استفسار بخصوص تشطيب شقة

[miceg]

السلام عليكم ورحمه الله وبركاته
اخواتي ألاعزاء
انا تاجرت شقة بالزهراء م نصر
الموقع مميز جداااااا وحسيت براحة شديدة بعد رحلة عناء عن البحث عن ايجار قانون جديد
المهم الشقة اللي استريحتلها عاوزة شغل نقاشة وارضيات لان الارضيات قنالتكس قديم وشكله مش حلو
تشطيب شركات القوات المسلحة بقا
الموقع على شارع رئيسي ومميز جدا وكمان مميز في قيمة الايجار
المهم المساحة حوالي 95 متر
لو عاوز أدهن وش نظافة بالاضافة الى شغل ألارضيات الموضوع ممكن يكلف كام
وبصراحة العقد سنتين فقط وخايف اصرف والاقي الراجل بعد سنتين بيستهبل
لان كمان محتاج اشتري قاعدة حمام وحوض وبانيو وكده
تنصحوني اعمل إيه
الراجل ممكن يزود 100 جنيه فالشهر ويعمل هو الدهان بس بصراحة مضمنش شغل النقاشة اللي هيعمله ... فبفكر اوفر ال 100 ج واصرف دهانات بمزاجي
تنصحوني كمان الارضيات اعملها ايه
السيراميك هيصرف والموكيت بيعمل امراض الصدر
عاووز نصيحتكم
تحياتي العطرة

[أبو إياد]

عقد 5 سنين واعمل اللى انت عاوزه انما سنتين حرام لانك هاتصرف مبلغ كبير فى تقديرى هايكون فى حدود 10000ج
وطالما قانون جديد المفترض انك تستلم الشقه مش محتاجه اى مصاريف نهائى لانك ملزم تسلمها بنفس الوضع

[hugan]

الارضيات غطيها كلها سجاد
حرام تعمل فيها حاجه
النقاشه 1500 يروقوا الشقه وش نضافه
خصوصا انهم سنيتن