متوسط 2000 ريال
تليفون وموبايل ونت 500-700 ريال

المجموع: اكتر من 6000 ريال مصاريف شهرية

تعالى بقى لو عندك عيال في الحضانة او المدرسة
المصاريف بتبدأ من 5000 ريال في السنة للمدرسة الاهلية المعفنة
يعني علشان تدخلهم مدرسة معقولة مش اقل من 10000-12000 ريال للطفل الواحد(اهلية بردو مش انترناشيونال)

الخلاصة لو انت يدوب عايش في مصر، ممكن تقبل مرتب 6000-7000 ريال عشان يدوب تعيش هناك في مستوى افضل قليلا.
كل 1000 ريال زيادة بعد كده هيحسن مستوى معيشتك اكتر او هتحوشه.

ممكن تحوش طبعا من اللي انا كتبته في الاول بس حتيجي على نفسك وعيالك كتير.

[shaddadfalcon1]

انا سافرت السعودية في شهر يناير 2009
اخدت سلفة فورية من الشركة وجهزت الشقة وجبت مراتي في مارس 2009

الغربة متستاهلش تعيش يوم واحد بعيد عن عيالك.

لو حتسافر السعودية،
لو مثلا مرتبك 6000 ريال
طبعا محروم فحتركب عربية جديدة سيراتو مثلا قسطها 1400-1500 ريال .
ايجار الشقة الصغيرة 1500-2000 ريال
يدوب تاكل وتشرب بمستوى متوسط 2000 ريال
تليفون وموبايل ونت 500-700 ريال

المجموع: اكتر من 6000 ريال مصاريف شهرية

تعالى بقى لو عندك عيال في الحضانة او المدرسة
المصاريف بتبدأ من 5000 ريال في السنة للمدرسة الاهلية المعفنة
يعني علشان تدخلهم مدرسة معقولة مش اقل من 10000-12000 ريال للطفل الواحد(اهلية بردو مش انترناشيونال)

الخلاصة لو انت يدوب عايش في مصر، ممكن تقبل مرتب 6000-7000 ريال عشان يدوب تعيش هناك في مستوى افضل قليلا.
كل 1000 ريال زيادة بعد كده هيحسن مستوى معيشتك اكتر او هتحوشه.

ممكن تحوش طبعا من اللي انا كتبته في الاول بس حتيجي على نفسك وعيالك كتير.

انا بالنسبه ليا الحمد لله عندي خبره كويسه 7 سنين هنا وبالتالي العرض اللي هيبقي موجود المفروض انه يبقي كويس ويغطي كل الكلام اللي حضرتك ذكرته يعني المفروض ان المرتب للأكل والشرب والفسح والفواتير

[Medicalist]

رايى انه السفر دلوقتى حل للهروب من المجتمع الى توحش بغض النظر عن الماديات و التحويش اصبح صعب لانه الفلوس والرواتب هى فى مقابل كل حاجه هنا اصبحت غاليه جدا