محتاج ملاحظاتكم على واجهة المنزل 3DMax

[ESO101]

السلام عليكم ورحمة الله وبركاته
محتاج مشورتكم في واجهة المنزل .. هي لسه ماكتملتش والألوان مش مظبوطة
بس بخصوص القبة أنا شايف إن حجمها غير مناسب لأنها تبدو كقبة جامع..
فما رأيكم في الشكل بشكل عام والقبة بشكل خاص .. كيف يمكن أن تبدو مناسبة
وماهي الألوان المقترحة .. لأن الأبيض لايحتمل التقلبات المناخية
الغرض من القبة وضع فيها السخانات المركزية والتكييف وخزان المياه عشان الشكل العام

[ESO101]

هنا الصور

عارف فيه ملاحظات كتير بس ساعدوني فيها لإني عايز أنهي هذه المرحلة في أسرع وقت

[7oda]

انا مش مهندس معمارى
شخصيا مبحبش الاستيل ده , من اول النظرة لقيته مجهد للعين و مش سلس

على المستوى العملى تنفيذة هيبقى صعب و مكلف
و فى اعتقادى مش مناسب للبيئة الى هيتبنى فيها

[ESO101]

انا مش مهندس معمارى
شخصيا مبحبش الاستيل ده , من اول النظرة لقيته مجهد للعين و مش سلس

على المستوى العملى تنفيذة هيبقى صعب و مكلف
و فى اعتقادى مش مناسب للبيئة الى هيتبنى فيها

في البداية كانت عجباني الواجهة دي


ولكن زرت المشروع بعد فترة لقيت إنها موضة وقدمت

فإيجابيات المودرن إنه بسيط ومش مكلف
لكن سلبياته إنه بيقدم وبتنتهي موضته بسرعة

سلبيات الكلاسيك إنه مكلف ومرهق
إيجابياته إنه مش بيقدم و ممكن تحديثه بتغيير الألوان

الحاجة اللي مش مريحة في الواجهة الحالية تتلخص في أمرين .. وارجو تصحيحي لو خطأ
الأول إن الألوان مش ماشية مع بعض .. لون البيت والشبابيك والقبة كل لون لوحده

جايز شكل القبة محتاج تغيير جذري لإن شكلها شاذ ومش مريحة للعين
هطلب من المهندس يغير لونها ويصغرها وهنزل الصورة بعد التعديل
يمكن يتغير إنطباعك لإن عندي نفس الإنطباع
بس أنا عارف إن القبة والألوان ممكن يكن السبب فيه
لإنها شاذة عن البناء بحجمها ولونها

بس ليه مش مناسب للبيئة اللي هيتبني فيها ؟

[7oda]

انا مش عارف انت هتبنى البيت فين و كمان فى الرسم مش باين الاتجهات الطبيعية

بس انت عندك واجهات زجاج كبيرة الواجهات ديه تنفع فى البلاد و الاماكن الى مفهاش شمس قوية زى اوروبا ولكن فى الشرق الاوسط انت مش محتاج الواجهات الزجاج الكبيرة

الواجهة الخارجية فيها تعرجات كتيرة فى رأيي الكلام ده مينفعش فى بيئة متربه

و زي مقولتلك فى الاول انا مش مهندس معمارى يمكن يكون رأيي غلط

[ESO101]

انا مش عارف انت هتبنى البيت فين و كمان فى الرسم مش باين الاتجهات الطبيعية

بس انت عندك واجهات زجاج كبيرة الواجهات ديه تنفع فى البلاد و الاماكن الى مفهاش شمس قوية زى اوروبا ولكن فى الشرق الاوسط انت مش محتاج الواجهات الزجاج الكبيرة

الواجهة الخارجية فيها تعرجات كتيرة فى رأيي الكلام ده مينفعش فى بيئة متربه

و زي مقولتلك فى الاول انا مش مهندس معمارى يمكن يكون رأيي غلط

الرسم مش مكتمل لسه المهندس شغال عليه لإني طلبت منه تعديلات وقالي هات كل اللي عندك

هبني في الخبر .. وبالفعل المنطقة جوها في بعض الفصول بيبقى عواصف رملية
وعشان كدا اللون الأبيض مش مناسب .. لشدة تأثره بالمناخ.. دي حلها لون مناسب للبيئة


ولكن مسألة الشمس مفيهاش مشكلة كبيرة ..
أنا حاليًا بيتي المساحات الزجاجية فيه كبيرة
والزجاج بيحجب جزء من الشمس والجزء اللي بيدخل مناسب لحد كبير
فنوع الزجاج ونوع العزل ونوع التكييف وكمان نوع الستائر .. كله بيلعب دور
مع العلم إن فيه تأسيس لـ ( Roller Shutter ) على كل الشبابيك
مش عارف دا كفاية ولا لاء أنا كلمت المهندس في النقطة دي
وحاولنا بقدر الإمكان تهيئ البناء ليكون مناسب للأجواء دي
طبعًا لو فيه حاجة إضافية تفيدني بيها هكون لك من الشاكرين .. لإن بعد كدا هيبقى التغيير مش سهل

نقطة مهمة عايز أقولها إن البناء مش فله وحدة 10 فلل متجاورة .. فلو فيه غلطة مش هتقتصر على دي بس هتتنسخ في كل الفلل
فعشان كدا أنا محتاج الملاحظات دي .. لإني هناقشها مع المهندس

[ESO101]

واجهات grc حد جربها ؟

[إنسانة]

