سؤال فى الزكاة

[ramymechanics]

السلام عليكم ..
سؤالى مع اقتراب معاد الزكاة حيرة كل سنة أديها لمين .. بشوف ناس اعرفها فقراء لكن دايما بيفضل مبلغ بضطر اوزعه على مساجد حوالينا و هم يوزعوه و فى نفس الوقت بخاف ادفع للمؤسسات زى رسالة و مستشفى الاورام او بنك الطعام و كدة عشان مضمنش انها هتطلع فى مصارفها الشرعية على انها زكاة مش صدقة من الصدقات

نفسى الاقى مصرف احس فيه انها فى مكانها الصحيح .. كمان فى سؤال هل لو دفعتها لناس بتتجوز يجيبوا بيها بوتاجاز او تلاجة مثلا او يدفعوا ايجار شقة يتجوزوا فيها هل دى من مصارفها الشرعية

أتمنى لو حد يعرف مكان بيرعى حالات محتاجة علاج او مصارف للزكاة يقول مشكورا .. و جزاكم الله خيرا مقدما

[amr011111]

متابع

[elkorany]

متابع

[hugan]

نفس الحيره
البلد دي فعلا لو مصارف الزكاه تروح لمستحقيها مش هاتلاقي فقير واحد

[هيثم مجدي]

دور وتتحرى الناس اللي تحسبهم اغنياء من التعفف وهم فعلا في حاجة للمال. الفقراء والمساكين مفيش اكتر منهم في مصر. فيه ناس بيعيشوا في الشهر ب 300 و 400 جنيه والله شوفتهم بعيني ومبقتش عارف دول عايشين ازاي. الحمدلله على فضله.

بخصوص الجمعيات, انت بتبلغهم ان دي زكاة عشان يتحرّوا المصارف الشرعية. ولو اهملوا او قصّروا فهم اللي يتحملوا الوزر, لأنها أمانة. لكن ابتداء لازم انت كمان تختار جمعية تثق 100% انها أهل للأمانة دي. مصارف الزكاة 8, والجمعيات كلها بتشتغل فيها يعني نادرا لما تلاقي ان الاموال اللي بتدفعها لهم هتخرج عن احد مصارف الزكاة.

دار الافتاء افتت بانه يجوز الزكاة للمساعده في الزواج للمحتاجين. تبعا لرأي بعض المالكية والحنابلة. وايضا الشيخين ابن عثيمين وابن باز أفتوا بالجواز .

[mody112]

إنما الصدقات للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل فريضة من الله والله عليم حكيم


المقصود بالصدقات هنا هى الزكاة .
وهى ددى مصارف الزكاة .
فكل من هو فقير يجوز عليه الزكاة .
والله اعلم