هو المنتدى ده اتقلب غم

[wesam_salom]

مش عارف ليه حاسس انها غلبت بغم فى المنتدى الاجتماعى

هى ناقصه

ما الهم موجود فى كل حته

انا زهقت من الغم ده

فى البيت

فى الشغل

فى التليفزيون

فى الجرايد

حتى فى نايل موتورز

كفايه حرام

عاوزين نغير شويه

[Imhotep]

انا رأيى ان التوازن مطلوب فى كل شئ..... يعنى صحيح حاجات كتير من الواقع اللى حوالينا محزنة و تسبب الاكتئاب و الاحباط و غيره من المشاعر السلبية، لكن هذا لا يمنع المشاركة فى المفيد و المريح للنفس و العقل حتى لو كان قصة طريفة او نكتة او موقف..... ماهو و لا هينفع انبساط و فرفشة على طول الخط ولا اكتئاب و احباط على طول الخط..... حبة فوق و حبة تحت C'est la vie

[أبو إياد]

ممكن راى خامس
هو ان الواحد فى الاجتماعى ممكن يفضفض عن الواقع
ممكن يسرح بخياله بحياه افضل
ممكن يدخل يتسلى بالمسابقات
ممكن يزود معلوماته
ممكن يفيد غيره من معلوماته
يحل مشكلته او يقول رايه فى حل مشكله للاخرين
دايما نبص من نص الكوب الممتلىء
وشكرا ع الموضوع

[Yarisawy]

الغم موجود فينا ...تقدر تحسه حوالينا
مش بنقول ان العيب فينا .. لا العيب فى اللى حوالينا
ومع كل اللى فينا ... لازم نتمسك بالتفاؤلينا "من التفاؤل"

وعجبى

[data_call]

هو معاك حق عاوزين نخرج شوية من الهم والغم نضحك ونلعب ونغير المود الكئيب اللى حوالينا
بس كمان كلنا اصدقاء لو مفضفضناش مع بعض باللى مضايقنا تبقا ازاى صداقة
اللى مضايق يفضفض واحنا نهزر ونخرجه من المود

[wesam_salom]

هو معاك حق عاوزين نخرج شوية من الهم والغم نضحك ونلعب ونغير المود الكئيب اللى حوالينا
بس كمان كلنا اصدقاء لو مفضفضناش مع بعض باللى مضايقنا تبقا ازاى صداقة
اللى مضايق يفضفض واحنا نهزر ونخرجه من المود

ازاى نخرجه من الموود اللى احنا عايشين فيه

ده كل المواضيع بقت تجيب الهم

انا عن نفسى بدخل اشوف المواضيع علشان اسلى نفسى وانسى وابعد شويه عن اللى انا شايفه

الاقيكم نفس الوضع وكله رايح لسكه الاكتئاب

[A.Saad]

اللى عايز يفرفش
فرفش وانتعش

http://www.nilemotors.net/Nile/showthread.php?t=48705

[نور القمر]

طبيعي ان اي انسان بيمر بمراحل مزاجيه مختلفة
شوية فرحان وشوية مكتئب وشوية حزين وطبيعي ان الانسان بيعبر عن مشاعره للناس القريبين منه
فعادي يعني نستحمل بعض ونشيل هموم بعض ونفرح لفرح بعض ونساعد بعض على ابعاد الاكتئاب
والمفروض لما نلاقي مود المنتدى بدأ يقلب بغم نحاول نغيره بمواضيع ظريفه وردود فيها ود
وعموما ان شايفه ان مرحلة الغم الحالية ارحم من مرحلة الخناقات اللي عدت يارب مترجعش تاني

[icehearted girl]

كل إناء ينضح بما فيه

[eng.octooo]

اقلب القدرة على فمها ..... طبعا عارفين الباقى

[icehearted girl]

اقلب القدرة علي فمها...ميحدفش الناس بالطوب

[powerofhelll]

اغلب العوامل المشتركه في المجتمع تفتكر تكون ايه