لو كنت مكانى هتتجوزها ؟

[sama_Sama]

مع إحترامي، إنت ما تعرفش البنت علشان تحكم عليها من مجرد "كلام في التليفون"، وإنت صغير سنا وحكاية أهلك ما يعرفوش ده مش صح
أما عن الجواز من مريض فأنا ما أحبذهاش، طبعا يبان ظلم لكن النفس أمارة بالسوء، فخليك في السليم ودور على واحدة تانية تكون أنسب وأريح ليك نفسيا علشان إنت لسه في أول حياتك ومش هاتشيل حمل تقيل كده من أول لقطه في حياتك

[شاهين - بنز]

مع احترامي ليك وبدون زعل , سبها لانك مش بتحبها لو بتحبها بجد عمرك ما حتفكر فى مرضها وحتشيل همومها وحتستحملها وحيبقي علي قلبك زي العسل , انما انت واخد الموضوع بيعه وشاروه , قاعد تحسب الامور بالورقة والقلم .
البنت دي عايزه حد يحبها مش حد يكتب موضوع علشان يسأل الناس اتجوزها ولا لا .

الله الله عالكلام
فعلا قلب صاحبنا لو كان فعلا دق كان مكنش حيتردد في قراره أبدا وكمنش حيشوف بنت في الدنيا غيرها

[prof2013]

قتلتني ضحكا هههههههههههههه

+11111 من رأيي ياصاحب الموضوع اتقدم والارزاق على الله هي هتيجي برزقها
ولو اتأخرت ممكن هي اللي تروح منك انت حر

[lonedoctor]

السلام عليكم اخى الكريم
معك د.شريف استشارى باطنة
استفاض الاخوة فى الحديث عن المشكلة من الناحية الاجتماعية ولذلك احدثك من الناحية الطبية
الصرع الاولى مجهول السبب بمعنى الذى لم يكن ناتجا عن اسباب ثانوية زى الالتهاب السحائى او الاصابات والنزيف المخى والاورام الخ يصيب تقريبا 0.5 الى 1 % من سكان العالم تقريبا وبالرغم من وجود ادوية كثيرة لعلاج الصرع فانه مايزال 40 % يعانون من النوبات الصرعية بالرغم من اخذ الادوية وبالجرعة العلاجية المنضبطة وبالتالى يمكن القول بان السيطرة على المرض من الناحية الطبية ليس امرا سهلا
تزداد نسبة حالات ما يعرف بالوفيات المبكرة لدى مرضى الصرع اذا ما قورن بالبشر الذين لا يعانون من المرض والاعمار فى النهاية بيد الله سبحانه وتعالى
تتغير طبيعة حياة المريض بشكل كبير اذا ما قورن بالشخص العادى حيث انه من المفروض عدم قيادة السيارة الا باشتراطات معينة كما فى بريطانيا وامريكا وولاسف الدول النامية لم تسن قوانين خاصة بهذا الامر بالرغم من خطورته
ينصح بعدم غلق الابواب للاماكن التى يتواجد فيها المريض كالحمام وغيره وعدم التعامل مع اشياء مؤذية مثل الماكينات والاجهزة ذات الشفرات الحادة وغيرها وكذلك ممارسة الرياضات العنيفة والغطس والسباحة وغير ذلك
تاتى مشكلة الحمل فى مرضى الصرع وكل ادوية الصرع قد تسبب تشوهات بالجنين دون استثناء ويجب ان يكون الزوج والزوجة على علم بهذا الامر قبل الشروع فى هذا الموضوع وهذا امر غير محسوب طبيا قد وقد لا يحدث
الناحية الوراثية ليست مباشرة فى هذا المرض حيث انه لا يورث كصفة سائدة او متنحية ولكن نسبة الاصابة تزداد اذا كان احد الابوين مصاب اذا ماقورن بابوين طبيعيين
اقرا جيدا هذه المعلومات واتخذ قرارك بعد الاستخارة واى سؤال انا فى خدمتك

[lonedoctor]

'همسة فى اذن الاخ الفاضل eleanor
اتمنى ان لا يتحدث انسان الا فيما يعلم من اهل التخصص
تقبل تحياتى

[A7MED_PHARMA]

متأكد إنها بتحبك بالشكل الأسطوري ده؟
وإنك بالنسبة لها مش عريس كويس وخلاص؟
بص
الراجل حياته كلها شغل..والبنت حياتها كلها رومانسيات وحاجات من دي
يعني
البنت تقدر تقنع اي ولد..انها بتحبه بجنون.....حتى لو مابتحبوش
وموضوع المرض-وماتزعلش لو كلامي تقيل-..بنات كتير بتفتعل الرقة المبالغ فيها كنوع من استعطاف او انها بتحب تشوف الي قدامها قلقان وخايف ليها باستمرار
عن تجارب كتيرررررر معايا...ياما شوفت بنات بتعمل نفسها مغم عليها..والحوارات دي

