هل ممكن تتجوز من امرأه سورية ؟؟

[prince91720]

ملاحظه : الموضوع ده للنقاش بين الرجال فقط

هل انت كشاب مصرى ممكن تتجوز من امرأه سورية موجوده ببلدك؟؟
و انا كتبت امرأه لأن اكيد فى بينهم ارامل يعنى ممكن تتجوز و تاخد ثواب بالسعى على الارملة واليتامى بس ده على حسب نيتك التى لا يعلمها الا الله.

و ازاى ممكن تلاقى زوجه سورية مناسبه ليك؟؟ هتروح اماكن وجودهم ولا هتعمل ايه بالظبط؟؟
وهل اهلك هيوافقو؟؟
ولو رفضو ايه اللى ممكن تعملو علشان يقتنعو؟؟
هل توافق ان تكتب لها مؤخر كبير بإرادتك اعترافا منك بجديتك فى الزواج ؟؟

و اليك الاسباب اللى ممكن تخليك تفكر تتجوز المرأه السوريه بعد ايمانها بالله و تدينها طبعا
1: السورية حنينه و رقيقه بطبعها
2: غير نكديه ولا متكبره (زى اللى فى بالى )
2:مطيعه لزوجها ولا تضربه (زى اللى فى بالى برده) و لا حتى ترفع صوتها عليه
3: تقدس الحياة الزوجيه و تحترمها
4: نضيفه و شاطره فى شغل البيت
5:جميله فى طبعها و شكلها و جسمها و مستحيل تلاقيها فشولت منك بعد الجواز
6: غير متعنته فى طلبات الزواج بالعكس فهم ييسرون لكن للشخص المناسب اللى ممكن يأمنو بنتهم عليه فمثلا :
لا تطالبك بشبكه ب 25 ألف و لا قايمه ب 80 ألف ولا شقة تمليك ب ...... حط انت رقم من عندك ولا فرح مدته 3 ساعات متكلف 10 الاف يعنى الساعة ب 3 الاف.
يكفيها انك قادر تفتح بيت تكفى طلباتها و احتياجتها من اكل و شرب و لبس و عندك مكان يأويكم سواء كان ايجار او غيره

طبعا الحاجات دى نسبية و بتختلف من واحده لواحده . و مش كل السوريين فيهم الصفات دى (مع كامل احترامى ليهم طبعا ) بس دى اغلب السمات المميزة للسوريين
زى مثلا عندك فى مصر الشرقاوية معروفين بالكرم . الصعايده معروفين بالغيرة و دمهم حامى . المنايفه معروفين انهم اذكيا و بيوصلو لأعلى المناصب ....
و هكذا

اتمنى تفاعلكم مع الموضوع و الرد على الاسئلة اللى بالاحمر
و اللى عنده حاجه ممكن يضيفها يتفضل

و بكرر الرد للرجاااااااااااااال و الشباب فقط


اللون الأحمر مخصص فقط للمداخلات الإداريه
يرجى مراجعه قوانين المنتدى
مشرف 9 ب
21/04/2013
1:55pm

[MTAK]

, و كمان بتنبه الاشراف ان الاسئله بالاحمر

يا جبروتك :)

على العموم لو عملت بحث فى المنتدى على هذا الموضوع

هاتعرف ان فى ناس عاوزه تتجوز كهله سوريه مش امرأه

و ثلاث اربع الباقى نفسهم و خايفين يقولوا :)

[S O P H O S]

لا احبذ فكرة ان حد يتجوز حد بدون تفاهم وقبول وظروف مستقرة
انما فظل الظروف دي وان الشخص يتقدم والطرف الاخر يتطر يقبل ده امر سئ بصراحة
لكن يظل كلامي وجهة نظر
تحياتي ..

[youssef_u]

واحدة سورية ؟ الشرع حلل اربعة يا عم

[Land_Cruiser]

بص يا باشا مبدأيا ما ينفعش التعميم. لأن كل إنسان مختلف حتي عن أخيه مش مواطن من بلده يعني هتلاقي مصريه نكديه و سوريه نكديه برضه عادي و كذلك بقيه النقاط اللي ذكرتها وارد جدا يبقي العكس هو الصحيح فالموضوع يتوقف علي الانسانه نفسها و طباعها و تربيتها و تدينها و نقطه الزواج دي يعني بيت و اسره و لذلك لابد من الاختيار بدقه و توفيق ربنا قبل كل شيء. يعني دي مش هتبقي زي سياره عليها تخفيض اليومين دول او ذهب سعره نزل فنلحق ننتهز الفرصه قبل ما يغلي تاني لان مع الاسف في ناس كتير ممكن تفكر بالطريقه دي

