مش بشوف حاجة بعد صلاة الاستخارة

[RAPID]

بحاول دايما اصلى استخارة قبل اى حاجة مهمة بس الغريب مش بحس بحاجة بعد الصلاة .. يعنى لا بحس براحة ولا عدم راحة .. هو هو نفس الاحساس اللى قبل الصلاة لو متضايق ومخنوق بفضل مخنوق ولو مرتاح نفسيا الاقى نفسى مرتاح زى ما انا ومفيش اى اشارات سواء فى الحلم او فى الواقع

فهل ده طبيعى ولا فى مشكلة عندى؟ ويا ترى بعد صلاة الاستخارة بتحسوا بايه وبتشوفوا ايه وايه اللى بيخليكم تمشوا فى الموضوع من عدمه؟ وهل بتفرق معاكم فى اتخاذ القرار؟

[rompo10]

انا من زمان وبعد اي صلاه استخاره لازم احلم بس في ناس مش بتحلم بس اهم حاجه في صلاه الاستخاره انك تكون محتر بين الاختيار من جواك مش تبقي متخذ قرار وتصلي استخاره لازم تكون محتار

[Al-Farooq]

انت تصلي وتاخد القرار ، بس كدة .
انما مش شرط تحلم او تحس براحة تجاه اى حاجة ، بتفوض امرك لله وتتوكل عليه وتاخد بالاسباب.

[dr.hazem]

علامة استجابة الاستخارة هي تيسر الامر لو فيه الخير ومفيش لا راحه ولا غيره ولا اي كلام من ده...
اما يتيسر او يتكعبل...
تحياتي

Sent from my LT18i using Forum Runner

[amr011111]

انت تصلي وتاخد القرار ، بس كدة .
انما مش شرط تحلم او تحس براحة تجاه اى حاجة ، بتفوض امرك لله وتتوكل عليه وتاخد بالاسباب.

بالظبط كده
وهى انك بتتوكل على الله ووبتمشى فى الموضوع اللى انت مصلى استخاره علشانه وربنا بيوفقك لو الموضوع فيه خير لك ولو مكانش بتلاقى الدنيا باظت لوحدها

[RAPID]

انا من زمان وبعد اي صلاه استخاره لازم احلم بس في ناس مش بتحلم بس اهم حاجه في صلاه الاستخاره انك تكون محتر بين الاختيار من جواك مش تبقي متخذ قرار وتصلي استخاره لازم تكون محتار

مش ببقى متخذ القرار بس على سبيل المثال لما اجى اعمل شئ (سفر - شراء او بيع - قرار مهم) واصلى استخارة شعورى ناحية الموضوع بعد الصلاة مش بيتغير عن قبل الصلاة ودة اكتر من مرة

[RAPID]

انت تصلي وتاخد القرار ، بس كدة .
انما مش شرط تحلم او تحس براحة تجاه اى حاجة ، بتفوض امرك لله وتتوكل عليه وتاخد بالاسباب.

بالظبط كده
وهى انك بتتوكل على الله ووبتمشى فى الموضوع اللى انت مصلى استخاره علشانه وربنا بيوفقك لو الموضوع فيه خير لك ولو مكانش بتلاقى الدنيا باظت لوحدها

غالبا بعمل كدة بس لو حضرتك تعرضت لموقف معين وحسيت بخنقة تجاهه من الاول على الرغم انه كويس وفيه مصلحتك وجيت صليت الاستخارة ولم يتغير هذا الاحساس، تعمل ايه؟

[RAPID]

علامة استجابة الاستخارة هي تيسر الامر لو فيه الخير ومفيش لا راحه ولا غيره ولا اي كلام من ده...
اما يتيسر او يتكعبل...
تحياتي

sent from my lt18i using forum runner

فيه مقولة بتقول (علامة الاذن التيسير) يعنى الحكاية تبقى متسهلة وماشية فل من البداية .. بس احيانا فى حاجات لازم تتعب فيها ويطلع عينك فيها وتدوق الامرين فى اولها عشان تمشى زى لو فتحت مشروع مثلا اكيد هيكون فيه معوقات ومشاكل ولو طبقنا المقولة السابقة فى مثل هذه الموقف مش هنعمل حاجة !

