"عيادة طب الاطفال للإستشارة " الجزء التانى

[د.محمود صلاح]

لا تقلق مجرد التوقف عن الدواء . جدار المعدة يجدد خلاياه دوما وان شاء الله خير

[rosebox]

الرضاعة الطبيعية المطلقة كلما طلب واراد ، تعرفي انه شبع بأنه يترك الثدي بمفرده وينام

موقع محترم للرضاعة الطبيعية
breastfeeding - breastfeed
شاهدي الفيديوهات

متشكرة جدا يا دكتور على اهتمامك و ردودك الوافية و اسفة مرة تانيه على التأخير

[Amr_MO]

لا تقلق مجرد التوقف عن الدواء . جدار المعدة يجدد خلاياه دوما وان شاء الله خير

جزاك الله خيرا يا دكتور واشكرك على الافادة

سؤال اخر اذا سمحت ابني دلوقتي داخل على الشهر السابع ان شاء الله وسؤالي بالنسبة للأكل هل ينصح باضافة الملح الى الاكل الخاص به ولو بنسبة بسيطة جدا لتزويده باليود ولا ممنوع اضافة الملح دلوقتي الى الاكل؟

سؤال اخر هما بياخدوا حاليا جرعات يومية من دواء فيدروب للكالسيوم ودواء سانسوفيت علشان الحديد ولكن لاحظت انهم لحد الان محصلش تسنين غير ان اللثة بدأ يظهر فيها لون الاسنان الابيض من الداخل ولكن لسة في مسافة بين السنة وبين طرف اللثة من الاسفل (بالنسبة للفك العلوي) فهل هناك سبب لتأخير التسنين وبرضه بالنسبة لموضوع الزحف فهي معدومة برضه يعني لحد دلوقتي ميقدرش يزحف او يتحرك يادوب بيرفع راسه ووسطه للأعلى قليلا لما بيخليه ينام على بطنه فهل في علاج او تمارين او للموضوع ده

ولك جزيل الشكر

[د.محمود صلاح]

زود الملح قليل عشان لا يكون عرضة لارتفاع الضغط مستقبلا لا قدر الله ..

لا داعي لأي إضافات او ادوية او كيماويات نهائي فقط اهتم بتغذية الطفل ولا تقلقل من تاخر التسنين فممكن للطفل الطبيعي ان يبدأ من الشهر السادس وحتى الشهر ال 12 عادي ,

بالنسبة لتطور الطفل البدني والعقلي ففي سن السابعة المفروض يجلس بمسند ويتقلب من الظهر للبطن ويسند راسه كويس لو حطيته على بطنه ، وطبعا كل دي تسير في معدلات range تختلف من طفل للآخر

[Abo Yasso]

السلام عليكم د محمود
ابنى يبلغ من العمر 13 شهر
من حوالى 4 شهور بدأ ظهور احمرار بالوجه على الخدين تذداد جدا بعد الاستحمام وعند الاستيقاظ (لآنه دام النوم على البطن )من النوم
ارجوا الافاده مع جزيل الشكر

[د.محمود صلاح]

السلام عليكم د محمود
ابنى يبلغ من العمر 13 شهر
من حوالى 4 شهور بدأ ظهور احمرار بالوجه على الخدين تذداد جدا بعد الاستحمام وعند الاستيقاظ (لآنه دام النوم على البطن )من النوم
ارجوا الافاده مع جزيل الشكر

وعليكم السلام ورحمة الله وبركاته
غالبا دي حساسية atopic dermatitis وارجو عرضه على دكتور جلدية

[Amr_MO]

شكرا جزيلا لك يا دكتور على النصيحة والافادة وانا اسف اذا كترت عليك بالاسئلة لأن مفيش حد ثقة بصراحة اساله

اذا حضرتك تسمح بالنسبة للأكل الاطفال في العمر ده والفترة المقبلة ايه هي نوعية الاطعمة الي اركز عليها اكتر من غيرها او حضرتك تنصحني فيها علشان الاولاد يستفيدوا منها كفيتامينات ومعادن وغيرها، هما عندهم 7 اشهر دلوقتي