[micromoud]

ملاحظه : الموضوع ده للنقاش بين الرجال فقط

هل انت كشاب مصرى ممكن تتجوز من امرأه سورية موجوده ببلدك؟؟
و انا كتبت امرأه لأن اكيد فى بينهم ارامل يعنى ممكن تتجوز و تاخد ثواب بالسعى على الارملة واليتامى بس ده على حسب نيتك التى لا يعلمها الا الله.
[/COLOR]

انا هعلق على الجزء ده
ياسيدى الفاضل موضوعك جميل الا انه متناقد عشان انت ذكرت اسباب تخليك متتجوزش اللى بالى بالك وعلى اساسها هتتجوز السورية . .. طيب يبقى لزومه ايه بقى الكلام بتاع انك رايح تتجوز عشان ثواب السعى على الارمله واليتامى طب ما تسعى على الارمله واليتامى اللى بالى بالك برضه وهتلاقى فيهم ناس مش عاوزين التكاليف اياها وستات بيوت وزى الفل وطبعا فيه ثواب كبير وفيه ستر :)))))

النقطه التانيه مين قال لحضرتك ان السوريات مش متكبرات وحنينة ورقيقه بطبعا يا عزيزى انت بتتعامل مع انثى اختلفت الجنسيات والنوع واحد

[reda elgohary]

طيب هى فين وأنا موافق ع اي حاجة المهم الثواب ،،وكمان التعدد وغض البصر ،،وحل مشكلة العنوسة

[rompo10]

كل شويه اللي بالي بالك ماتقولي المراه المصريه انتوا خايفين لييييييييييييييييييييييييييييييييييييه

[Land_Cruiser]

آه لو الحكومه شمت خبر بالموضوع ده .. من بكره الصبح هتطلع جمارك علي دخول السوريين زي السيارات كده و الحجه طبعا معروفه و هي دعم الانتاج المحلي

[ICE_MAN]

أولا ممنوع الكتابة بالاحمر هنا حيث انه مخصص لمداخلات الادارية فقط.

ثانيا بالنسبة للجواز يا صديقى فأنا خلاص لبست و اللى كان كان

[prince91720]

لا احبذ فكرة ان حد يتجوز حد بدون تفاهم وقبول وظروف مستقرة
انما فظل الظروف دي وان الشخص يتقدم والطرف الاخر يتطر يقبل ده امر سئ بصراحة
لكن يظل كلامي وجهة نظر
تحياتي ..

وجهة نظرك على العين و الرأس
لكن مين قال ان هيكون فى اضطرار او اجبار على الموافقه ؟؟
اذا ماكنش فى قبول و اقتناع تام فى الموضوع فيستحسن للطرفين عدم البدء فيه

, و كمان بتنبه الاشراف ان الاسئله بالاحمر

يا جبروتك :)

على العموم لو عملت بحث فى المنتدى على هذا الموضوع

هاتعرف ان فى ناس عاوزه تتجوز كهله سوريه مش امرأه

و ثلاث اربع الباقى نفسهم و خايفين يقولوا :)

ههههههههههه
ربنا يوفق الجميع للخير

واحدة سورية ؟ الشرع حلل اربعة يا عم

ههههههههه انا و الله مش عاوز غير واحده بس

بص يا باشا مبدأيا ما ينفعش التعميم. لأن كل إنسان مختلف حتي عن أخيه مش مواطن من بلده يعني هتلاقي مصريه نكديه و سوريه نكديه برضه عادي و كذلك بقيه النقاط اللي ذكرتها وارد جدا يبقي العكس هو الصحيح فالموضوع يتوقف علي الانسانه نفسها و طباعها و تربيتها و تدينها و نقطه الزواج دي يعني بيت و اسره و لذلك لابد من الاختيار بدقه و توفيق ربنا قبل كل شيء. يعني دي مش هتبقي زي سياره عليها تخفيض اليومين دول او ذهب سعره نزل فنلحق ننتهز الفرصه قبل ما يغلي تاني لان مع الاسف في ناس كتير ممكن تفكر بالطريقه دي

بالنسبة لنقطة التعميم ف أنا ذكرت فى الموضوع إن دى السمات الغالبه على طبع السوريين و هجيب لك اقتباس من الموضوع

