أفكار صناعية ......... صناعة الماسترباتش

[MaZaGAngeE]

ربنا يباركلك ويوسع عليك رزقك ويوفقك في مشروعك
اللي عجبني أكتر من المشروع هو فكرة طرح المشروع على العام
عادتنا كعرب غير كده نهائي
ربنا يوفقك يا هندسة

لازم نغير الفكرة دي
لو كل واحد فينا عمل موضوع عن فكرة او مشروع حتى لو كشك سجاير او عربية كبدة او مصنع طيارات هيفيدنا كلنا بالمعلومة و الخبرة العملية بتاعته و مين عارف مش يمكن حد من الاعضاء يقتنع بالفكرة و ينفذها .. و يبقى الجميع استفاد

و الله حضرتك انسان محترم جدا و ربنا يباركلك فى مشروعك و شكرا جدا على المعلومات القيمة دى
انا قريت الموضوع مرتين من اعجابى بالفكرة
و اتمنى انى اقابل حضرتك و اشوف المصنع ان شاء الله

اتشرف بيك في اي وقت يا باشا

موضوع جميل ماشاء الله وبارك الله لك..
بس هاتبقى مشكلة اي حد فينا حتى لو معاه رأس مال هي التسويق وعدم الالمام الكامل بالصناعة دي.. وبالتالي هايكون الانسب له هو مشاركة حد فاهم زيك..
السؤال بقى.. هل انت محتاج شركاء؟

المنتجين اللي انا شرجتهم و كل كلامنا عنهم ............. همه الفول و الطعمية بتوع البلاستيك و متقلقش خالص احنا بنستورد اغلب استهلاكنا من الخارج ...
و بالنسبة للتسويق بيكون عن طريق انك تجيب مندوب مبيعات بنسبة او تتعامل مع تجار جملة و دول كتير و مشهورين

الماستر باتش لايستخدم فى انتاج الاسترتش الشفاف ولكن يستخدم فى حالة انتاج استرتش الوان
اما بالنسبه لنسب انتاج الاسترتش الصناعى
89% lldpe
9% ldpe
2% pw60 و هو خامة اللصق

ويفضل استخدام خامات سابك فهى الافضل فى انتاج الاسترتش الصناعى

ايوة كده
اظهر و بان عليك الامان
انت فين يا عم ............... اشرحلنا بقى عن الموضوع ده
انا معرفش خلطات الالوان و لا حاولت اعرفها حتى .............. كل تركيزي في الاوميالين حاليا و ماجل الالوان للسنة الجاية

الله ينور يا باشا
انا بحترم كل من يريد عمل مشروع صناعى
من فضلك كام سؤال على الماشى

- كم عدد الورديات فى اليوم وكم ساعه

مصانع بتكون 3 ورديات 8 ساعات الوردية و مصانع ورديتين 12 ساعة

- هل يوجد هالك فى عمليه التصنيع ام لا

الهالك يعاد تصنيعه تاني


- لو يوجد هالك كم نسبه الهالك للطن

من 2 الى 5 كيلو بالكتير قوي و مع الوقت مش هيكون فيه هوالك


- من اين تشترى الخامات

البولي ايثيلين و البولي بروبلين من تجار جملة
و الكربونات من مصانع الكربونات او ممكن من تجار الجملة برضه
و الناس دي مشهورين جدا في المجال

- انت لم تحسب تكلفه نقل الخامات الى مصنعك

كلام فارغ لا يذكر و بيكون تقريبا 25 جنيه للطن و لو انا جبت كميات كبيرة هتكون اقل لاني بنقل من العاشر الى العبور

- هل عملية التصنيع تحتاج الى صنايعى محترف ولا الموضوع سهل (زى ما انت عارف الصنايعيه ممكن تبوظ المشروع بالكامل)

في الاول هتحتاج تدريب لمدة اسبوع او اتنين و بعد كده انت هتعلم العمال اللي شغالين معاك .... مش محتاج تكون متخصص او خبرة في المجال ................. طبعا انا بتكلم عن الاوميالين لكن الالوان حوار تاني خالص

[mr_green]

بارك الله فيك يا باشمهندس على المعلومات التى لم تبخل بها على أى منا و أكثر الله من أمثالك

إعذرنى أنا دماغى بتروح لبعيد:

من أحد أسباب النجاح إنك تعمل منتج و تخدم عليه -إذاى- مثلا الأوميالين بيتصنع منه منتجات إكس & واى و...

