تكاليف الفرح .. نار نااااار

[Miss_Pharma]

يا دكتورة ..... بلا حماقي بلا مريديان بلا حرس الحدود
اكتبو الكتاب في قاعة مسجد .... النور .... رشدان .... الشرطة ...
عشان الناس تيجي تبارك وتهني ....
وبعدين 40 او 50 واحد من اقرب الاقرباء ..... عشاء في مركب من اللي في النيل .... بعدد النجوم اللي نختاروها 3 نجوم 10 نجوم ...علي قد امكانياتكم .... المهم بلاش المصاريف الرهيبة دي علي كلام فاضي ....
اهم حاجة انك وعريسك تكونو مبسوطين .... ممكن تسافرو بالفلوس دي اي مكان انتو عاوزينه .... ممكن تجيبو بيه عربية جديدة ..... ممكن تحجو بيه وتبقو اديتم الفريضة ..
وعلي فكرة ما حدش من المعازيم بيطلع يشكر في الفرح .... حتي لو جبتيلهم حماقي ....برده ح يبقو محموقين .....

والله اذا كان عليا انا مش عايزة اكتر من كده ..
بس لما يجي بس

ا بقى كان معي فلوس اعمل فرح بس ماعملتش...ربنا يكمل زوجتي بعقلها..واتفسحنا بالفلوس..والله المستعان

ربنا يوفقكم يارب .. بجد احلى حاجة البساطة .ز
بس مين يفهم ده ..

[Miss_Pharma]

كل حاجه مولعه نار
يعني لو ها تعمل فرح في الشارع شوف تكاليف الفراشه والانوار
طبعا مصاريف الاكل ها تكون ايه لو انت عازم 200 واحد في متوسط والحاجه الساقعه والمطربيين النصف كم يعني علي الاكل 20000 جنيه واسمك عملت فرح في الشارع
يبقي مش كتير علي نادي محترم لو فندق خمس نجوم

والله عندك حق .. كل حاجة غليت فعلا ..

وانا اؤيد فرح عادى

يعني ايه عادي ؟ الناس هتقعد فين وهتاكل ايه ؟ لو حسبتها فعلا هتلاقيها هتتكلف برضه

[MoToRiZeR]

الحقيقة ان مينفعش اتجوز منغير فرح ..
شر لابد منه ...

ليه ؟ ماهو لو ناس كتير أخدت الإتجاه ده هيبقي عادي :)
و انا شفت ناس كتير مقتدرة ماديا كمان و إتجوزت من غير فرح لعدم إقتناعهم بالمبداَ .

[Miss_Pharma]

على فكرة انا عايزة اقول حاجة ..
تكاليف الفرح اليومين دول عادة بتبقى بالنص بين العروسة والعريس ..
بس الفكرة مش فكرة معايا ولا لا .. انما فكرة ان المبلغ كتير اصلا ..

[aif]

والله اذا كان عليا انا مش عايزة اكتر من كده ..
بس لما يجي بس

ما هو بالاسعار دي و الحماقي دي مش ح يقدر ييجي .... ح يهاجر

[Miss_Pharma]

ليه ؟ ماهو لو ناس كتير أخدت الإتجاه ده هيبقي عادي :)
و انا شفت ناس كتير مقتدرة ماديا كمان و إتجوزت من غير فرح لعدم إقتناعهم بالمبداَ .

والله الواحد بين نارين ..
ساعات يقول ده كتير وحرام وافترى .. وساعات يقول هو انا يعني هتجوز كام مرة ..

بس بالنسبة لي انا حاسة اني لما اتحط في الموضوع فعلا .. وسط المصاريف والتكاليف هقول مش عايزة فرح ..
انمل دلوقتي من بعيد لبعيد .. عايزة طبعا

[medo_2060]

والله عندك حق .. كل حاجة غليت فعلا ..




يعني ايه عادي ؟ الناس هتقعد فين وهتاكل ايه ؟ لو حسبتها فعلا هتلاقيها هتتكلف برضه

يا دكتوره تكاليف عن تالف تفرق برضه يعنى 150 الفم ش زى 10 الاف
فهمتى قصدى

[NaderNabil]

يا جماعة 40 و 50 ألف ده قليل جدا بالنسبة لفرح في فندق محترم...الفور سيزون و الجي دابليو ماريوت أقل حاجة 100 ألف و انت طالع.....لحد 500 ألف لو عايز...و أكيد ممكن أكتر....طبعا من غير المطرب:)

رأيي الشخصي....