وسؤال تاني معلش، عندي واحد منهم لما كان عنده شهرين لاحظت ان احدى العينين فيها زي سرحان بسيط كدة للخارج بمعنى انه لما يكون بيبصلي مباشرة في خط مستقيم الاقي العين اليمنى مش بتبص في نفس الاتجاه وبتبص للخارج مش لناحية الانف بعدها بشهر تقريبا الحاجة دي اختفت تماما وبقت العينين زي بعض، دلوقتي لاحظت ان الحكاية دي رجعتله تاني وفي نفس العين برضه اليمنى، هل ده نتيجة نقص فيتامينات معينه او عيب معين او ليها علاج، هل ده الي بنقول عليه ضعف في عضلات العين او خلافه وازاي اقدر اعالج الحاجة دي من دلوقتي منعا لتطورها مستقبلا ياريت حضرتك تطمني رجاء وتنصحني بايه وشكرا لك مرة اخرى

[rosebox]

دكتور معلش كترت عليك فى الاسئلة انا عارفه
ابنى عنده تقريبا شهرين و نص و بيشرأ كتييير قوى قوى و برضعه فى وضع قريب من 90 درجه و بملا راس الببرونه و مع ذلك مفيش فايده
هل تنصح بمخده تحته و هو نايم فى السن ده؟ و هو صحيح الراس ممكن تاخد شكل نومته يعنى لو بنيمه على الجنب اليمين ياخد الشكل ده؟
الغازات يا دكتور مفرتكه بطنه ايه الحل؟
التكريع .... هم بالليل و مذلة بالنهار بيتكرع بصعوبه جدا جدا و هو كمان بيحاول يتكرع انما برضه مفيش فايده.... ايه الحل؟

[د.محمود صلاح]

شكرا جزيلا لك يا دكتور على النصيحة والافادة وانا اسف اذا كترت عليك بالاسئلة لأن مفيش حد ثقة بصراحة اساله

اذا حضرتك تسمح بالنسبة للأكل الاطفال في العمر ده والفترة المقبلة ايه هي نوعية الاطعمة الي اركز عليها اكتر من غيرها او حضرتك تنصحني فيها علشان الاولاد يستفيدوا منها كفيتامينات ومعادن وغيرها، هما عندهم 7 اشهر دلوقتي

وسؤال تاني معلش، عندي واحد منهم لما كان عنده شهرين لاحظت ان احدى العينين فيها زي سرحان بسيط كدة للخارج بمعنى انه لما يكون بيبصلي مباشرة في خط مستقيم الاقي العين اليمنى مش بتبص في نفس الاتجاه وبتبص للخارج مش لناحية الانف بعدها بشهر تقريبا الحاجة دي اختفت تماما وبقت العينين زي بعض، دلوقتي لاحظت ان الحكاية دي رجعتله تاني وفي نفس العين برضه اليمنى، هل ده نتيجة نقص فيتامينات معينه او عيب معين او ليها علاج، هل ده الي بنقول عليه ضعف في عضلات العين او خلافه وازاي اقدر اعالج الحاجة دي من دلوقتي منعا لتطورها مستقبلا ياريت حضرتك تطمني رجاء وتنصحني بايه وشكرا لك مرة اخرى

ارجو الكشف عند دكتور عيون كويس عشان لو في حاجة تتعمل في وقتها يكون افضل ، التغذية السليمة 3 وجبات مع الرضاعة الطبيعية كلما اراد والوجبات دي مهروسة طبعا خضروات ارز فواكه ، وبلاش البان الابقار ومنتجاتها والتمر والعسل والبيض لحد ما يكمل سنة

[د.محمود صلاح]

دكتور معلش كترت عليك فى الاسئلة انا عارفه
ابنى عنده تقريبا شهرين و نص و بيشرأ كتييير قوى قوى و برضعه فى وضع قريب من 90 درجه و بملا راس الببرونه و مع ذلك مفيش فايده
هل تنصح بمخده تحته و هو نايم فى السن ده؟ و هو صحيح الراس ممكن تاخد شكل نومته يعنى لو بنيمه على الجنب اليمين ياخد الشكل ده؟
الغازات يا دكتور مفرتكه بطنه ايه الحل؟
التكريع .... هم بالليل و مذلة بالنهار بيتكرع بصعوبه جدا جدا و هو كمان بيحاول يتكرع انما برضه مفيش فايده.... ايه الحل؟