الرسمه جميلة

خلي القبة مضيئة بلاش الجزء المعدني مشوه المنظر


لو ابيض عادي وبالليل تكون منورة هطلع جميلة

بالتوفيق

[hh]

بصراحة انا شايفة شكل القبة شاذ جدا عن باقي المبنى و مخلي الشكل العام وحش جدا. ليه متبقاش شكلها مثلث من فوق عشان تتماشى مع شكل الواجهة؟ و تبقى نفس اللون الازرق ده ظريف

[HeMa_LanCeR]

شيل اللي فوق كله وحط القبة فقط وخليها زجاج نفس لون الزجاج الي تحت

[amr011111]

القبه بصراحه متنفعش مع منزل. الافضل تتعمل شخشيخه عباره عن كمره وعمود على شكل مستطيل وممكن من فوق يتعمل قرميد مايل فى الاتجاهين والأفضل كان التصميم يتعمل فى اى مكتب بالمكاتب الموجوده بمصر وبالتوفيق

[ESO101]

الرسمه جميلة

خلي القبة مضيئة بلاش الجزء المعدني مشوه المنظر


لو ابيض عادي وبالليل تكون منورة هطلع جميلة

بالتوفيق

وضحي قصدك أكتر
يعني إيه القبة تكون مضيئة
وإيه علاقة اللون الأبيض بإنها تكون مضيئة ..
دا شغل إنارة أفتكر هيمشي مع كل الألوان لو فهمتك صح
ياريت تكتبيلي كل ملاحظاتك غير القبة

بصراحة انا شايفة شكل القبة شاذ جدا عن باقي المبنى و مخلي الشكل العام وحش جدا. ليه متبقاش شكلها مثلث من فوق عشان تتماشى مع شكل الواجهة؟ و تبقى نفس اللون الازرق ده ظريف

شكلها وحش كدا يمكن عشان لونها أو حجمها بس هجرب المثلث
ولوني مش متخيل منظره ..

شيل اللي فوق كله وحط القبة فقط وخليها زجاج نفس لون الزجاج الي تحت

الزجاج عايز عناية خاصة وكمان مش هيكون بالحجم الكافي لخزان ومكيفات وخزانات مركزية
الحجم الكبير في الزجاج هيكون سلبياته كتير
لكن ممكن اخليه يعمل قبة من غير اللي تحت واشوف المنظر بعدها

[ESO101]

القبه بصراحه متنفعش مع منزل. الافضل تتعمل شخشيخه عباره عن كمره وعمود على شكل مستطيل وممكن من فوق يتعمل قرميد مايل فى الاتجاهين والأفضل كان التصميم يتعمل فى اى مكتب بالمكاتب الموجوده بمصر وبالتوفيق

والله ياباشمهندس عمرو أنا مرتحتش لأسعار المكاتب في مصر
خصوصًا إنها مخططات بس مفيش إشراف
يعني رسومات الكهرباء والصحية والتكييف بـ 2000 دولار
رسومات المعماري و الإنشائي 2000 دولار
الواجهات 3d للواجهة الأمامية ومنظور جانبي 3000 دولار
لقيت نفسي هتكلف فيها حوالي 30 ألف جنيه
وهدفع للمكتب اللي هاخد على رسوماته الرخصة هنا 48 ألف ريال
يبقى بلاش مصاريف مرتفعة كدا وأخليني مع المكتب هنا وخلاص
رغم إنهم زي ماحكيتلك قبل كدا مش مرنين في التعامل
والمهندس المعماري اللي شغال على الواجهة معندوش أي وجهة نظر ..
اللي عايزه العميل بس يعمله ولو تعديلات كتير بياخدوا زيادة على كل تعديل

[ESO101]

والله ياباشمهندس عمرو أنا مرتحتش لأسعار المكاتب في مصر
خصوصًا إنها مخططات بس مفيش إشراف
يعني رسومات الكهرباء والصحية والتكييف بـ 2000 دولار
رسومات المعماري و الإنشائي 2000 دولار
الواجهات 3d للواجهة الأمامية ومنظور جانبي 3000 دولار
لقيت نفسي هتكلف فيها حوالي 30 ألف جنيه
وهدفع للمكتب اللي هاخد على رسوماته الرخصة هنا 48 ألف ريال
يبقى بلاش مصاريف مرتفعة كدا وأخليني مع المكتب هنا وخلاص
رغم إنهم زي ماحكيتلك قبل كدا مش مرنين في التعامل
والمهندس المعماري اللي شغال على الواجهة معندوش أي وجهة نظر ..
اللي عايزه العميل بس يعمله ولو تعديلات كتير بياخدوا زيادة على كل تعديل

بالمناسبة إيه فكرة إن المكاتب في مصر تفصل اسعار المخططات كدا ؟
يعني يديك سعر لكل مخطط ويحسبها باللوحة
واسعار اجمالي المخططات ويبقى فيه تباين رهيب
يعني أنا هدفع 20 ألف على مخططات الصحية والتكييف والكهرباء
وزيهم إنشائي ومعماري
لما تفصلها تلاقيها هتطلع 70 ألف
لكن لو هاخد بكج كامل هدفع 30 ألف
مش فاهم ليه التفصيل دا .. وإيه الأسعار دي لو مفيش اشراف

[7oda]

هل فكرت انك تشوف مهندس freelance
يعملك التصميم و تخلى المكتب الى عندك يظبت الشغل على الوضع عندك

https://www.upwork.com/o/jobs/browse/c/engineering-architecture/skill/architectural-design/