النوت 3 باظ محتار فى تصليحه

[egyboy]

السلام عليكم

شاشة النوت 3 اتكسرت وكمان علشان وقع من مسافة كبيرة

البوردة الهارد فيها باظ

وعلى كلام الراجل بتاع الصيانة

الشاشة ب 1300 جنيه والهارد ب 500 جنيه

يعنى 1900 وكمان بيقولى ممكن يظهر عيوب تانية فى (الكاميرا - الشبكة - ...الخ)

الموبايل نفسه جديد من بره مصر ب 2400 بس لو هجيب موبايل ليه اجيب نفس الموبايل اللى معايا وبالتالى هفكر فى حاجة غالية وكده هكون خسران ومحتار

المشكلة بقى انى صعبان عليه انى اكون جايب الموبايل ب 5000 جنيه وارميه

فبفكر اصلحه وخلاص ومحتار مش عارف اعمل ايه ولا اجيب موبايل :(

[Hobgoblin]

بيعه على عيبه قطع غيار واشتري جديد.

مهما صلحت هتفضل نفسيا شاكك في الموبيل ومستني عطل جديد.

[tasaka]

Sell it as is and buy a new one

[Rsarabia]

اوعى تصلحه و بيعه فورا بأى فلوس

[egyboy]

شكرا يا شباب على النصيحة
يا مسهل والاقى حد يشتريه باى حاجة

[gade2]

حطه على olx

[SHNORY]

يعني حضرتك كده معاك بطاريه وضهر وعاوز تعمل عليهم جهاز
بيعه قطع غيار وهاتلك جهاز جديد
بس اتاكد من انه فصل نهائي يعني مبتسمعش صوت فتح ولا شحن

[عﻻء سالمان]

الشاشة الداخلية اتكسرت صح؟يعنى الصورة اختفت تماما وﻻ جزئيا؟ انت متأكد ان البوردة الهارد فيها باظ؟؟ جربت توصلة على الكمبيوتر وتنزل كل جاجة من علية وﻻ ﻻء؟ لو عملت اكسس للفايﻻت يبقى الهارد سليم.. جهازى النوت 3 وقع برضو فى السعودية والشاشة اتبهدلت كان لسة شغالرمنبة وكان ممكن انقلربية الفايﻻت من كمبيوتر لﻻب توب زى الفﻻشة.. واحترت فية بس رحت لفنى شاطر شال البوردة بالكاميرا وركبهم على شاشة جديدة .. يعنى صلحة فى سبع دقايق بقطع غيار جديدة ممتازة بتكلفة 450 ريال.. و فهمنى انة طالما كان قبل ما يقع شغال يبقى هيرجع زى ما كان.. والحمد لله كان قرار سليم.. وفى حل تانى اقتناء موبايل انفونكس خمسة بوصة وامكانات ﻻ بأس بها.. ربنا يوفقك

[al_manara]

شكرا يا شباب على النصيحة
يا مسهل والاقى حد يشتريه باى حاجة

صديق ليا عاوز الكاميرا الامامية والسماعة