إتأكد انها فعلا مريضة..فعلا
وانها بتحبك فعلا
وابقى رد علينا

[bassemhoho]

شكرا دكتور شريف استفدت اوي بكلام حضرتك

[ahmedteam]

عايزك تاخد بالك من نقطه ممكن تكون غايبه عنك دلوقتى

اى اثنين متزوجين بتقابلهم مشاكل فى الحياه لاختلاف الطباع و التربيه وليس لعيب فى احدهم لاسمح الله

وهنا يحدث نقاشات و احتدام فى الرأى و عصبيه و ده مش دليل على انعدام الحب و لكن مفيش حد ملاك بجناحين

هيكون موقف حضرتك ايه ساعتها و متقوليش مش هيحصل و هاحتويها و الكلام ده لانه بيحصل بين كل الازواج

منذ فجر التاريخ و الاعضاء هنا المتزوجين ممكن يؤكدوا كلامى فكر هيكون تصرفك ساعتها ازاى

هتتنازل مره و اتنين و عشره علشان متتعبش طيب و بعدين ؟؟

و ظروف الحياه و الاولاد فى المستقبل و تعليمهم و مشاكلهم ؟؟؟ هتتصرف فيها الام ازاى

فكر كويس و اسأل من الناحيه الطبيه لانى غير متخصص و زى ما الطبيب الفاضل قال ان ادويه الصرع تؤثر على الحمل فى المستقبل هل عندك استعداد تتنازل عن النقطه دى

فكر كتييير و خد رأى الاهل هما بيكونوا شايفين حاجات احنا مش شايفينها

ربنا يوفقك للخير و لا تنسى الاستخاره

[HeRo_LaNCeR]

انت عندك القدرة علي تحمل تلك المشكلة ولا لاء
هتقدر تكمل معاه بشكل ده ولا لاء
لازم انت اللي تقرر مش حد تاني
الموضوع كلوا واقف علي القدرة الدخليه للانسان
الحب جميل وبيخلينا سعداء جدا مع اللي بنحبهم وبيهون علينا حاجات كتير
لكن لو انت شايف بعد تفكير طويل انك مش هتقدر تكمل بالشكل ده
فمن راي الشخصي انك تنسحب من حياتها
وربنا يكون في عونها وعونك

[nona_yaris]

دي مغامرة وبتغامر بحياتك وحياة اولادك
بلاش احسن

[holt_ZA]

مع احترامي ليك وبدون زعل , سبها لانك مش بتحبها لو بتحبها بجد عمرك ما حتفكر فى مرضها وحتشيل همومها وحتستحملها وحيبقي علي قلبك زي العسل , انما انت واخد الموضوع بيعه وشاروه , قاعد تحسب الامور بالورقة والقلم .
البنت دي عايزه حد يحبها مش حد يكتب موضوع علشان يسأل الناس اتجوزها ولا لا .

respect ....

[ahmedkhairy]

اتوكل على الله وان شاء الله ربنا يوفقك

[KemozTanta]

لو انت عاطفي .. اتجوزها .. لو انت بتحسبها وخايف من المستقبل وحياة اولادك .. شوف الطب بيقول ايه وقرارك يكون بناء عليه اى كانت العواطف والمشاعر الحلوة بينكم.
الزواج اسرة اسرة اسرة في المقام الاول واى خلل من اى نوع سواء في الزوجة او الاولاد او فيك هتبقي حياة غير مستقرة.

[Ahmed Amin]

مع احترامي ليك وبدون زعل , سبها لانك مش بتحبها لو بتحبها بجد عمرك ما حتفكر فى مرضها وحتشيل همومها وحتستحملها وحيبقي علي قلبك زي العسل , انما انت واخد الموضوع بيعه وشاروه , قاعد تحسب الامور بالورقة والقلم .
البنت دي عايزه حد يحبها مش حد يكتب موضوع علشان يسأل الناس اتجوزها ولا لا .

+111
أنا متفق مع الكلام جداً.
ولو بتحبها فعلاً ومرتحالها. أعرف انو هيكون صعب عليك بعد كدا تلاقي حد زيها يهتم بيك بنفس الطريقة اللي وصفتها. وتحس انك مهم عنده. في بنات كتير باردة اليومين دوول

وممكن تاخد واحدة سليمة ومش بتحبك اوي بس انت بتحبها. وبعد كدا يجيلها اي مرض. هل هتسيبها ساعتها. ؟؟
راجع نفسك كويس وشوف انت فعلاً بتحبها ولا لأ. واتاكد من احساسك ناحيتها واحساسها ناحيتك.
بدل ما تعلقها وتسيبها وتسبب لها مشكلة نفسية تانية.
او تخسرها وتندم عليها.

[zakiali]

...................................


تنبيه بحسن اختيار الالفاظ
مشرف ساحة الاجتماعي
أ2