سؤال ضرورى جدا ارجو الرد

[smsm2015]

السلام عليكم

بصوا يا جماعة انا فاتح دفتر توفير فى البنك الاهلى فرع الهرم وبعت اختى فرع الدقى تحطلى فلوس اتفجاءت ان الرصيد صفر وانا بقالى فترة كبيرة مش بروح ناحيته يمكن اكثر من سنه فايه السبب

[medo_31]

اطلب كشف حساب وشوف عمليات السحب والايداع .. هو الرصيد كان مبلغ صغير ولا كبير ؟

[smsm2015]

الرصيد مبلغ كبير هو فى حاجة لو انا فاتح حساب فى البنك وبقالى مده كبيره مش بجى ناحيته هل البنك بيجمده لغاية لما صاحبه يروح فى حاجة زى كدا ..

[احمد المصرى]

فى حاجه غلط طبعا روح بنفسك وشوف

[smsm2015]

هاروح بكره باذن الله الفرع اللى انا حاطط فيه الفلوس وربنا يسهل انا كنت عاوز اطمن بس ..

[medo_31]

مفيش الكلام ده خالص , زي ما قولتلك اطلب كشف حساب ومعرفة حركات السحب والايداع بس روح اتاكد الاول والموظف هيقولك كل حاجة

[amr011111]

لا سنه مش كتير ولا حاجه مش بيجمدوا الحساب
انت انزل دولوقتى اى مكنه atm وهات كشف حساب مختصر
ورصيد حساب منها ولو لقيته صفر يبقى كلم خدمة العملاء علطول

او الاسهل انك تكلم خدمة العملاء وتسألهم رصيدك كام
وابقى عرفنا بأخر التطورات

[smsm2015]

للاسف مش عامل كارت فيزا ..

[محمد يوسف]

البنك الأهلى بيجمد دفاتر التوفير اللى ماعليهاش تعامل فترة طويلة ..بس المفروض بيتبعت لك اخطار قبلها

[OMAR11112010]

وهي أخت حضرتك ياتري نفع تحط في حسابك فلوس ولا لا وطبعا زي ما حضرتك بتقول مش معاك كارت يبقي هي مش هتقدر تعمل ايداع عن طريق المكنة يبقي بالتاكيد تعاملت مع موظف البنك جوا
ماهو لو وقفوا حسابك هيبلغوها بحاجة زي كدا ومعتقدش هيقبلوا فلوس في الحساب الا لما صاحب الحساب يروح بنفسه وينشط الحساب مرة تانية
اعتقد في حاجة غلط

[OMAR11112010]

وحضرتك لما تروح قدم علي خدمة الاهلي فون والاهلي نت ومنهم تقدر تتابع رصيدك وانت في البيت يا اما عن طريق النت او طريق التليفون وهي خدمة مجانية مش هتكلفك حاجة
وبرضوا قدم علي كارت ال اي تي ام ولما تستلمه وتستخدمه اول مرة في الماكينة هيطلب منك رقم موبايل وهو هيبعت لك رسايل في حالة ايداع او خصم اي مبلغ من حسابك وبكدا تقدر تتابع تفاصيل حسابك باكتر من طريقة

[hesham fawzy h]

ابقى قول لنا عملت اية بكرة ان شاء الله

[hugan]

دفاتر التوفير
لايعتد باي عمليات صرف او ايداع الا الموجوده بالدفتر لو مكتوب يدوي لازم ختم البنك
يعني اي صرف او ايداع لازم يكون موجود في الدفتر