المانيا بطل العالم ... الف مبروك ... ووداعا لقسم كأس العالم

[Mahmoud.Fathy]

مبروك لمنتخب المانيا الرائع .... كان يستحق لقب بطولة 2010 وخسرها في قبل النهائي اما المحظوظة اسبانيا ... وفي البطولة دي كسب البرتغال وفرنسا والبرازيل والارجنتين ... وعنده هداف كاس العالم التاريخي ميروسلاف كلوزه ... وعنده اصغر هداف في بطولة العالم توماس مولر ... اكثر منتخب لعب نهائي في التاريخ 8 مرات ... اول منتخب اوربي يكسب البطولة على ارض امريكا اللاتينية ... اكثر منتخب في العالم وصل المربع الذهبي ....

المانيا تستحق اللقب عن جدارة ...

وشكرا لمنتخبات الارجنتين وهولندا على المباريات الممتعة ولا عزاء للبرازيل المذلولة

الي اللقاء في روسيا 2018 بمشاركة مصرية باذن الله تعالي

[M R. Z E C O]

الف مبروك وعقبالنا

[J A G U A R]

الف مبروك لالمانيا ويستحقوها عن جداره

وبجد انا قضيت فتره جميله وممتعه جدا فى القسم ده

[S O P H O S]

بصراحة من الاول وانا بقول تستحقها
ومتش كان رائع
مبرووك

[mahmoud_ali]

منتخب يستحق الجداره والاحترام فعلا وانا من اول المونديال قولت يا المانيا يا هولندا

[egyptiandiver]

الف مبروك لالمانيا

[kantofanto]

الماكينات الالمانية حسمت الماتش و تستحقها بجدارة و أنا من اول المؤيدين لالمانيا ، الف مبروك لها و عقبال مامصر تخش كأس العالم.

[OmarAdel98]

قال يعني احنا مكناش نعرف ان المانيا اللي هتاخدها؟
من ماتش البرازيل و البطولة محسومة

[omaranes77]

nooo
argantina
nooo

[omaranes77]

respect

[dodo2000]

لو النهائى كان المانيا و هولندا كان الماتش هيبقى احسن من كده انما الارجنتين رخمت على هولندا و كملت رخامة فى النهائى و كمالة الرخامة و عدم الواقعية ان ميسى ياخد احسن لاعب بجد بجد روبن اتظلم فى الجايزة دى

[dede_dodo88]

ألمانيا خطفت الماتش من الأرجنتين.
الأرجنتين كانت تقدر تخلص الماتش بدري بدري لو عندها مهاجم واحد بس عِدِل بدل العاهات هيجوايين و أجويرو و بالاسيو.
و للأسف دي ماريا غاب في أهم ماتش الفريق كان محتاج له فيه..
ميسي من أهم أسباب خسارة الأرجنتين بسبب فرديته المبالغ فيها و مجهوده البدني المتواضع جداً..

للأسف هضطر أنتظر كمان 4 سنين عشان أعيش على حلم جديد لفوز الأرجنتين بكاس العالم..

[Forever.Leo]

البطولة دي لخصت مستوى الكورة في القارات الخمسة !

كل الفرق الآسياوية .. خرجت في دور المجموعات
كل الفرق الافريقية .. خرجت في دور 16
كل فرق الكونكاف .. خرجت في دور 8
و في دور 4 .. ثلاث انتصرات لاوروبا .. مقابل فوز واحد للارجنتين على هولندا بركلات الترجيح !

[ibrahim sallam]

نشكرك ياباشمهندس على مجهودك بالقسم لك كل الشكر والتحيه.

ياريت قبل ما تقفل القسم بما انك مغرم بالكوره زي ما وضح الاستاذ كريم قبل كده

ياريت اهم لقاءات كاس العالم سنة70 و82

ولا صعب هههه

[S O P H O S]

لو النهائى كان المانيا و هولندا كان الماتش هيبقى احسن من كده انما الارجنتين رخمت على هولندا و كملت رخامة فى النهائى و كمالة الرخامة و عدم الواقعية ان ميسى ياخد احسن لاعب بجد بجد روبن اتظلم فى الجايزة دى

انا معاك روبن بصراحة هو الي يستحقها
وهولندا كانت الاجدر لكن هي دي الكورة