شوفي الفيديو ده
Breastfeeding Positioning and attachment - YouTube

الغازات طبيعي لا تقلقي منها الراس شكلها بيتعدل كلما يكبر

[rosebox]

دكتور انا عارفه انى غلبتك معايا بس يمكن اكون مش عارفه اوصف الحاله صح
الولد مبيعرفش ياخد نفسه و انهارده حصل انه معرفش ياخد نفسه من ما بيكون بيرضع و لا حاجه
الولد كان اصلا مولود بيخنفر و هو نايم
من فترة كده واحده زارتنا و حاطة بارفان تقيل و فضلت حاضناه ييجى ساعة و نص تانى يوم بالضبط جاتله ازمه لا عرف لا يرضع ولا يتنفس و رعبنى جدا جرينا بيه على الدكتور كتبله على قطره لايس و اذا الحاله زادت كتبله على بخاخه مش فاكره اسمها قالنا دى من املاح البحر زى لايس كده بس اقوى
المهم بقيت احطله لايس فى السراء و الضراء قبل الاكل و بعده و الحاله مستقره بس خنفره بالليل و بالنهار. يمكن الشرقه اللى اقصدها انه فجأ مبيعرفس بتنفس و هو بيرضع فأنفخ فى وشه بسيط يقوم يتشنج سنه كده و بعدين يرجع يتنفس تانى. انهارده بقى حصل ده من غير ما بيكون بيرضع و لا حاجه. انا قلقانه لتكون بوادر حساسيه. اعما ايه؟
الولد بيطلع لسانه كتير يا ترى ده علامه على حاجه؟
الولد اتولد بالصفرا فالدكتور كتبله على دوا كده فيه سيليمارين وقالنا نوقفه بعد 5 ايام تقريبا و بيبى فيت و ده قالنا لما تخلص العلبه هل اجيبهاله تانى عشان المناعه و خلافه؟
دكاتره كتير بيتكلموا عن اهمية المايه اديله مايه؟ هو عنده شهرين و نص.

شكرا لإفادتك لينا

[د.محمود صلاح]

لا تعطيه ماء ولا تعطيه اي شيء غير الرضاعة الطبيعية والسيلمارين مالوش اي لازمة في الصفراء الوليدية وقطرة الانف محلول ملحي كويسه مع شفاط الانف الصغير اللي بيتباع في الصيدليات ، دكتور الاطفال بيعالج قلق الام فقط . و 3/4 الطب في مصر تحشيش وفتي زي صنايعية العربيات كده ما بيفتوا وعلى اعلى مستوى فالرجاء مراجعة مواضيع طفلك في المواقع الطبية الاجنبية المبسطة المضمونة واستخدمي ترجمة جوجل ان اردتي

[rosebox]

لا تعطيه ماء ولا تعطيه اي شيء غير الرضاعة الطبيعية والسيلمارين مالوش اي لازمة في الصفراء الوليدية وقطرة الانف محلول ملحي كويسه مع شفاط الانف الصغير اللي بيتباع في الصيدليات ، دكتور الاطفال بيعالج قلق الام فقط . و 3/4 الطب في مصر تحشيش وفتي زي صنايعية العربيات كده ما بيفتوا وعلى اعلى مستوى فالرجاء مراجعة مواضيع طفلك في المواقع الطبية الاجنبية المبسطة المضمونة واستخدمي ترجمة جوجل ان اردتي

شكرا لك يا دكتور على اهتمامك و ردودك الوافيه
ممكن حضرتك تدينى بعض هذه المواقع؟

[د.محمود صلاح]

Babies Online - Baby, Pregnancy, & Parenting
Two-Month-Old Care-Your baby's health and development | Babble

[rosebox]

Babies Online - Baby, Pregnancy, & Parenting
Two-Month-Old Care-Your baby's health and development | Babble

بجد الموقعين كويسين جدا babble.com رائع جدا
متشكره جدا على افادتك ليا بالمعلومات دى