أكيد فى منتج من دول دورة إنتاجة و تسويقه سهله و لو فكرنا ممكن يكون فى الخطة بعد سنة أو 2 نعمل مصنع تانى ياخد إنتاج المصنع الأول و يطلع منتج جديد

أو فكرة تانية - واحد أعرفة عندهم مصانع سيراميك - إبنه بيعمل مصنع كرتون بدل ما المصانع بتشترى كراتين يوميا برقم و قدره - يعمل الكرتون و بكده بنى مصنع هو بايع إنتاجة من قبل ما يبدأ

بس الفكرة دى مش دايما ناجحة عشان لو تكاليف الإنتاج للمنتج التانى مش هاتوفر عن سعر شرائه يبقى المصنع مالوش لازمة

أجمل مافى مشروعك إن تسويقك جملة و يعتمد على مصانع أو تجار جمله بياخدوا كميات - كان كل مشاكلى فى أى مشروع فكرت فيه و عملت دراسة جدوى ليه هى النقطة دى

[mohammadrashee]

الماستر باتش لايستخدم فى انتاج الاسترتش الشفاف ولكن يستخدم فى حالة انتاج استرتش الوان
اما بالنسبه لنسب انتاج الاسترتش الصناعى
89% lldpe
9% ldpe
2% pw60 و هو خامة اللصق

ويفضل استخدام خامات سابك فهى الافضل فى انتاج الاسترتش الصناعى

كده واضح ان انت فاهمني
طيب ال pw 60 مش عاجبني وسعره غالي تعرف نوع غيره
وكمان سؤال مفيش قدامك مكنتين بلوين عشان انا عايزهم بدل ما اروح اجيب من بره
ولكل اعضاء المنتدى انا ههعمل زي ضاحب الموضوع واخلى الموضوع منفعه عامه
اي حد عايز حاجه في اﻻستريتش الصناعي او الشرينك يقولس وان شاء الله نفيد بعض
ولو اي حد عايز مساعده في مصنع كرتون يقولي ان شاء الله

[minicooper20]

كده واضح ان انت فاهمني
طيب ال pw 60 مش عاجبني وسعره غالي تعرف نوع غيره
وكمان سؤال مفيش قدامك مكنتين بلوين عشان انا عايزهم بدل ما اروح اجيب من بره
ولكل اعضاء المنتدى انا ههعمل زي ضاحب الموضوع واخلى الموضوع منفعه عامه
اي حد عايز حاجه في اﻻستريتش الصناعي او الشرينك يقولس وان شاء الله نفيد بعض
ولو اي حد عايز مساعده في مصنع كرتون يقولي ان شاء الله

اتمنى من حضرتك تفاصيل مصنع كرتون متكامل لانو داخل دماغى و عايز افكر فيه بجديه بس مش لاقى اليفدنى

[mohammadrashee]

اتمنى من حضرتك تفاصيل مصنع كرتون متكامل لانو داخل دماغى و عايز افكر فيه بجديه بس مش لاقى اليفدنى

حضرتك تأمر
مصانع الكرتون تنقسم لنوعين بلدي او سيمي اوتو واوتوماتيك
كل واحد ليه تكاليفه وانتاجيته وعدد العماله
انا عامل دراسة جدوي متكامله للكرتون عشان ده مجالي من 12سنه وسافرت الصين اربع مرات اجيب مكن
فيه نقطتين كهمين اوﻻ البادجت كام
وثانيا النو هاو اهم من المكن يعني هل حضرتك هتدير وﻻ حد تاني يدير فنيا
عشان النقطه ديه في الكرتون لوحدها ممكن تكسب وممكن تخسر

[minicooper20]

حضرتك تأمر
مصانع الكرتون تنقسم لنوعين بلدي او سيمي اوتو واوتوماتيك
كل واحد ليه تكاليفه وانتاجيته وعدد العماله
انا عامل دراسة جدوي متكامله للكرتون عشان ده مجالي من 12سنه وسافرت الصين اربع مرات اجيب مكن
فيه نقطتين كهمين اوﻻ البادجت كام
وثانيا النو هاو اهم من المكن يعني هل حضرتك هتدير وﻻ حد تاني يدير فنيا
عشان النقطه ديه في الكرتون لوحدها ممكن تكسب وممكن تخسر

حبيبى على راسى
لا انا هيكون ليا الاداره الماليه و التسوقيه
لاكن الفنيه هجبلها متخصصين
بس بعد ماخد فكره مكتكله فنيا
ادى العيش لخبازه يا غالى
اى بقا الفرق و ايه كل بدجت و هل ربع مليون كافى و الربحيه و شويه تفاصيل كده لو مش هتعبك

[mohammadrashee]

حبيبى على راسى
لا انا هيكون ليا الاداره الماليه و التسوقيه
لاكن الفنيه هجبلها متخصصين
بس بعد ماخد فكره مكتكله فنيا
ادى العيش لخبازه يا غالى
اى بقا الفرق و ايه كل بدجت و هل ربع مليون كافى و الربحيه و شويه تفاصيل كده لو مش هتعبك