[mikho83]

ثمرة الاستخارة بتاقيها في تيسير الأمور، بمعني لو مثلا ناوي تشتري عربية وصليت استخارة، ولقيت ربنا ميسر لك عربية كويسة وصاحبها محترم وسعرها مناسب وعاجباك، دوس يا ريس، والعكس، لو لقيت كلاكيع وكل ما تيجي تشتري يحصل حاجة يبقى اجل شوية. دا المختصر المفيد :)

[RAPID]

ثمرة الاستخارة بتاقيها في تيسير الأمور، بمعني لو مثلا ناوي تشتري عربية وصليت استخارة، ولقيت ربنا ميسر لك عربية كويسة وصاحبها محترم وسعرها مناسب وعاجباك، دوس يا ريس، والعكس، لو لقيت كلاكيع وكل ما تيجي تشتري يحصل حاجة يبقى اجل شوية. دا المختصر المفيد :)

تماااااام جزاك الله كل خير
اللهم يسر لنا جميع امورنا يا رب العالمين

[Dr.Mostafa Anwar]

الإستخارة تكون بعد أخذ القرار وتحديد الإختيار وليس قبل ذلك
وبعد أن تصلي الإستخارة وتبدأ في تنفيذ ما قررته أو اخترته يظهر لك أثر الإستخارة
فإن كان تيسير وفتوح فذلك علامة الخير فيما قررت وذهبت إليه
وإن كان تعسير وإغلاق أبواب فهذا علامة السوء فيما قررت وذهبت إليه فتعدل عن قرارك وتدرس الأمر مرة أخرى وتأخذ قرار جديد ومن ثم تستخير مرة أخري وهكذا

رينا يوفقك لما يحب ويرضى

[zrzr1]

مش ببقى متخذ القرار بس على سبيل المثال لما اجى اعمل شئ (سفر - شراء او بيع - قرار مهم) واصلى استخارة شعورى ناحية الموضوع بعد الصلاة مش بيتغير عن قبل الصلاة ودة اكتر من مرة

مش شرط تحلم بحاجه كل الفكره بأنك بتصلي استخاره وتتوكل ع الله ف الامر اللي بتصلي عشانه مثال: مقبل علي شراء سياره من نوع معين ومقلق..هتصلي استخاره وتمشي ف موضوع الشرا لو ربنا يسرلك الحال يبقي تمام مفيش يبقي تشوف غيرها
كل الحكايه انك بتفوض امرك لله وربنا يقدملك اللي فيه الخير

[zrzr1]

الإستخارة تكون بعد أخذ القرار وتحديد الإختيار وليس قبل ذلك
وبعد أن تصلي الإستخارة وتبدأ في تنفيذ ما قررته أو اخترته يظهر لك أثر الإستخارة
فإن كان تيسير وفتوح فذلك علامة الخير فيما قررت وذهبت إليه
وإن كان تعسير وإغلاق أبواب فهذا علامة السوء فيما قررت وذهبت إليه فتعدل عن قرارك وتدرس الأمر مرة أخرى وتأخذ قرار جديد ومن ثم تستخير مرة أخري وهكذا

رينا يوفقك لما يحب ويرضى

الله يفتح عليك,

[dr.hazem]

فيه مقولة بتقول (علامة الاذن التيسير) يعنى الحكاية تبقى متسهلة وماشية فل من البداية .. بس احيانا فى حاجات لازم تتعب فيها ويطلع عينك فيها وتدوق الامرين فى اولها عشان تمشى زى لو فتحت مشروع مثلا اكيد هيكون فيه معوقات ومشاكل ولو طبقنا المقولة السابقة فى مثل هذه الموقف مش هنعمل حاجة !

يا غالي مفهمتنيش..
اكيد كلنا لازم بنعمل اللي علينا...
ممكن تستخير على شراء سياره وتشوفها وتعجبك تروح تكشف عليها يطلع فيها عيب بسيط تقول مش مشكلة تروح تنقل ملكيتها تلاقى فيها مشكله وتحلها ده عاادى وبيحصل....
انما المش عادي انك تروح تفحص والعربية تمام وتيجي تنقل الملكية يطلع عليها مخالفات وصاحبها يدفعهم يقوم الخزنه تقفل ويقولو بكره تيجي بكره يطلع في مشكله في الفحص بتاعها وفوت بكره تيجي بكره تلاقي حاجة تانية وهكذا....
يعني بتتقفل بحاجات كتير ومبتتحلش...

تحياتي

Sent from my LT18i using Forum Runner