دائما متهم بالغرور والتناكه , أعمل ايه ؟؟

[KHALED AYMAN]

يا جماعه انا برده كده ...
اصل دى ثقافه شعب ..
1-الى مش بيتكلم كتير تنك و مغرور ...(بيقولو عليا كده)
2-الشاب الى راكب عربيه مامته جايبهالو (بيقولو عليا كده)
3-الطالب الى مش بيذاكر و معتمد على شغل والده يبقى ابوه بينجحه بالفلوس(بيقولو عليا كده و فى الاخر شلت مواد فى ثانوى )
حاجات كتيييييييييييييير الشعب مصدقها و شايف ان ده الصح ....
الكلام ده مش بيتقال عليا انا بس لا ده على كل الشباب و الناس ....
انا جربت مثلا فى شغلى انى اندمج مع العمال وكده ...
لقيتهم خدو عليا زياده عن اللزوم ...
حاليا اصبحت لا مبتسم ولا مكشر و بتكلم فى الشغل بس ..الا مع بعض الناس الى هم اصدقائى و المقربين ليا ....
و بيقولو عليا تنك برده بس بيحترمونى (مش عارفين نظامى ايه شرس ولا اليف ....لانى مش بظهر اى منهما)....

[eng.octooo]

انا كمان بياقال عنى انى تنك ومحبش اتعامل مع الناس مع انى عكس كدة خالص

[Imhotep]

و العبد لله ايضا معكم فى نادى المساء فهمهم...... و انا من زمان بطلت اوجع دماغى بفكرة الناس عنى و بسيب التعامل فى المواقف المختلفة هو اللى يصحح الفكرة المغلوطة عنى

[mahmoud_magdy]

الحل جاي اهو
سؤال هسألو انت ليه متكونش اجتماعي ؟!!!
مصطلح اجتماعي بيضم حاجات كتير اوي وحاجات حلوه اوي
مثلا يعني في بداية يومك تبتدي بالابتسامه لنفسك تنزل من البيت تقول السلام عليكم وصباح الخير وكدا وتروح شغلك كدا بردو واما واحد يقابلك تسلم عليه وتقولو اخبار الدنيا ايه مثلا بردو
بص حضرتك مش شرط انك يكون عندك اصحاب واصدقاء كتييييييييير اوي لالالا خالص
الحاجه الحلوه ان يكون عندك معارف وبتستفيد منهم في الضوائق لما تكون محتاج مساعده مثلا
بالرغم اني بحاول اغير من نفسي وأكون اجتماعي اكتر وأكتر وده على عكسي تماما لكن انا مقتنع تماما باللي بقولو ليك
واهو كلو لمصلحتك فقط
جدي الله يرحمه كان بيقول مثل
اللي متحتاجش النهارده لوشه بكره تحتاج لقفاه !!!
ارجو اكون افدتك

[كابوس الليل]

اصل كله دلوقتى بيكتفى بلصحاب والمعارف الى عنده كله خايف انه يواجه ناس هوا ميعرفهاش فمكتفى بلى عنده والى يعرفه
خايفين يكلم حد ولسة حيتكلم ويتعرف بيه طب ليه كل ده طب ماهو انا عندى صحابى وقرايبيى
غير كدة بقا صعب ان الواحد يلاقى صحاب كويس

[نور القمر]

طنش طبعا
ولعلمك اللي بيقولوا كدة عندهم احساس بالنفص وشايفين انك احسن منهم ومعتقدين انك بتعاملهم على هذا الاساس

[KHALED AYMAN]

الحل جاي اهو
سؤال هسألو انت ليه متكونش اجتماعي ؟!!!
مصطلح اجتماعي بيضم حاجات كتير اوي وحاجات حلوه اوي
مثلا يعني في بداية يومك تبتدي بالابتسامه لنفسك تنزل من البيت تقول السلام عليكم وصباح الخير وكدا وتروح شغلك كدا بردو واما واحد يقابلك تسلم عليه وتقولو اخبار الدنيا ايه مثلا بردو
بص حضرتك مش شرط انك يكون عندك اصحاب واصدقاء كتييييييييير اوي لالالا خالص
الحاجه الحلوه ان يكون عندك معارف وبتستفيد منهم في الضوائق لما تكون محتاج مساعده مثلا
بالرغم اني بحاول اغير من نفسي وأكون اجتماعي اكتر وأكتر وده على عكسي تماما لكن انا مقتنع تماما باللي بقولو ليك
واهو كلو لمصلحتك فقط
جدي الله يرحمه كان بيقول مثل
اللي متحتاجش النهارده لوشه بكره تحتاج لقفاه !!!
ارجو اكون افدتك

يا باشا منا كده و الله ...
بسلم ع الناس و عادى جدا و الحياه حلوه ...
ابص الاقى الى اسلم عليه مره ..
ف التانيه التالته ياخد عليا و عايز يضرب صحوبيه و اساسا مفيش بينا علاقه ..
و فى الرايحه و ف الجايه يوقفنى و يعد يرغى ...
قفشت شويه مع الناس ..
و قللت من الهظار شويه و بقيت اكثر جديه ...
بقو يقولو ده اتعوج و بقى تنك و اتغر فى نفسه ...

