ليه سكرتيرة و ليس سكرتير؟

[Mohamed-Saoud]

من ناحية أجمل، طيب لو راجل واقف في الرسيبشن مثلا أو في استقبال العملا كسكرتير و يكون مهندم في نفسه و لابس بدلة و بيتعامل بشياكة و احتراف، هو ده منظر مش جميل؟

اما عن استحمال الضغوط النفسية اللي بتيجي من المدير فيحدثك عنها waled369

أكيد الشابة المهندمة هتكون أجمل 1000 مرة و مهما كان مهندم و لا "مهند" حتى.. أي حتة شنب بسيطة هتنقل الدفة 180 درجة لصالح السكرتيرة و المضيفة و و و ...

بالنسبة للضغوط النفسية... أكيد في زي ما أستاذ وليد بيقول بس عندي في الشركة اللي بشتغل فيها 2 سكرتيرة "مش عارف جمع المونث السالم بتاعهم يطلع ايه؟ :) :)) بس شغاليين ناااااار بالرغم من الشخط و النطر بتاع المدير اللي لو جاب سكرتير مكانهم هيخبطه بأي كرسي جنبة و يستقيل .

[Nour_Peugeot]

و الله سوال محير بس انا بعتقد ان السبب ممكن يكون وجاه اجتماعية فقط

[OlaOsman]

أكيد الشابة المهندمة هتكون أجمل 1000 مرة و مهما كان مهندم و لا "مهند" حتى.. أي حتة شنب بسيطة هتنقل الدفة 180 درجة لصالح السكرتيرة و المضيفة و و و ...

بالنسبة للضغوط النفسية... أكيد في زي ما أستاذ وليد بيقول بس عندي في الشركة اللي بشتغل فيها 2 سكرتيرة "مش عارف جمع المونث السالم بتاعهم يطلع ايه؟ :) :)) بس شغاليين ناااااار بالرغم من الشخط و النطر بتاع المدير اللي لو جاب سكرتير مكانهم هيخبطه بأي كرسي جنبة و يستقيل .

بالنسبة للشق الأول من كلامك فدي وجهات نظر و بتختلف على حسب المدير عايز ايه من الشخص اللي شغال في السكرتارية من ناحية المهام الوظيفية.

اما بالنسبة للشق التاني فبناء عليه يبقى ماينفعش الراجل يبقى ليه مرؤوس خالص، ماهو مش السكرتارية بس همه اللي ليهم مديرين بيزعقوا لهم.. على كده بأه كانوا يخلوا كل خدمة العملا في فودافون و موبينيل مثلا ستات عشان الراجل من دول مش هايستحمل تنطيط العميل عليه و هايقفل السكة في وشه :)

[جمال]

طبعا سكرتيره انثى و حسنة المظهر كمان
الواحد لازم الصبح يصطبح بوجه جميل يفتح نفسه للشغل:k18:, وماتقوليش راجل مهندم , ماينفعش :arghh:
وبعدين اغيظك و اغيظ مراتى ازاى:k48:

[Ramy.Gamal]

يا جماعه وظيفه الضيافه الجويه لا تقتصر على البنات فقط انا ليا صديق مقرب ليا مضيف جوى فى الخطوط القطريه لان لازم يبقى مضيف جوى راجل رئيس على مجموعه من المضيفات البنات

[solycar]

ممكن عشان البوسطة:D:D

لو بجد


اللى انا شايفو ان لما بيبقى التعامل مع الستات فى المواقف اللى زى دى : بحس انو اسهل و ابسط زى الريسيبشن والحاجات المحتاجة حلول فردية بسيطة


اما الرجالة : فمعظمهم (وليس كلهم) بحس انهم بيغرقوا ف شبر ميه فى الاعمال اللى من النوع دةو يدينى ايحاء انو هيقوم بالمهمة المستحيلة(مع نفخة فى وشى تدل على مدى الحيرة اللى هو فيها


بردوا راى شخصى اللى الست ممكن تعملة فى اليوم من 8 صباحا الى 4 ظهرا مثلا قد يكون اكبر مما ينجزة السكرتير الرجل فى يومين متتاليين


وكمان انا مؤمن جدا ان فى وظائف خلقت للنساء و وظائف خلقت للرجال

[Tamer-Ezzat]

السكرتيرة أفضل من كافة النواحى الا من الناحية الاجتماعية والتأخير ..

معدل دوران العمالة للانثى بيكون أقل بمعنى السكرتارية الاناث يميلون الى الاحتفاظ بمنصبهم الى حد كبير عن مثيلها الرجل.

ثانى حاجة ان السكرتير الراجل غالبا ما بيعمل فيها مفتح - خاصة لو شركة خاصة - ويحاول يفهم كل حاجة وهوب يفتح لنفسه شغل خاص - التطلع اعلى بمراحل.

