ايه الفرق بين الشريحة العادية لخطوط المحمول و المينى

[alfath8]

السلام عليكم
سؤال محيرنى عندى مشكلة بتقابلنى فى المصنع اللى انا شغال فيه شبكة موبينيل مع اى سمارت فون بتبقى زى الزفت وبالاخص لو شريحة مقصوصة والعكس صحيحي لما اشغل شريحة موبينيل على اى تليفون سامسونج او نوكيا تليفون عادى جدا من ابو 100 جنيه بتبقى زى الف ومفيش اى مشكلة فى الشبكة ولما اصاحابى عمله نفس الفكرة اللى انا عملتها شغل خطوطهم على تليفونات عادية مشكلةة الشبكة انتهت خالص
مش فاهم ايه المشكلة واستنتجت حاجة بش مش عارف صح ولا غلط
لما سالت فى موبينيل قالى فى شريحة مينى ب 30 جنيه على طول
والشريحة العادية من ام 5جنيه وبيقصهالى وتركب عادى
هل ممكن المشكلة فى الشرائح دى
ولا مشكلة الشرائح دى مش ممكن تكون هيا المشكلة
على فكرة المشكلة عامة فى اى سمارت فون داخل المصنع بشريحة مقصوصة

[طارق _عبد السلام]

ممكن اى خطأ بسيط فى قص الشريحه يأثر عليها .......... هات واحده مينى وجرب

[naser_56]

حاول متقصهاش بالمكينه الي عامله ذي الدباسه دي بوظت لي اكتر من شريحه وبعد كده بقيت اقصها بمقص عادي بس اكبر من المقاس الي انا عاوزه سواء ميكرو او نانو وبعدين اكملها بمبرد اظافر وبقت تظبط 100%
وكنت اظبط القياس عن طريق شريحه اخري نانو الي بستخدمها في الكويت وهي جايه نانو اصلا

[graffittiii]

أنا ماعنديش سبب علمي مقنع

بس بصفة عامة بلاحظ الموبايلات القديمة أحسن في الشبكة من الـ Smart phones الموضوع مالوش علاقة بالشريحة .

جرب شريحة ميني مقصوصه في موبايل قديم بعد ماتركبلها الـ Border البلاستيك .
هتلاقي الشبكة أحسن من لما كانت فــ الــ smart phone ... يعني الموضوع مالوش علاقة هي مقصوصه ولا لأ .
أنا جربت الموضوع ده كتير ومالقيتش سبب مقنع .

[sherifahmed]

هو ا الشريحة الجديدة المينى او الميكرو بكام اصلا؟
اجابة السؤال هى الحل لمشكلتك

[swimmer25]

الإجابة هي إن الشبكة في المصنع ضعيفة والموبايلات الجديدة بتدور على ال 3G ولما تلاقيها بتشبك عليها وهي بتكون ضعيفة في المصنع وداخل الأبنية الخرسانية لما بيكون أبراج الإتصالات بعيدة عن المكان
الحل إنك تخلي التليفون يشبك على ال 2G وإنت في المصنع لأن التليفون بيكون مظبوط تلقائي
إدخل
settings
more networks
mobile networks
وتحت network mode إختار GSM only

ولما تخرج من المصنع غيرها وده لما تكون بتستخدم داتا

[mk3]

الإجابة هي إن الشبكة في المصنع ضعيفة والموبايلات الجديدة بتدور على ال 3g ولما تلاقيها بتشبك عليها وهي بتكون ضعيفة في المصنع وداخل الأبنية الخرسانية لما بيكون أبراج الإتصالات بعيدة عن المكان
الحل إنك تخلي التليفون يشبك على ال 2g وإنت في المصنع لأن التليفون بيكون مظبوط تلقائي
إدخل
settings
more networks
mobile networks
وتحت network mode إختار gsm only

ولما تخرج من المصنع غيرها وده لما تكون بتستخدم داتا

صح كده برافو عليك

[gade2]

الإجابة هي إن الشبكة في المصنع ضعيفة والموبايلات الجديدة بتدور على ال 3G ولما تلاقيها بتشبك عليها وهي بتكون ضعيفة في المصنع وداخل الأبنية الخرسانية لما بيكون أبراج الإتصالات بعيدة عن المكان
الحل إنك تخلي التليفون يشبك على ال 2G وإنت في المصنع لأن التليفون بيكون مظبوط تلقائي
إدخل
settings
more networks
mobile networks
وتحت network mode إختار GSM only

ولما تخرج من المصنع غيرها وده لما تكون بتستخدم داتا

هجرب واقللك بس ياه لو ظبتت
عموما شكرا على المحاوله

[besso]

ايوه انا كمان كان عندى المشكله دى وواحد قريبى هو اللى قاللى على موضوع تغير الشبكه من الموبايل دى عشان بدل 3g وفعلا اتظبط
هايطلع هو ده الحل ان شاء الله

[حسام الغرباوي]

فعلا كنت داخل اقلك نفس الموضوع ..السمارت فونز عندها اولويات في البحث عن الشبكات
4g
بعدين
3g
بعدين
2g

وللأسف لو لقطت شرطة واحدة 3g او 4g بتثبت عليها وتروح وتيجي

فملوش علاقة بالشريحة لان الشريحة نفس البرمجة سواء عادية او ميني او ميكرو

[alfath8]

هو ا الشريحة الجديدة المينى او الميكرو بكام اصلا؟
اجابة السؤال هى الحل لمشكلتك

المينى الجاهز ب30 جنيه فى فرع موبينيل

[alfath8]

الإجابة هي إن الشبكة في المصنع ضعيفة والموبايلات الجديدة بتدور على ال 3g ولما تلاقيها بتشبك عليها وهي بتكون ضعيفة في المصنع وداخل الأبنية الخرسانية لما بيكون أبراج الإتصالات بعيدة عن المكان
الحل إنك تخلي التليفون يشبك على ال 2g وإنت في المصنع لأن التليفون بيكون مظبوط تلقائي
إدخل
settings
more networks
mobile networks
وتحت network mode إختار gsm only

ولما تخرج من المصنع غيرها وده لما تكون بتستخدم داتا

هاجرب الفكرة دى وهاشوف ربنا يسهل وتجيب نتيجة

[Ahmed_Rahem]

زى مالخوة قالو غير خاصية البحث عن الشبكة الى 2g او gsm وهتفرق معاك فى قوة الشبكة وكمان فى عمر البطارية.

[احمد المصرى]

سؤال

ليه ال 2 g عمر البطاريه بيكون افضل بكتير من 3g

[swimmer25]

سؤال

ليه ال 2 g عمر البطاريه بيكون افضل بكتير من 3g

جرب تشبك 3G بس لأن عملية البحث على الشبكة والتغيير بين 2g - 3g بيستهلك البطارية
ولو شبكة ال 3G ضعيفة هتستهلك بردو البطارية أعتقد