طبعا الحاجات دى نسبية و بتختلف من واحده لواحده . و مش كل السوريين فيهم الصفات دى (مع كامل احترامى ليهم طبعا ) بس دى اغلب السمات المميزة للسوريين
زى مثلا عندك فى مصر الشرقاوية معروفين بالكرم . الصعايده معروفين بالغيرة و دمهم حامى . المنايفه معروفين انهم اذكيا و بيوصلو لأعلى المناصب ....
و هكذا

حكاية ان دى فرصه و لازم الواحد يلحقها قبل ما تخلص : معتقدش ام حد بيفكر بجديه فى الزواج ممكن يحسبها بالطريقة دى
اشكرك على تعليقك و جزاك الله خير

انا هعلق على الجزء ده
ياسيدى الفاضل موضوعك جميل الا انه متناقد عشان انت ذكرت اسباب تخليك متتجوزش اللى بالى بالك وعلى اساسها هتتجوز السورية . .. طيب يبقى لزومه ايه بقى الكلام بتاع انك رايح تتجوز عشان ثواب السعى على الارمله واليتامى طب ما تسعى على الارمله واليتامى اللى بالى بالك برضه وهتلاقى فيهم ناس مش عاوزين التكاليف اياها وستات بيوت وزى الفل وطبعا فيه ثواب كبير وفيه ستر :)))))

النقطه التانيه مين قال لحضرتك ان السوريات مش متكبرات وحنينة ورقيقه بطبعا يا عزيزى انت بتتعامل مع انثى اختلفت الجنسيات والنوع واحد

المقصود ان الارملة دى هتكون فقدت زوجها فى الحرب و بالتالى يكون ليها نصيب من الاختيارات بمعنى ان متكونش الاختيارات كلها للبنات البكر و كمان الارمله المصرية فى كذا حد بيراعيها زى 1:اهل زوجها المتوفى لأن بيكون ليهم اولاد يحملو اسماء عائلتهم
2:قد يترك لها الزوج ميراث او معاش و لو بسيط
3: اهل الزوجه نفسها بيقفو جنبها
4: الجمعيات الخيرية و المساعدات من الغير
اما الارمله السورية فهى تركت كل شىء فى بلاده و لا يوجد عندها ما يوجد عند غيرها من المصريات
بالنسبه للجزئيه التانيه من ردك هنقل لحضرتك نفس الاقتباس اللى نقلته للاستاذ لاند كروزر

طبعا الحاجات دى نسبية و بتختلف من واحده لواحده . و مش كل السوريين فيهم الصفات دى (مع كامل احترامى ليهم طبعا ) بس دى اغلب السمات المميزة للسوريين
زى مثلا عندك فى مصر الشرقاوية معروفين بالكرم . الصعايده معروفين بالغيرة و دمهم حامى . المنايفه معروفين انهم اذكيا و بيوصلو لأعلى المناصب ....
و هكذا

اشكرك يا غالى على مشاركتك

طيب هى فين وأنا موافق ع اي حاجة المهم الثواب ،،وكمان التعدد وغض البصر ،،وحل مشكلة العنوسة

و الله ما اعرف هما فين ههههههههه
لو اعرف كنت روحت عندهم على طول و ماكنتش كتبت الموضوع ده اصلا

كل شويه اللي بالي بالك ماتقولي المراه المصريه انتوا خايفين لييييييييييييييييييييييييييييييييييييه

انا كتبت كده للدعابـه مش اكتر <<<< خلى بالك دى للدعابـه مش للدعايـه
وبعدين محدش خايف من حاجه و هما مالهمش عندنا غير المعامله المحترمه حتى لو كانو هما سيئين الطباع

[smartchoice]

المشكلة الكبرى فى الموضوع ده إن على أساس إية ترتبط بواحدة إنت لا عارف أصلها و لا فصلها و لا كانت عايشة أزاى قبل كده خصوصا إن سوريا فيها ديانات كتير و فى شيعة و دروز و و و فسعدتك هتعرف أزاى إنت بتناسب مين
و ممكن تطلع كانت إنسانه مش ولابد و لا حاجة و عاملة عملية و لا نيلة
الموضوع ده محتاج تفكير و مش سهل و الجواز مش مجرد علاقة جنسية و فقط
اللى هتتجوزها دى هتكون أم ولادك و لازم يكون فى توافق و تفاهم و تقارب إجتماعى علشان تبنى بيت مستقيم و تربى ولادك صح

