المفروض آقدم حربية \ شرطة

[Eq3la]

السلام عليكم ورحمة الله وبركاتة :)

ايه الاخبار يا رجالة عاملين ايه ؟ ؟

انا المفروض اروح اسحب استمارة الحربية ,, فـ مش عارف العنوان ! هى فتحت القبول من 65% بس لسة نتيجتى مطلعتش بس بآذن الله جايبهم يعنى :d

دلوقتى عايز اعرف الاختبارات والحياة جوة عاملة اذاى ! ,, وحربية احسن ولا شرطة :(

وخايف متقبلش d:

لو حد عنده اى معلومات يحطها بالله عليكم :)

والسلام عليكم

[M I D O]

معاك محمد كنت طالب بالكلية الحربية الدفعة 108 حربية دفعة 2011 عديت كل الاختبارات و نجحت في كل حاجة حتي النتيجة النهائية نجحت فيها وانا رايح ادفع المصاريف تاني يوم النتيجة قالولي اسمك مش موجود وانا كنت ناجح انا مش قاصد احبطك ولا حاجة بس شد حيلك ومترميش امل كبير عليها لاني كنت بحبها جدا و اتدمرت من يوم المصاريف دة ولحد دلوقتي بعد سنتين مش عارف اعيش حياتي بطبيعتي زي الاول و الصدمة لسة ماثرة جامد فيا ولو عاوز تعرف عن التقديم و الجو دة في جروب علي الفيس بوك اسمة محبي الكلية الحربية المصرية انضم لية وانت تعرف كل حاجة عن الاختبارات و الدنيا هناك ماشية ازاي

[Land_Cruiser]

اضمن حاجه انك تمشي في كل الطرق لان مفيش حاجه مضمونه يعني تقدم في الاتنين و امشي في الاختبارات عادي و اللي فيه الخير يقدمه ربنا

[emad_2020]

اضافة على كلام الاعضاء الكرام معاك وسطه ولا

[samyyousef]

بالنسبة لسؤال حربية ام شرطة
فهناك اكثر من معيار و هو يتغير من زمان الى آخر
ففي وقت كأعقاب ثورة 23 يوليو 1952 كانت الحربية هي الأمل و الكل يسعى اليها
و في اخر ايام مبارك كانت الشرطة هي الهدف حتى ان اولاد ضباط الجيش كانوا يفضلون الشرطة لابنائهم
و اعتقد انه وفقا لما جرى مؤخرا في احداث يونيو ستكون الحربية هي الأمل كما حدث في 1952
و هذا المعيار متصل بقوة المؤسسة و مدى احترام الشعب لها
هناك معيار اخر...ربما يكون افلاطوني شوية ....و هو ماذا تريد انت؟؟؟
هل تحب ان تكون مهمتك في الحياة ان تكون جندي مرابط و مجاهد في سبيل الله لتحمي هذه البلاد
ام تريد ان تعمل في مجال البحث الجنائي و حماية الجبهة الداخلية

نصيحة اخيرة اذا نظرت للشرطة على انها هيلمان و سلطان و.....و........فقد انتهى هذا الزمن حتى للوزراء و رؤساء الدول

[Eq3la]

الف شكر يـا رجالة :) ,, بالنسبة للوسطة فى الحربية لا ..

[S O P H O S]

انا بفضل الحربية كرأي شخصي ..

[ehab]

انت كدا كدا تقدم في الاتنين
و الاولوية تكون للحربية في حالة المفاضلة ما بينهم
دا رأي شخصي