عضو جديد ومحتاج اقرر

**Pink_Waters** · 24-12-2007 03:02 AM

جين2 1.6 F/o M/t
ياريس 1.3 F/o M/t
نوبيرا 1.6 Sx F/o M/t
كليو 1.4 F/o M/t
اوبترا 1.6 M/t
فيات جراند بونتو 1.4 M/t
هوندا سيتي 1.3 F/o M/t

ما يهمنى هو:
الشد والتجميع
متعة القيادة
الكماليات
الفخامة
الثبات
الجودة

**Anti_virus_abdo** · 24-12-2007 03:57 AM

هي الجين 2 فيها كل الي قلته عدا الجوده
فعشان كده ارشحلك هوندا سيتي
و برضه الياريس في نفس المستوي

**Ahmed Anwer** · 24-12-2007 04:23 AM

اعتقد كل اللي قولته متجمع في الجراند بونتو ،،

عربية روعة لو شوفتها علي الحقيقة ،،

بس مشكلتها في توكيلها الفاشل ،،

**tutankhamoun** · 24-12-2007 11:03 AM

المشاركة الأصلية كتبت بواسطة Anti_virus_abdo

هي الجين 2 فيها كل الي قلته عدا الجوده
فعشان كده ارشحلك هوندا سيتي
و برضه الياريس في نفس المستوي

حضرتك تقصد أيه بالجودة ؟؟؟؟؟
هو علشان مستوى التابلوه ........ تخلي العربية جودتها وحشة ؟؟؟؟

عموما بالنسبة لسؤال بينك وواترز

الجين 2 متنفعش في سواقة وسط البلد كتير ........ و الأفضل عربية 1300 علشان توفر معاك في البنزين
أما لو معظم مشاويرك على طرق فيها جري و سرعة يبقى الجين 2 تاكل كل العربيات موضع المقارنة

و أنا عن نفسي أرشحلك
هوندا سيتي أو ياريس لمشاوير وسط البلد

و جين 2 للمسافات الطويلة

جين 2 سحب عالي في الجري و قوة فظيعة ........... جودة في التقفيل العام ممتازة
تقفيل التابلوة ممتاز .......... خامات مستخدمة في التابلوه ...... عاديه جدا و مصنوع من بلاستيك رخيص ......... عدا ذلك لا شئ أخر يعيب السيارة
و لو محتاج أي معلومات عن السيارة الجين 2 أنا تحت أمر حضرتك

**Karim_Monir** · 24-12-2007 11:10 AM

المشاركة الأصلية كتبت بواسطة Ahmed Anwer

اعتقد كل اللي قولته متجمع في الجراند بونتو ،،

عربية روعة لو شوفتها علي الحقيقة ،،

بس مشكلتها في توكيلها الفاشل ،،

لاء الجراند بونتو موتورها ضعيف
1400 بيطلع 77 حصان وكامه واحدة -8 صباب

**makram555** · 24-12-2007 12:33 PM

هي الجين دي صناعه ايه عايزين ان امكن فكره عنها خصوصا النوع اللي موجود بمصر

**tutankhamoun** · 24-12-2007 12:51 PM

بص يا باشا أنا مقولتش إن العربية أحسن عربية في الكون
أنا بقولك العربية عيبها الوحيد ........ و لم أعرفه قبل أن أشتري
أنها لا تصلح لمشاوير وسط البلد عموما و تصلح لمشاوير طوالي
و أنا نظرت على تقييم العربية على الموقع whatacar
ليس كل التقييمات يتم الأخذ بها ........ لأن هناك بعض التقييمات التي تعتمد على طبيعة بريطانيا و التي تختلف عن طبيعة مصر مثل شريحة التأمين التي تدخل فيها السيارة و موضوع اعادة البيع الذي يختلف كليا و جزئيا عن مصر

بالنسبة لتقييم الموقع سأحلله نقطة نقطة و أشرح لك تجربتي الشخصية مع السيارة :
أولا من ناحية الأداء
السيارة حصلت على نجمتين في تقييم الموقع المذكور
أولا بريطانيا أغلب الطرق هناك محكومة من ناحية السرعة و مفيش العك اللي موجود في مصر ........ و العربية لا تعطيك أداء ممتاز إلا لما تعلى بسرعات الموتور في الدقيقة الواحدة أعلى من 3 على عداد ال RPM
يبقى العربية مش عملية على الاطلاق في وسط البلد و على السرعات المنخفضة
من ناحية الركوب و التعامل مع السيارة حصلت على 3 نجمات و هذا جيد نظرا للثبات العالي للسيارة في السرعات العالية ( صممت لتعمل على سرعات عالية) و الثبات أكثر من ممتاز في المنحنيات على سرعات عالية
و تشعر بقوة السيارة و قوة تحملها
بالنسبة للتقييم الثالث refinement و هي واخدة نجمة واحدة

عزل كابينة السيارة أنا أعطيه 3 نجوم و ليس نجمة واحدة و خلي بالك إن كان في موديلات قبل 2007 و كان فيها مشاكل في التقفيل و لكن تم تلافي المشاكل في موديل 2007 و تم تلافي المشاكل نهائيا في موديل 2008 مع اضافة أشياء إلى السيارة مثل تقوية المحرك ....... و اضافة مشغل ام بي ثري إليه بدلا من أوديو فقط

و بص على تقييمات الناس اللي راكبها على الوصلة دي
http://www.whatcar.co.uk/car-review-...spx?RT=688&U=0
و بأكرر نصيحتي لك مرة أخرى
إذا كنت تقود السيارة داخل المدينة كثيرا أبعد عن الجين 2 و أي عربية 1600
و خليك في حاجة 1300 ........ علشان السواقة في وسط البلد في مصر بقيت مستحيلة فميبقاش موت و خراب ديار !!!!!!!!!!

و لو العربية عجباك أتكل على الله و أشتريها لو ما بتسوقش في وسط البلد كتير

**tutankhamoun** · 24-12-2007 12:53 PM

المشاركة الأصلية كتبت بواسطة makram555

هي الجين دي صناعه ايه عايزين ان امكن فكره عنها خصوصا النوع اللي موجود بمصر

شركة بروتون شركة ماليزية و ليس لها مصانع خارج ماليزيا على حد علمي
و بالنسبة لسؤال حضرتك الجين 2 صناعة ماليزي و تم تصميمها مع شركة لوتس الإنجليزية و التي مملوكة لشركة بروتون الماليزية