[prince91720]

آه لو الحكومه شمت خبر بالموضوع ده .. من بكره الصبح هتطلع جمارك علي دخول السوريين زي السيارات كده و الحجه طبعا معروفه و هي دعم الانتاج المحلي

ما هو المجلس القومى لحقوق المرأة شغالين الله ينور يكرّهوا الناس فى الموضوع ده و يقولولك ده استغلال باسم الدين وحاجات عبيطه كده فى محاوله فاشله منهم لتغيير فكر الناس عن المنتج المحلى واقناعهم انه حمال للاسية و انه و انه و انه .
و ما يعرفوش ان المنتج المحلى مفضوح اقصد مشهور عالميا بانه المنتج الاول بس فى.........
عاوز تعرف ايه مكان النقط ؟؟؟
ادخل على جوجل و اكتب كده : (المرأة المصرية الاولى عالميا) وشوف ايه اللى هيطلعلك و ابقى تعالى قولى هنا هما اوائل فى ايه هههههههههههههههه

أولا ممنوع الكتابة بالاحمر هنا حيث انه مخصص لمداخلات الادارية فقط.

ثانيا بالنسبة للجواز يا صديقى فأنا خلاص لبست و اللى كان كان

أولا : اسف و الله ما اعرفش ان الاحمر للادارة علشان انا بدخل المنتدى على فترات و ده اول موضوع ليا هنا
ثانيا : ربنا يعوضك خير انت و كل اللى زيك

[prince91720]

المشكلة الكبرى فى الموضوع ده إن على أساس إية ترتبط بواحدة إنت لا عارف أصلها و لا فصلها و لا كانت عايشة أزاى قبل كده

طيب ما هو الواحد ممكن يتجوز واحده مصرية بس من محافظه تانية غير محافظته و ميكنش يعرف حاجه عن اصها و لا فصلها
ما دى هيا دى و لا انت رأى سعدتك ايه ؟

خصوصا إن سوريا فيها ديانات كتير و فى شيعة و دروز و و و فسعدتك هتعرف أزاى إنت بتناسب مين

اللى اعرفه ان الشيعة بيتجوزو شيعه زيهم و الدروز كذلك
و بعدين ما الواحد هيسألهم برده
مش معقول هيسألها عن مؤهلها و تعليمها و ميسألش على دينها

و ممكن تطلع كانت إنسانه مش ولابد و لا حاجة و عاملة عملية و لا نيلة

متقلقش المحترمه بيبان عليها و اللى مش ولابد بيبان عليها برده من كلامها من اسلوبها من لبسها
و انت هيكون عندك فترة خطوبه هتعرف فى خلالها خطيبتك و نسايبك دول طبعهم ايه و اخلاقهم ايه

الموضوع ده محتاج تفكير و مش سهل و الجواز مش مجرد علاقة جنسية و فقط
اللى هتتجوزها دى هتكون أم ولادك و لازم يكون فى توافق و تفاهم و تقارب إجتماعى علشان تبنى بيت مستقيم و تربى ولادك صح

كلامك فى النقطه دى صح 100 فى ال 100

[pro_samir]

فكرت طبعا ..

بس أولا الناس اللي هيكونو أهل ولادك دول هتعرف أصلهم وفصلهم ازاي

ثانيا البنت اللي هي وأهلها طفشانين من بلدهم غصب عنهم وعندهم حرب وممكن يكون بيتهم اتهد علي دماغهم وحد من أسرتها مات ، وفي الغالب قاعدين هنا مش لاقيين شغل وممكن يكونو مش لاقيين ياكلو ومتغربين وحالتهم كرب

البنت اللي عايشة الظروف دي لما حضرتك تيجي تتجوزها تفتكر هل هتكون طبيعية نفسيا وهتعيش حياتها عادي زي اي بنت في سنها ما بتتجوز ولا هتبقي ايه اللي في دماغها !

عن نفسي مش قادر اتخيل حالتهم النفسية وضعها ايه وبيفكرو في ايه لما يتجوزو بالطريقة دي

ثالثا بقي لما الوضع يستقر في سوريا واهلها يرجعو هيبقي وضعها ايه معاك

ومحدش يقولي ماهم عايزين يتسترو .. اللي عايز يسترهم ممكن يجوز شبابهم لبناتهم وكتر خيرة