ما هو الimmobilizer..للمتشككين والمقبلين على الشراء.

**hossameid** · 13-12-2008 02:41 AM

ألسلام عليكم ورحمة الله وبركاته,

من التصفح فى هذا المنتدى الجامد لاحظت عدد كبير لا يعلم ماهو الIMMOBILIZER والبعض الاخر غير مقتنع بأنة يحول دون سرقة السيارة فقررت عمل موضوع بسيط لتوضيح المسائل.

أولا: التعريف
الIMMOBILIZER عبارة عن security system بين المفتاح و الengine management ECU, حيث يحمل كل منهم كود معين يتم المطابقة بينهم عند بداية تشغيل المتور(ignition start) ولا يعمل المتور الا فى حالة التطابق.

ثانيا: كيفية العمل
فالبداية كان الموضوع بسيط نوعا ما بحيث يقوم المصنع بتخزين كود على المفتاح و نفس الكود على ال ECU وعند بداية التشغيل يقوم المفتاح ببث الكود عن طريق RF للECU ويقوم بالمطابقة, ولاكن هذا النظام كان يمكن خرقه,أى حد معاه digital scanner وانت بتدور العربية ممكن يقراء الكود ويعمل مفتا زى اللى معاك, لو شوفتو فيلم gone in 60 seconds فالمشهد اللى كانو بيختارو العربيات اللى حيسرئوها كان معاخم الجهاز ده.
أما الان فالعملية اصبحت معقدة جدا ودخلوا فيها الencryption بمعنى ان الكود اللى على ECU اصبح يتغير مع كل محاولة لتدوير المتور والكود اللى بيتبعت من المفتاح اصبح مشفر وبرده هو كمان بيتغير مع كل محاولة لتدوير الموتور,وبكدة اقدر أأول أن سرقة عربية فيها النوع الجديد من الIMMOBILIZER مـسـتـحـيـله لانة ببساطة لو الكود غير مطابق الECU بيغلق طرمبة البنزين و المرش و المتور :-)

ثالثا: هل نسطيع تركيبه فالسيارة
لا ماينفعش,الموضوع لازم يكون من المصنع

رابعا: ماذا أفعل لتجنب السرقة وليس بسيارتى IMMOBILIZER

أدعى ربنا متتسرئش.

دة باختصار شديد نبذة عن الموضوع ,اتمنى يكون حد استفاد منه وانا جاهز لأى استفسارات.

**dr.nemo** · 13-12-2008 02:59 AM

متشكرين جدا ياباشا على المعلومات المفيدة دي
لكن هو مش ممكن يتركب حتى في التوكيل؟ ولماذا؟
وما هي السيارات اللي بتيجي فيها النظام ده؟
وما تكلفته تقريبا؟

**hossameid** · 13-12-2008 03:11 AM

المشاركة الأصلية كتبت بواسطة nemo1987

متشكرين جدا ياباشا على المعلومات المفيدة دي
لكن هو مش ممكن يتركب حتى في التوكيل؟ ولماذا؟
وما هي السيارات اللي بتيجي فيها النظام ده؟
وما تكلفته تقريبا؟

لا مش ممكن يتركب فالتوكيل علشان النظام مرتبط بhardware لازم يتزود فالعربية وتغيير برمجة الECUs زى كدة مينفعش تركب فعربيتك ABS wala airbags wala ESP فالتوكيل

السيارات المزودة على حد علمى البسيط هم:-
الميجان
تيدا
يارس فل وبشن
لانسر 1600
كورولا
بونتو
بى ام
مرسيدس
سيينا
كل الVW الجديد
تقريبا كل السيارات الاوروبية بيبئها فيه لانة اصبح standard فاوروبا

**dr.nemo** · 13-12-2008 03:30 AM

:k10::k10::k10:Thank U:k10::k10::k10:

**THETOP** · 13-12-2008 03:50 AM

اضيف عليهم دول كمان

الهوندا سيفك

الهوندا سيتى

الهوندا اكورد

موضوع هايل ومفيد جداً

جزاك الله خيرا

**Ahmed REDA** · 13-12-2008 03:54 AM

جين 2
واجا 2
بيرسونا
فيهم IMMOBILIZER بردة

اعتقد ان في بتوع مفاتيح دلوقتي بيعرفوا يضربو المفاتيح المشفرة دلوقتي

**hossameid** · 13-12-2008 04:17 AM

THE TOP: جزانا زأياكم وشكرا عالاضافة

Ahmed REDA : حضرتك بتتكلم على فتح الابواب ودة مافيهوش مشاكل ممكن المفتاح يتعمل عليه ويتم عمل نسخة من الكود أما عشان يدور العربية استحالة لو فيها هيموبليزر

nemo1987 : العربيات اللى فيها هذا النظام بيتلائى فى لمبة فالتبلوة على رسمة مقتاح او code بعد التدوير اللمبة بتطفى