كورولا جنوب افريقيا، اسم يابانى ودماء أوروبية

[sab3aawy]

ملحوظة غريبة جدا انا لاحظتها على السيارة الكورولا وارد جنوب افريقيا

يعنى بالمقارنة مثلا بالسيارة الصنى المجمعة محليا والتى كانت كل اجزائها مكتوب عليها انها صناعة يابانية ومن شركات صناعات مغذية يابانية معروفة مثل بريدجستون، ميستوبشى، هيتاشى، دنسو ...الخ وكلها مصنعة فى اليابان

اما بالنسبة للكورولا فكل الأجزاء الموجودة بها اولتى استطعت ان اعثر لها على ماركة و/او بلد صنع وجدت انها اوروبية صرفة

بداية من الإطارات: ميشلان صناعة المانية
الفرامل: بوش صناعة ألمانية
الأجزاء الكهربية خارج المحرك: فاليو صناعة فرنسية
الفوانيس: هيللا صناعة ألمانية
وامثلة اخرى
حتى حساسات المحرك ووحدة كومبيوتر المحرك والتى تحمل اسما يابانيا شهيرا "دنسو" فانها كلها-بما فيها كومبيوتر المحرك-مصنعة فى اسبانيا

بالنسبة لى كانت هذة المسالة غريبة الى حد ما فرغم ان كل مكونات السيارة قادمة من افضل ماركات العالم ومن دول غرب اوروبا لكن ما اثار اهتمامى حقا هو تنازل اليابنيين عن فكرة انهم يشتروا مكونات يابانية للسيارة وينفعوا ابن بلدهم

واضح ان العولمة مسابتش حد فى حاله :) وللا يا ترى جنوب افريقيا عندها مميزات جمركية مع دول اوروبا

[kareemhisham]

طبعا دى اخبار جميلة جدا و انا بصراحة مكنتش واخد بالى منها :)

بس هو السبب فى دة .. ممكن يكون عشان يقللوا قيمة الشحن ..

او ممكن مثلا انهم عايزين يجيبوا افضل الاشياء للكورولا مخصوص .. بذات انها اهم عربية عندهم و الاكثر مبيعا على مر التاريخ ..

[Imhotep]

تكلفة الانتاج و التصنيع فى اليابان اصبحت عالية جدا لان الين عملة قوية و العامل اليابانى تكلفته عالية و بالتالى تكلفة المنتج ستصبح عالية حدا بعد تحميل كل هذه التكاليف على سعره..... من هنا اصبح شراء هذا المنتج من مٌصنِع اخر خاصة مع تعاقدات لشراء ملايين الوحدات لخطوط انتاج بالملايين، اصبح هذا مجديا اكثر على مستوى الحسابات الاقتصادية للتكلفة و العائد.....

[Dr_Smart]

تكلفة الانتاج و التصنيع فى اليابان اصبحت عالية جدا لان الين عملة قوية و العامل اليابانى تكلفته عالية و بالتالى تكلفة المنتج ستصبح عالية حدا بعد تحميل كل هذه التكاليف على سعره..... من هنا اصبح شراء هذا المنتج من مٌصنِع اخر خاصة مع تعاقدات لشراء ملايين الوحدات لخطوط انتاج بالملايين، اصبح هذا مجديا اكثر على مستوى الحسابات الاقتصادية للتكلفة و العائد.....

بس لو كان الأمر كذلك كان من باب أولى انها تصنع القطع دي في دول اسيويه زي الصين وماليزيا

لكن هل الكورولا الياباني فيها نفس هذه القطع الاوروبيه ؟

[kareemhisham]

لكن هل الكورولا الياباني فيها نفس هذه القطع الاوروبيه ؟

دة السؤال العايزين حد من ملاك الكورولا الخليجى يرد عليه ..

[محمد محمد]

برده تيل الفرامل هتلاقي الأمامي مكتوب علي العلبة بتاعته صنع في فرنسا والخلفي صنع في جنوب افريقيا او العكس مش فاكر بالظبط.

[Imhotep]

بس لو كان الأمر كذلك كان من باب أولى انها تصنع القطع دي في دول اسيويه زي الصين وماليزيا

لو كانوا عملوا كده كانت سمعة و صورة الكورولا هتتهز فى عيون مستخدميها فى كافة ارجاء العالم و هتنزل درجة او اكثر مما هى عليه حاليا..... لكن لما تبقى هى السيارة اليابانية الاكثر مبيعا، و تحتوى على الكثير من القطع الداخلية من افضل المصنعين عالميا- و بالتحديد من مصانعهم فى اوروبا الغربية المعروفة بانظمة رقابة الجودة الصارمة كما لاحظ سبعاوى- و ليس من مصانع لنفس المصنعين قد تكون مثلا فى دول اوروبا الشرقية او حتى بعض دول جنوب شرق اسيا..... فده بيحسسك ان السياره سواء فى اساسياتها او فى الكثير من الاجزاء المكونة لها انما هى تجميع لافضل العناصر الممكنة لكافة المصنعين.....
و ده كمان يفرق اكتر مع الزباين اللى "بتنخور" ورا المنتج اللى بتشتريه و تفصصه حته حته..... زى سبعاوى......ههههههههههه

[horas3000]

حضرتك مصنع جنوب افريقيا اغلب انتاجة بيروح اوروبا اصلا و طبعا الاوروبين معروفين بولائهم الشديد لمنتجات بلادهم. فاسم تويوتا بمكونات بلادهم تبقي تركيبة مغرية ليهم. انا شايف ان ده ذكاء من اليابنيين لان في الاخر الربح رايح لهم

حضرتك مصنع جنوب افريقيا اغلب انتاجة بيروح اوروبا اصلا و طبعا الاوروبين معروفين بولائهم الشديد لمنتجات بلادهم. فاسم تويوتا بمكونات بلادهم تبقي تركيبة مغرية ليهم. انا شايف ان ده ذكاء من اليابنيين لان في الاخر الربح رايح لهم

عندك حق

[M.Osman]

حاجة غريبة فعلاً لأن اليابان مشهورة بجودة صناعتها
و في نفس الوقت ممكن تكون اصلاً الصناعات المغذية للسيارات في اليابان توقفت نظراً لتلكفتها (؟) و شافوا ان موضوع الـoutsourcing هيكون مفيد اكتر للطرفين ؟؟
ممكن تويوتا مش عايزة تتنازل عن مستوى معين لم يعد موجود في الصناعة اليابانية ؟؟
بصراحة حاجة تحير ..
(؟)