[Migo123]

الحل جاي اهو
سؤال هسألو انت ليه متكونش اجتماعي ؟!!!
مصطلح اجتماعي بيضم حاجات كتير اوي وحاجات حلوه اوي
ززز
واهو كلو لمصلحتك فقط
جدي الله يرحمه كان بيقول مثل
اللي متحتاجش النهارده لوشه بكره تحتاج لقفاه !!!
ارجو اكون افدتك
__________________

للاسف فكر كتيييييييييييييير قوي قوي قوي من الناس دلوقتي
بس لمعلوماتك ممكن يكون ده نموذج ناجح في الزمن ده
بس للاسف ينقصه الصدق على الاقل مع نفسه .............. واكيد ده مش هيكون مريح ليه هو شخصيا .......... ممكن يكون مفيد
بس عشان نسميه صح منقولش عليه اجتماعي ............. تقدر تقول انتهازي متسلق ممكن منافق تمشي برضه
متزعلش مني ده وصف للسلوك اللي حضرتك وصفته .......... مش وصف ليك شخصيا طبعا
خصوصا اني دي اول مره نتكلم مع بعض ........ واعتقد ان انت مش كده عشان كتبت الكلام بالصراحه دي ............ اوعى تزعل

[KHALED AYMAN]

للاسف فكر كتيييييييييييييير قوي قوي قوي من الناس دلوقتي
بس لمعلوماتك ممكن يكون دهن نموذج ناجح في الزمن ده
بس عشان نسميه صح منقولش عليه اجتماعي ............. تقدر تقول انتهازي متسلق ممكن منافق تمشي برضه
متزعلش مني ده وصف للسلوك اللي حضرتك وصفته .......... مش وصف ليك شخصيا طبعا
خصوصا اني دي اول مره نتكلم مع بعض ........ واعتقد ان انت مش كده عشان كتبت الكلام بالصراحه دي ............ اوعى تزعل :b4_611:

بص يا باشا ...
انا هعلق على كلامك بس متفهمنيش غلط ....
لما الواحد يسلم على الناس و يعاملهم كويس اولا بيعامل ربنا و بيعمل ده لربنا مش ليه ولا للناس ...
بس مفيش مانع من الاستفاده من الاخرين ...
يعنى مثلا انا بسلم دايما على ظبات المرور ...
الى اعرفهم طبعا ...
و لما اروح المرور و احتاج حاجه بدخل لاى واحد منهم ...
و كذلك فى اى مكان و مع اى شخص ...
بس فى الاساس مش بسلم عليه عشان مصلحتى ...
و ده الى الراجل كان يقصده ...

[galilio_mad]

الحل جاي اهو
سؤال هسألو انت ليه متكونش اجتماعي ؟!!!
مصطلح اجتماعي بيضم حاجات كتير اوي وحاجات حلوه اوي
مثلا يعني في بداية يومك تبتدي بالابتسامه لنفسك تنزل من البيت تقول السلام عليكم وصباح الخير وكدا وتروح شغلك كدا بردو واما واحد يقابلك تسلم عليه وتقولو اخبار الدنيا ايه مثلا بردو

معالى الباشا , انا باعمل اللى حضرتك بتقوله , و متهم بنفس الاتهامات
مشكلتى ان الجواب عندى على قد السؤال و ماليش فى الرغى و الحوارات

و لما نفضت و قلت يا عم اللى يقول يقول , بعض المعارف اتهمونى بالسلبية
بصراحة انا مش فارق معايا و سواء كنت صح او غلط مش فارق محدش ليه حاجة عندى لان انا حاسس انى كده كويس و مقتنع ان اسلوبى صح

الاجتماعية اللى الناس عايزاها انك تقعد معاهم قعدة سمر , على قهوه , تنم و تذم فى الناس كده يعنى
انا باسمع تعبير من اصحابى , يقولك Socialize بمعنى خليك اجتماعى
بس هم قصدهم - و انا عارف و متأكد انه صح - كاريبيانو و الساحل و لاتيكس و ساكويا و سنجريا و السكك دى
بمعنى , خليك اجتماعى مع رواد الاماكن دى و اعمل زى ما بيعملوا عشان تدخل ال Society

و الناس حتعرف انا قصدى على ايه :)

[theking2690]

المشكله يا جماعه انى لما بأقف مع حد معرفوش مش ببقى عارف اتكلم فى ايه مش عارف افتح مواضيع و لو ربنى كرمنى و عرفت اتكلم معاه الاقينى فتحت موضوع كبيره كلمتين و رد غطاهم و نرجع ساكتييييييييييييين تانى اما بقى لو اتكلمت فى العربيات فى بعض الناس بتتخنق من الموضوع ده فبقيت اريح دماغى و اسكت و فعلا مش عارف حل للموضوع ده

[KHALED AYMAN]

المشكله يا جماعه انى لما بأقف مع حد معرفوش مش ببقى عارف اتكلم فى ايه مش عارف افتح مواضيع و لو ربنى كرمنى و عرفت اتكلم معاه الاقينى فتحت موضوع كبيره كلمتين و رد غطاهم و نرجع ساكتييييييييييييين تانى اما بقى لو اتكلمت فى العربيات فى بعض الناس بتتخنق من الموضوع ده فبقيت اريح دماغى و اسكت و فعلا مش عارف حل للموضوع ده

