بجد مشكلة عندى فى الكمبيوتر مش عارف اعمل فيها ايه

[Hacker5]

المشكلة يا جماعة ان النت بيقطع عندى انا بس
انا معايا جيرانى من العمارة و محدش بيحصل عنده القطع دة غير عندى انا و انا مأمن نفسى كويس من اى تروجانات او محاولة قطع من برامج قطع النت بتاعت الاطفال

و انا واثق ان مافيش حد بيقطع النت عليا و لدرجة ان طلعت عند جرانى عشان اتاكد ان مافيش حد عنده برامج قطع النت

و كمان فى حاجة غريبة
الراوتر مدينى الاي بى زاى الفل لكن نت مافيش

فى حد حصله كدة و عرف يحل الموضوع دة؟

[X_MM_X]

نزل الويندوز من جديد ان شاء الله المشكله تتحل معاك

[3mr Farrag]

اعمل ارجيه جديد....
ممكن يكون اللي عندك سلك فاصل منه

[الطنطاوي]

أولاً : هات لاب توب وجرب عليه النت في البيت
ثانياً : ثبت ال أي بي ما تخليش الجهاز هو اللي يحط ال اي بي ( مش اتو ماتيك )

وانا تحت أمرك

[Eng.Mohamed Amen]

بصراحه مش لاقى رد أقوله لاكن فكرت ولاقيت حل آخر

إنه يجيب جهاز آخر من صديق أو جاره ويجرب الموضوع لو إشتغل يبقى العيب عنده

فى ( كارت اللان _ الويندوز _ قطع فى السلك _قطع سلك من Pin اللى موجود فى الأرجيه ) لو كل ده سليم يبقى حاول تجيب جهاز تيست وجرب السلك على الجهاز .

ملحوظه :: التراب سبب فى عدم تلامس الأرجيه بالسوكيت::

ولو فى أى إستفسار أنا موجود

[Nader]

الحركة الغبية دي حصلت معايا من اسبوعين

تقريباً، انا عامل نتورك عندي في البيت فعن

طريق الغلط دخلت IP مكرر بعمل كونفليكت

والاب توب بتاعي بقت راسة الف سيف ما يدخل على

النت. طبعاً باقي الاحهزة كانوا شغالين، المهم عملت اللي

ما يعمل ومفيش امل اخر ما زهقت سلمت امري لله

ونزلت ويندوز جديدة وخلصت واشتغل عادي ابن الذين دة.

[ESO_POP]

من الاخر سيدى الفاضل المشكله دى لا هى مشكه سلك ولا كارت لان ولا ويندوز
دى مشكله ان حد بيستخدم نت كت على حضرتك
ودى مالهاش اى حل غير انك تستخدم انتى نت كت او Anti Arp
هما دول الحل ولو منفعوش عندى طريقه تانيه بس طويله شويه هى اللى هتخلصك من المشكله دى

[bee]

شوف يا استاذي
لو المونيتور بتاعت النت وورك الي بتبقي تحت على يمين التاسك بار عليها علامة X
يبقى كده السلك مش موصل حاجه وفي الحالة دي لازم تتكد من السلك والارجي

لكن لو منورة .. يا ريت تدوس عليها دبل كليك وتشوف send / Received

لو لقيت الـ Received 0

يبقى كده فيه احتمالات تتأكد منها :

1- الارجي يكون مش سليم ومش موصل.
2-طول السلك معدي 100 متر .
3-البورت الي في الراوتر (لو هو فيه سويتش) مهنج او لو سويتش منفصل وساعتها تغير مكان
الارجي بتاعك في السويتش وتجرب.
4-كارت الشبكة .. (لازم تغيره وتجرب) .
5-تتأكد من الاي بي و DNS و Gatewayلانه لو مش موجود او غلط النت مش هيشتغل.

عموما زي ما الاخوة الافاضل قالولك لو جربت جهاز تاني على نفس السلك ومن غير ما تغير حاجه واشتغل هتكون لغيت احتمالات كتير ومش هيكون باقي غير الكارت بتاع الشبكة والويندوز

جرب واحنا معاك

[Hacker5]

شكرا يا جماعة

1- السلك عندى فى اللان منور و فى السويتش منور يعنى علامة الشبكة مش عليها علامة X
2- كارت اللان عندى built in
3- رقم DNS محطوط و كل حاجة و انا بردوا جربت حاكيت الاي بى الثابت و برضو نفس المشكلة مافيش نت
4- لما النت بيقطع بيبقا Res اقل بكتير من ال Sent
5- السلك عندى مش مكمل 10 متر

بس انا هاجرب اجيب RJ تانى

شكرا يا جماعة :)

[X_MM_X]

طب جرب جهاز تاني عندك صحيح؟

[HeMa_LanCeR]

المشكله دي فيرس
وانا واثق منها كويس
وحاول تجرب برامج انتي فيرس
ولو مانفعش
يبقي للأسف لازم تفرمت الهارد كله

[Nader]

في فيرس جديد فعلاً لسة طازة من كان يوم

بينزل على الشبكات وكل وظيفتة انة بيقطع

الانترنت فاحتمال يكون عندك انا نسيت اسمة

حالياً، عموماً الفيرس دة بالذات شيلة بالكاسبر سكاي

ولو طلع عندك فعلاً ابقى شيل الكاسبر سكاي بعد كدة

لانة ملهوش لزمة "على قدة" بس بيقدر يكتشف الفيرس

الجديد دة!

[NaderNabil]

ياريت أول حاجة تعملها تجرب كومبيوتر تاني علي السلك بتاعك

تاني حاجة لو عندك كاسبر سكاي انترنت سكيوريتي ...هايعمل كده و أبو كده....انا فضلت معاني فترة شهر عقبال ما اكتشفت ان العيب منه....ممكن تستخدم ماسبر سكاي عادي (أنتي فايروس)

[pendodo2002]

لو كل الحلول اللي قال عليها الااخوه دي منفعتش بما فيهم برامج ال Anti Net Cut

يبقا الحل الوحيد انك تغير ال MAC بتاع كرت الشبكه
لو النت اشتغل يبقا تبصم بالعشره ان في حد هوا اللي قاطعك من على النت ببرنامج من اياهم

كمان حاجة ياريت تتأكد منها وهي انك تجرب تدخل على Safe mode with network وجرب تشغل النت .. لو اشتغل كويس يبقا دا فايرس ...

وجرب تعمل Ping للراوتر لو انتا واصل له هيكون في Sent/Recieved ... لو مش واصل (كابل مقطوع او فيه مشكله) هيبقا هيطلع لك timeout

تحياتي

[Hacker5]

انا فعلا لما يكون النت شغال بعمل ping على الروتر و بيبقى فيه sent و Resv
لكن لما النت بيقطع و اعمل بينج على الراوتر بيدنى Request Time out

و انا فعلا عندى كاسبر سكاى 2009 internet sceurity

و عملت سكان و مافيش حاجة الجهاز نضيف

طب و يا نادر اكتشفت ازاى ان الكاسبر هوا السبب و ليه بيقطع النت ؟
انا مش عايز اغيره لانه تقريبا احسن حاجة دلوقتى