ماذا تعتقد...البوم تامر حسنى ولا البوم عمرو دياب :)

[Ashraf_Ashraf]

محدش يقدر يقول ام تامر زى عمرو بس اعتقد برضوا تامر مش وحش للدرجه
بس على فكره انا بقيت اكره اسلوب تهريب مقاطع الاغانى واسلوب الالبوم نازل بكره بعدهاو الشهر اللى جاى ومينزلش
اسلوب فى رأى رخيص وبيكره الواحد فى الالبوم قبل نزوله

[AhmedGen2]

أنا سمعت السامبلز للاتنين ، يكفى أقولك أغنية مالك دى بس بألبوم تامر دة كله كدة.

[HeMa_LanCeR]

أنا سمعت السامبلز للاتنين ، يكفى أقولك أغنية مالك دى بس بألبوم تامر دة كله كدة.

ياراجل وسيبت اغنيه يهمك في ايه
دي تحفه بجد نفسي واسمعها كلها

[mahmoud_magdy]

بالنسبالي مش هتفرق كتير
انا بقيت اسمع اجنبي وقت ما اكون عاوز اسمع
وفي الغالب مبسمعش اغاني اصلا
بصراحه ملهاش لازمه اصلا

[ahmad--ezzat]

انا فاكر مرة...وحصلت فعلا...
شيرين نزلت البومها مش فاكر كان جرح تانى تقريبا...فنفس الوقت اللى نزل عمرو دياب علم قلبى...وشرين بأمنة شريطها قلب الدنيا عن علم قلبى بكتير..لو حد فاكر الفترة دى

[MoToRiZeR]

بالرغم من إني من زمان بطلت أسمع بوب خالص و بالتالي معظم العربي
إلا إن عمرو دياب عندي حالة خاصة معرفش ليه ببقي عايز أسمع شريطه و بتبسط بيها أوي !

يمكن عشان هو الفنان الوحيد اللي بسمعه من و انا طفل فا مجرد سماع صوته بيفكرني بحاجات كتير و بيبسطني .. هي يمكن هيافة بس بصراحة شريط عمرو دياب بالنسبة لي خاصة في الصيف زي المصيف كدة و السفر و البحر ! حاجة ضرورية ! إستحملوني يا جماعة معلش بس أصل انا بحب الراجل ده .. و تشرفت إني عملت معاه إنترفيو أيام ألبوم كمل كلامك .

طبعاَ شعر الصدر حسين لا تعليق .. مبقاش إلا الواد ده اللي هييجي يتنطط عالكينج علي أخر الزمن !