مش لاقى عنوان بجد خشوا شوفوا

[evoo90]

لازم تلطموا بجد
الخبر يستحق
من غير كلام ولت كتير ده قطار سريع جديد ى دبى


























ما اجمله مترو الانفاق
اعتقد يقصدوا انفاق جمع نافق
مش كده !!

[KSA2011]

عظيمه يا مصر يا راض المحن يا مهد الحضاره يا ارض الكرم
نيلك ده سكر مش عارف ايه معطر نيل الامم
عظيمه يا مصر
عنوان اهه يا ايفو
النهارده فى منتدى جزائرى واحد جزائرى متغاظ بيقول اذا كانت مصر ام الدنيا فالجزاير يمهات امها
بعد الكلمه دى مفيش كلمه تانيه تتقال

[Eng_Mostafa_89]

ياااااااااااااااااااااااااااااى
شكلة نضيف يا ايفوووووووووو
ههههههههههه
يا ابنى المترو لو نضيف فى مصر الناس مش هتركبة اصلا

[الغزالى]

تعالى احنا كمان ها يكون عندنا واحد جاهز فى المطارسنة 2012 بيربط المطارت ال3 ببعض

[نور القمر]

متحسرنيش على ايام الامارات يا ايفو

[تامر.محمد]

همممم , طب نلطم ليه ؟
مش جديد على دبي يعني

هناك المرور و المترو و البنية الاساسية كلها عالية جدا

احنا ممكن نلطم على نفسنا و على الاوضاع اللي احنا فيها
انما دبي مالهاش دعوة

[MoOoD]

يا جماعه بلاش إحباط بجد
عااادى ياعنى
ههههههههههههه

طيب الواحد يعمل ايه عشان البلد دى يتعدل حالها تانى ... ومقصدش السياسه ههه

[evoo90]

انتوا ماشفتوش صوره من بره يعد الردود دى لايمكن احط صوره من بره كفايه اقولكم انا اول ماشف شكله الخارجى افتكره سفينه فضاء ولا مطار فضائى

[hani945]

طيب ما كنا عملنا قطر زى ده وخلاص مش لازم المترو

لسه هنعمل نفق وبعدين الشوارع تنهار زى اللى حصل قبل كده

[SeiffoZ]

أنا شايف التعليقات على مصر ملهاش أى لازمة الحقيقة ...
مترو الأنفاق عندنا من 1988 .. يعنى بقاله شغال 21 سنة ... و ساهم بشكل كبير فى حل أزمة المرور لأنه شال كتير ... ثم عملو الخط التانى ...
و دلوقتى شغالين فى التالت ...
مصر أو دولة فى الشرق الأوسط تعمل مترو أنفاق بلا جدال! ..

مش فاهم إنتم عايزين إيه يعنى؟؟؟

[Ahmed Nouh]

دبى انطلقت بكل قوه فى طريق منافسه المدن الاوروبيه , مفيش مجال نقارنها بأى دوله فى الشرق الاوسط اساسا

مش القاهره بس , غير كدا كل الصور على فكره جرافيك عدا اخر صوره وواضح فيها انه تحت الانشاء

[نور القمر]

دبي دلوقت والامارات عموما اقتصادها في النازل لانهم فتحوا اوي بطريقة اوفر في الاعمار ومع الازمة الاقتصادية مقدروش يصمدوا
لما كنت هناك كنت بشوف مشاريع كتير واقفه بسبب قلة الموارد المادية
واصحاب شركات كتير فلسوا
يعني على سبيل المثال هناك العمارة اللي زي احلى عمارة فيكي يا مصر ومتكونش كملت 10 سنين تتهد ويتبني مكانها برج على الطراز الاوربي
منتهى البزخ والتبذير

[medo_2060]

دا اكبر دليل ان الفلوس بتعمل كل حاجه وبعدين انا شامم ريحه شماته على مصر انا حاسس اننا بقينا بنتعامل مع مصر زى العربيات الصينى بالضبط نتلككلها على اى حاجه ونعيب فيها مع انها مش وحشه دايما وبعدين القطر بتاع دبى دا اغلبه درجه اولى ومقاعد زى الطائرات انا شوفتها فى قناه دبى يعنى تذكره اغلى من التاكسى لو فى مصر ومع الناس الى بتتهرب من دفع التذاكر وتبوظ فى العربيات يبقى مينفعناش بصراحه

[pro_samir]

عظيمه يا مصر يا راض المحن يا مهد الحضاره يا ارض الكرم
نيلك ده سكر مش عارف ايه معطر نيل الامم
عظيمه يا مصر

نيل الأمم مين بس ههههه

بس جديدة الصراحة المفروض تتضاف فى موضوع "حاجات كنا بنسمعها غلط"

[محمد جلال]

أنا شايف التعليقات على مصر ملهاش أى لازمة الحقيقة ...
مترو الأنفاق عندنا من 1988 .. يعنى بقاله شغال 21 سنة ... و ساهم بشكل كبير فى حل أزمة المرور لأنه شال كتير ... ثم عملو الخط التانى ...
و دلوقتى شغالين فى التالت ...
مصر أو دولة فى الشرق الأوسط تعمل مترو أنفاق بلا جدال! ..

مش فاهم إنتم عايزين إيه يعنى؟؟؟

اؤيد كلام حضرتك بلاش نقارن يا جماعة لازم نفرق بين الامارات ومصر كدولتين لكلاً منهم ظروفها الامارات لم تكن على الخريطة كدولة صاحبة ثقل وبنيان عام 1988 بس الثروة البترولية لدى الامارات غيرت كتير تعداد السكان بها 2.900.000 نسمة ومساحتها شاملة الجزر 600ر83 ألف كيلو متر مربع مستوى الدخل بها مرتفع جداً جداً احنا 82.000.000 نسمة ومستويات الدخل متفاوتة واقتصادنا له ظروفه المعروفة وتكلفة المشروعات دى بتبقى خرافية يبقى يعملوا قطار سريع يعملوا اعلى برج فى العالم يعملو ديزنى ورلد حقهم ربنا يبارك لهم انشاء الله لما الاقتصاد يصحى من ثباته العميق نبقى نضبط كماليات زيهم وبرده الاخوة الافاضل بيتكلموا من دافع الغيرة على البلد مهما كان الاسلوب وشكرى للجميع .