أصرف الفلوس دي في شراء أثاث و أجهزة و تشطيب الشقة و شهر عسل محترم جدا جدا جدا

و وقت الفرح تجمع عائلي يضم 30 أو35 من كل عائلة و أقرب الأصدقاء بمجموع 80 نفر في أحد البواخر النيلية زي ما بقية الأعضاء قالوا....

[michohat]

ليه يا جماعه نقتصر فى مصاريف الفرح و يبقى شهر عسل كويس ومن ضمن برنامجه عمرة اهه يبقى الواحد بدأ حياته الجديدة بطاعه

[OsKaR]

ياه ده احنا على كده في سوهاج الدنيا بمبي اجدع فرح فيكي يكلف 20 الف باكتير و يبقى فرح عالمي متوسط الافراح العادي 10 - 13 الف

[osamaesm]

فعلا الواحد ميعملش فرح احس ويسافر بالفلوس ديه بره مصر
بس انا للاسف مرضيوش اني معملش فرح عشان انا اول فرحتهم ومراتي نفس الحكايه
بس انا متجوز من 5 سنين ما كنتش الاسعار كده
اخويا ناوي يعمل كده

[mohamed]

انا عن نفسى اخدت بنصيحة واحد صاحبى وفعلا معملتش فرح وحجزت سهرة محترمة للعيلة ووفرت الفلوس وطلعت قضيت بيها شهر العسل فى فرنسا . طبعا الفرح مهم وكل حاجة ولكن انا شايف ان الاسعار مبالغ فيها قدام الخدمة المقدمة وبعدين بعد الجواز من الصعب ان اى حد يقدر يفضى نفسه لرحلة خارج البلاد يبقى افضل شىء تسافروا وانتوا لسه خفاف كده وبالتوفيق

[askoda]

ana lama 2aloly hane3ml fara7

2oltelhom hatoo floos elfara7 azawedha 3la elli m3aya wageeb elSirion :):)

wba3d magebtaha waldetty samemt enn lazem ne3mel fara7 fa3amalna fara7 3azamna feeeeh 2araybna wso7abnna el2oraybeen bas kan el3adad 120 Persons ta2reeban weltakleffa kanet 22000
bas ana bardoo kont 3ayez a5odhom tany wageeeb lmraty 3arabya (Mo2adam ya3ny ) elmohem ahoo elli 7asal :):)

[Hassan Khalil]

ana lama 2aloly hane3ml fara7

2oltelhom hatoo floos elfara7 azawedha 3la elli m3aya wageeb elSirion :):)

wba3d magebtaha waldetty samemt enn lazem ne3mel fara7 fa3amalna fara7 3azamna feeeeh 2araybna wso7abnna el2oraybeen bas kan el3adad 120 Persons ta2reeban weltakleffa kanet 22000
bas ana bardoo kont 3ayez a5odhom tany wageeeb lmraty 3arabya (Mo2adam ya3ny ) elmohem ahoo elli 7asal :):)

أديك طلعت بالسيريون ..
و اتجوزت بالمرة :)

[KoDaK_Gti]

يا جماعة 40 و 50 ألف ده قليل جدا بالنسبة لفرح في فندق محترم...الفور سيزون و الجي دابليو ماريوت أقل حاجة 100 ألف و انت طالع.....لحد 500 ألف لو عايز...و أكيد ممكن أكتر....طبعا من غير المطرب:)
رأيي الشخصي....
أصرف الفلوس دي في شراء أثاث و أجهزة و تشطيب الشقة و شهر عسل محترم جدا جدا جدا
و وقت الفرح تجمع عائلي يضم 30 أو35 من كل عائلة و أقرب الأصدقاء بمجموع 80 نفر في أحد البواخر النيلية زي ما بقية الأعضاء قالوا....

+11111111 هو ده الصح
بدل ما اصرف علشان الناس وكده كده هيعيبوا على الفرح يبقة لا اصرف عليا انا ومراتى واقضى شهر عسل وبعدها اعمل عمره ان شاء الله