[sab3aawy]

السكرتيرة افضل لعدة اسباب

1- الستات لهم صبر على قعدة المكتب والعمل المكرر الممل اكثر من الرجال، الرجال دايما بيبقى عايز حاجة جديدة كل يوم

2- البنت اللى بتبدأ العمل فى مقتبل عمرها كسكرتيرة بتنهى حياتها المهنية بغد 40 سنة كسكرتيرة برضه، حتى لو انتقلت لمؤسسة كبرى وبقت رئيسة مجموعة سكرتيرات او مديرة مكتب رئيس المؤسسة فهى بتؤدى نفس العمل اللى بتؤديه من سنوات طويلة، وبالتالى هى مهنة الى حد كبير سقف الطموح فيها مش عالى وهو مالا يناسب الرجل الذى بيحث دائما على الأفضل لتحقيق وضع افضل لاسرتك بعكس السيدة الغير ملزمة باعالة اسرتها

3- الفتاه والسيدة عموما عندها قدر من طولة البال فى التعامل المتتالى مع افراد جدد كل دقيقة بعكس الراجل اللى معندوش نفس القدر من طول البال وبالتالى تكون مناسبة اكتر لمهام استقبال الضيوف القادمين لمديرها

وهذا يخلق حالة من قدرة السيدة على اداء مهام السكرتارية بشكل افضل من الرجل الى جانب تقبلها لتلك المهنة التى لا تحمل مستقبل مهنى مبهر اكثر من الرجل

طبعا احيانا بتدخل المنظرة فى الموضوع ، لكن انا ياما شفت مديرين كبار بيتمسكوا بسكرتيراتهم الفضليات اللاتى فى سن والدتى ولو انتقلوا من منصب لمنصب آخر فان اول ما يحرصون عليه هو نقل سكرتيراتهم كبيرات السن والمقام براتب مرتفع بدلا من تعيين ثلاثة او اربعه من الزهرات اليانعات فى منصب السكرتارية للموقع الجديد وذلك لمعرفتهم بكفائة ومقدرة سكرتيراتهم وان الموضوع مهنة مملة ومرهقة اكثر منها مجرد واجهة براقة

[Hossam_Hassan]

الست تكسب طبعا لسببين أساسين:

1 - الصبر ثم الصبر ثم الصبر اهم مميزات السكرتيرة، الراجل مالوش صبر مثلا يقعد يكتب ملاحظات او يتركن بالساعات لحد ما اجتماع يخلص.

2 - بعد كده ييجى التنظيم، أغلب الرجالة مش منظمين زى الستات، ماينفعش راجل يبقى ما بيعلقش هدومه فى بيته و لا يعرف درج الشرابات من درج الملاعق و يبقى سكرتير كويس.

[OlaOsman]

الموضوع ثري جدا على فكرة و انا بدأت أقتنع طالما الأسباب متعلقة بطبيعة كلا من الجنسين مقارنة بطبيعة الشغل المطلوبة.

[iunknown]

السكرتيرة افضل لعدة اسباب

1- الستات لهم صبر على قعدة المكتب والعمل المكرر الممل اكثر من الرجال، الرجال دايما بيبقى عايز حاجة جديدة كل يوم

2- البنت اللى بتبدأ العمل فى مقتبل عمرها كسكرتيرة بتنهى حياتها المهنية بغد 40 سنة كسكرتيرة برضه، حتى لو انتقلت لمؤسسة كبرى وبقت رئيسة مجموعة سكرتيرات او مديرة مكتب رئيس المؤسسة فهى بتؤدى نفس العمل اللى بتؤديه من سنوات طويلة، وبالتالى هى مهنة الى حد كبير سقف الطموح فيها مش عالى وهو مالا يناسب الرجل الذى بيحث دائما على الأفضل لتحقيق وضع افضل لاسرتك بعكس السيدة الغير ملزمة باعالة اسرتها

3- الفتاه والسيدة عموما عندها قدر من طولة البال فى التعامل المتتالى مع افراد جدد كل دقيقة بعكس الراجل اللى معندوش نفس القدر من طول البال وبالتالى تكون مناسبة اكتر لمهام استقبال الضيوف القادمين لمديرها

وهذا يخلق حالة من قدرة السيدة على اداء مهام السكرتارية بشكل افضل من الرجل الى جانب تقبلها لتلك المهنة التى لا تحمل مستقبل مهنى مبهر اكثر من الرجل

طبعا احيانا بتدخل المنظرة فى الموضوع ، لكن انا ياما شفت مديرين كبار بيتمسكوا بسكرتيراتهم الفضليات اللاتى فى سن والدتى ولو انتقلوا من منصب لمنصب آخر فان اول ما يحرصون عليه هو نقل سكرتيراتهم كبيرات السن والمقام براتب مرتفع بدلا من تعيين ثلاثة او اربعه من الزهرات اليانعات فى منصب السكرتارية للموقع الجديد وذلك لمعرفتهم بكفائة ومقدرة سكرتيراتهم وان الموضوع مهنة مملة ومرهقة اكثر منها مجرد واجهة براقة

بالظبط كدة


بالاضافة الى ان السكرتيرة من طبيعة شغلها محتاجة تركز في مليون حاجة في نفس الوقت وطبيعة المرأة كدة ممكن تكون بتتفرج على التليفزيون :k5: وحلة الرز على النار وهي بتقطع السلطة بعكس الراجل اللي عايز حاجة واحدة بس في دماغة تخلص ياخد اللي بعدها وهكذا

[mshamy]

لو شفنا الوجه الآخر للعملة ممكن نقدر نستوعب السبب الحقيقي ...يعني لما تكون المديرة سيدة بتفضل انه يكون سكرتير و ليس سكرتيرة ...الموضوع نفسي بحت وبحكم ان معظم المناصب الادارية العليا يشغلها ذكور فبيطلبوا اناث للعمل سكرتيرات