مصطفى حبيب قلبى ...
انا كنت زيك ..
بس الكلام ده من زمان ...
نزولى الشغل و كتر تعاملى مع الناس خلى عندى جرأه فى التحدث ..
و عندى معلومات عن مواضيع كتير اقدر اتكلم فيها مع اى حد ...
بس العربيات دى لو فتحت ف الكلام مش بفصل خاالص

[mahmoud_magdy]

للاسف فكر كتيييييييييييييير قوي قوي قوي من الناس دلوقتي
بس لمعلوماتك ممكن يكون ده نموذج ناجح في الزمن ده
بس للاسف ينقصه الصدق على الاقل مع نفسه .............. واكيد ده مش هيكون مريح ليه هو شخصيا .......... ممكن يكون مفيد
بس عشان نسميه صح منقولش عليه اجتماعي ............. تقدر تقول انتهازي متسلق ممكن منافق تمشي برضه
متزعلش مني ده وصف للسلوك اللي حضرتك وصفته .......... مش وصف ليك شخصيا طبعا
خصوصا اني دي اول مره نتكلم مع بعض ........ واعتقد ان انت مش كده عشان كتبت الكلام بالصراحه دي ............ اوعى تزعل :b4_611:

طبعا مش هزعل ولا حاجه
احنا مجرد بنتناقش
عاوز اوضح لحضرتك حاجه موضحتهاش
مش شرط الاجتماعي يكون انهازي ومنافق وخلافه في كتير ناس متربيه ومبتعرفش تنافق لكن الاجتماعيه في حد ذاتها مطلوبه في اوقات كتير
يعني لا قدر الله كن في موقف في مكان معين والمكان دا تعرف فيه شخص معرفه سطحيه اتقابلتو واتكلمتو مثلا وبقى فيه ود بينكم احتجت الشخص ده في الوقت ده أكيد هتجري عليه علشان يساعدك في ازمتك
بالعكس بقى لو حصل نفس الموقف في نفس المكان ولنفرض ان المكان دا بعيد جداااا يعني مجرد افتراض وانت متعرفش حد يا ترى هيكون تصرفك ازاي أكيد هيبقى في حل بس هيكون أسهل لو كنت اعرف الشخص ده مثلا
انا اقصد من الموضوع كلو ان مجرد التعارف بين الناس بيساعد في حاجات كتير حتى لو انا مش محتاج لشخص بيعينه
انما بقى ان يكون قصدي اني اتعرف على ناس علشان مصالح وعلشان اوصل لهدف مش هعرف احققو الا بيهم اظن ان دي مش اخلاق ولا تربيه
مثال : في الفلاحين مثلا الناس كلها تعرف بعضها وانا شفت بعيني الكلام ده اجتماعيين جداااااا ولو واحد عدى عليك عشرين مره كل مره فيهم هيرمي عليك السلام ودا لمجرد انهم في بلد واحده او جيران ودا طبع فيهم ومفيهوش اي مصلحه .
اتمنى ان يكون وجهة نظري وضحت

[mahmoud_magdy]

بخصوص قلة الكلام او كثره
في ناس محترفين في فتح مواضيع وبيتكلموا بجرأه بتعجبني جزء منهم مبيبقاش فاهم بيقول ايه اصلا وبيتكلم في أي حاجه
وجزء اخر بيكون مثقف واعي دارس الكلام اللي بيقولو والمواضيع اللي بيتكلم فيها
الحديث في موضوع او مواضيع بيجيي بالتدريج
عن نفسي كنت قليل الكلام ومازلت ودي ميزه ومبعرفش افتح مواضيع
لكن اغلب المواضيع اللي بفتحها بتكون في السيارات اقول على خبر مثلا قريتو وبنبدأ نتناقش وبعد كدا الموضوع يجر موضوع وهكذا
في مقوله بتقول : اذا كان الكلام من فضه فالسكوت من ذهب
كفايه ان الواحد مش بياخد ذنوب بكثرة الكلام على الناس

* موضوع الاجتماعيه شاغلني من فتره كبيره جدااا ومواضيع اخرى في شخصيتي
لكن اهو في تقدم مع ان الطبع غلاب

عفوا للاطاله
شكرا

[mahmoud_magdy]

في حاجه كمان عاوز اقولها
مجرد انك تدخل الموضوع ده وتتناقش مع الناس
وتتكلم معاهم وبيكون في أسلوب للحوار وعرض وجهات النظر
دي في حد ذاتها اجتماعيه
لما الواحد بيتكلم بيبدي رأيو وبيظهر شخصيتو
مش مهم حكم الناس عليك مش مهم كلامهم
المهم انت أكيد لما بتتكلم مع وتحس ان كلامك صح ووجهة نظرك ليها احترامها أكيد بتبقى مبسوط بنفسك
معلش طولت عليكم والله عندي كلام كتير
بس كفايه كدا مؤقتا :p