كان نفسي والله يا باشا الربع مليون ده يا دوبك يتفتح بيه مكتب تجاري
لو مصنع اقل حاجه بلدي مليون وده منصحش بيه ﻷنه هيكون على قده اوي ومفيش سيوله لراس المال العامل
انصحك باي حاجه يﻻستيك استثماره اقل وده اللي انا عملته لقيت الكرتون عالى اوي والبلدي فيه وحش للي فاهم كرتون صح
رحت عملت مصنع بﻻستيك بس خلي بالك المشكله في اي مشروع مش تمن المكن ﻷ رأس المال العامل اهم والتسويق ثم التسويق ثم التسويق

[minicooper20]

حبيبى تسلم على كجهود
انا سوالى على البدجت مش على مبلغ معين منا معرفش فاهمنى
ممكن تقولى نبذه عن مشروعك و خبرتك فيه لو مش هيديقك يعنى

[MaZaGAngeE]

ممكن نعمل موضوع لصناعة الكرتون و تحطلنا الدراسة بتاعته ؟

عايزين نعمل منتدى للافكار و الصناعة

[mohammadrashee]

حبيبى تسلم على كجهود
انا سوالى على البدجت مش على مبلغ معين منا معرفش فاهمنى
ممكن تقولى نبذه عن مشروعك و خبرتك فيه لو مش هيديقك يعنى

معلش يا باشا نمت منك اصل انا بنام بدري شويه
بص يا سيدي مشروع الكرتون لو سيمي اوتوماتيك هيحتاج ماكينة سينجل فيسر وشيتر في حدود 40 الف دوﻻر وبعدين كساره ودباسه وحزامه في حدود 160 الف جنيه
معلش اﻻسامي مكعبله شويه
كل ده غير مطبعة على قدها هتكون في حدود 150 الف جنيه
وبرضه هتعتمد في جزء كبير لشغلك في طباعة اوفست بره
اجمع اللي فاتوا ومتنساش تحول الدوﻻر و 5% جمارك و10% ضريبة مبيعات وشويه بهارات اللى هو رسم التنميه
وربنا يستر ميعملوش رسم نهضه بعد كده هههههههه
نيجي ﻷهم حاجه راس المال العامل حضرتك عشان تقول انك شغال في اﻻول عايز 50 طن شهري متوسط سعر الطن 5000 جنيه
و انت هتبيع آجل في حدود شهرين يعني نصف مليون وكمان نصف عشان تشغل بيه نفسك ويبقى عندك سيوله ول حد اتأخر عليك في الدفع
كل ده من غير المصنع اللى يفضل ميقلش عن 2000 متر مربع وتراخيصك والذي منه
ارجو اكون اديتك معلومه جديده
بالنسبه لمصنعي انا عامل مصنع استريتش فيلم صناعي مش غذائي عندي مكنه انتاج وماكينة تقطيع
بس راس المال العامل في البﻻستيك اكبر ﻷن طن المواد الخام تقريبا 13500 جنيه
ولو عايز حاجه قول

ممكن نعمل موضوع لصناعة الكرتون و تحطلنا الدراسة بتاعته ؟
بص انا اغلى خﻻني افكر اتكلم عن الموضوع هو عرضك لفكره المشروع
فانا فكرت اعرض الصناعه اللي بفهم فيها بنية صدقه جارية للناس وفعﻻ فكرت نكلم اﻻداره نعمل قسم لﻷفكار الصناعيه والتسويقيه ويبقى في اكتفاء ذاتي في المنتدى
وكمان انا مصﻻ عندي مصنع ممكن واحد بسفهم في التسويق يوزع ممكخ واحد في المنتدي شغال مدير مشتريات في شركه ياخد او يسال واحنا نفهمه
القصد الناس لبعضها وﻻ يستحق من عاش لنفسه فقط
شوفت بثى موضوعك عمل ايه

عايزين نعمل منتدى للافكار و الصناعة

[minicooper20]

طيب ممكن التكلفه و معدل الربح يا باشا

[mohammadrashee]

طيب ممكن التكلفه و معدل الربح يا باشا

which one?

[minicooper20]

للمصنع الحضرتك فتحتو يا باشا

[minicooper20]

للمصنع الحضرتك فتحتو يا باشا

[MaZaGAngeE]

الجماعه بتوع الكراتين لخبطوا الموضوع

يا رجالة اعملوا موضوع جديد عن صناعة الكراتين

عشان تكون كل فكرة في موضوع منفصل و يبقى عندنا مرجع متكامل
لكن كده انتوا بتلخبطوا اللي بيدخل الموضوع