شراء شقه للسكن بالاسكندريه

[mmohamed15]

السلام عليكم
انا تقريبا من 8 شهور كنت عملت موضوع اني عايز اشتري شقه في اسكندريه للسكن و متكنش في العجمي و الدخيله و الاجزاء بتاعه غرب
http://www.nilemotors.net/Nile/410506-a.html
المهم كان بعض الاخوه الافاضل طبعا اقترحوا اني يبقي اخري سموحه علشان متبهدلش في الطريق و انا رايح من الشغل او راجع لأن البلد بقت زحمه يعني قالوا بلاش لوران و كده و انا مقتنع بكلامهم
بس خلال الفتره دي الكسل خلاني مدورش و معملش حاجه
حاليا انا شايف قدامي اختيار كمان الكومباوندز اللي عماله تطلع في سموحه دي بس معرفش حاجه عنها و معرفش ظروفها ايه
برضه في كان عماره في محرم بيه بشفوهم علي قناه السويس قريبين من قنصيله الصين و معرفش ظروفهم ايه
فأنا يا جماعخ محتاج مساعه في الموضوع ده لو حد عنده معلومات عن الاماكن دي او اماكن تانيه تكون في عمارات كويسه و المكان يعتبر هادي و راقي نسبيا
لأني بصراحه عايز اشتري لأن الاسعار عماله تغلي كل يوم و قيمه الفلوس بتقل زي ما انتوا عارفين

[Mostafa.Mahran]

العمارتين الى جنب القنصلية الاولى الى هى برج البركة مفهاش حاجة فاضية و اصغر حاجة كانت ب560 الف

التانية الى هى لونها رصاصى برج الهدى تقريبا موجود فيها شقق و لما سالت و هى بتتبنى كانت اصغر حاجة بباكية الجراج ب600 و شوية

فى واحدة تانية هتتبنى جمبهم تبع شركة البركة برضه و نفس المستوى المحترم هتطلع مكان الحزب الوطنى القديم و هى لسه ارض فاضية دلوقتى

[mmohamed15]

العمارتين الى جنب القنصلية الاولى الى هى برج البركة مفهاش حاجة فاضية و اصغر حاجة كانت ب560 الف

التانية الى هى لونها رصاصى برج الهدى تقريبا موجود فيها شقق و لما سالت و هى بتتبنى كانت اصغر حاجة بباكية الجراج ب600 و شوية

فى واحدة تانية هتتبنى جمبهم تبع شركة البركة برضه و نفس المستوى المحترم هتطلع مكان الحزب الوطنى القديم و هى لسه ارض فاضية دلوقتى

الف شكر يا باشا علي الرد بس انا معرفش فين مكان الحزب الوطني القديم ده و هل هو في نفس المكان و لا لأ و هل مع حضرتك رقم تليقون شركه البركه او عنوانهم
و يا تري ايه رأي حضرتك في المكان ده و لا في اماكن تانيه احسن في محرم بك و اسعارها ايه
اسف يا باشا اني بتقل عليك

[mmohamed15]

محدش تاني عنده معلومات يا جماعه

[Hany Adel]

اهلا بيك

اولا ادخل على النت وشوف الشقق التقسيط + الاستلام الفوري

الفلوس تخليها معها وف نفس الوقت تستلم الشقة وتحط رجلك فيها
ولو حتى قفلتها
وقيمتها بتزيد


واهم حاجة ابعد عن شقق الهوا
اللي بدون رخصه لانها خطر ومنتشرة في اسكندريه جدا

استلم فوررري اهم شئ
وفيه شقق كتير حاليا تقسيط في اسكندريه
لان الطلب فعلا كتير جدا
لكن معظم الناس والشباب معهمش سيولة لدفع لا مقدم
ولا قسط بيوصل ل4 او 5 الاف شهريا طبعا

بالتوفيق

[hossam_elwani]

متابعك

[mmohamed15]

اهلا بيك

اولا ادخل على النت وشوف الشقق التقسيط + الاستلام الفوري

الفلوس تخليها معها وف نفس الوقت تستلم الشقة وتحط رجلك فيها
ولو حتى قفلتها
وقيمتها بتزيد


واهم حاجة ابعد عن شقق الهوا
اللي بدون رخصه لانها خطر ومنتشرة في اسكندريه جدا

استلم فوررري اهم شئ
وفيه شقق كتير حاليا تقسيط في اسكندريه
لان الطلب فعلا كتير جدا
لكن معظم الناس والشباب معهمش سيولة لدفع لا مقدم
ولا قسط بيوصل ل4 او 5 الاف شهريا طبعا

بالتوفيق

ادور فين في النت بالظبط يعني علي موقع ايه
معتقدش الطلب كتير جدا اصلا في عماير كتير اتبنت بعد الثوره و محدش ساكن فيها و كميه المعروض كبير جدا في كل الاحياء

[hossam_elwani]

ياجماعة الخير المعروض هو الى كتييييييييير جدا وعشان كده فيه تسهيلات كتير جدا فى السوق

[ahmedwagdy03]

مشوفتش لسة كمبوند (بالمعنى الحقيقى مثل القاهرة و الجيزة ) فى قلب الأسكندرية .

اللى بشوفه مجموعة عمارات و بيسموهم كمبوند .

اللى فعلا تقول عليه كمبوند بيبقى خارج الأسكندرية

لو حد شايف غير كدة ياريت يصحح لى

[mmohamed15]

مشوفتش لسة كمبوند (بالمعنى الحقيقى مثل القاهرة و الجيزة ) فى قلب الأسكندرية .

اللى بشوفه مجموعة عمارات و بيسموهم كمبوند .

اللى فعلا تقول عليه كمبوند بيبقى خارج الأسكندرية

لو حد شايف غير كدة ياريت يصحح لى

كلام سليم بس هما بيسموها كومباوند علشان في حتت تعبانه علي الطريق الزراعي و بيعملوا سور حواليها و حته جنينه صغيره علشان يخلوا الناس تيجي و بتبقي برضه اسعارها عاليه جدا

[mmohamed15]

فين الردود يا جماعه مفيش حد من اسكندريه و لا ايه