امتى يتقال انك قارص على الموتور؟

[ahmed]

يعنى يا جماعه امتى يتقال انى بحرق على الغيار ان كده غلط على الموتور


يعنى على كام rbm المفروض انى اغير لو الموتور 1500 ولو 1600
وشكرا جزيلا

[شاهين - بنز]

لحد Rpm 3 ده الطبيعي بعد كده يبقى بتحرق على المتور

[أبوسيف]

الطبيعى انك بتغير ما بين 2.5 و 3.5 بعد كدة يبقى حرق وبيحصل فى حالات الطوارئ فقط.

[ahmed]

شكرا يا جماعه (طيب حد يعرف يعنى ايه تفتيح الموتور)

[memo_hefnawy]

هو 2.5 أو 3 ده فى معظم العربيات لكن مش كلها

الطبيعى و عشان تاخد أفضل أداء من العربية و من غير ما تستهلك بنزين زيادة أو تيجى على حساب عمر المحرك الإفتراضى

إنك تنقل عند أقصى عزم للموتور

فى عربيات أقصى عزم على 4 و فى عربيات على 3 و بيختلف من عربية لأخرى

(أقصى عزم وليس أقصى قوة)

عزم =نيوتن
قوة= باور هورس أو كيلو وات

[ahmed]

طيب وازاى بقى اعرف اقصى عزم ده ...؟؟؟ انت كده يا حودة ها تلغبطنى خالص

[fahd_628]

انت عربيتك اية و انا حقولك عزمها عند كام لفة :) لو كنت عارف

[tutankhamoun]

طيب وازاى بقى اعرف اقصى عزم ده ...؟؟؟ انت كده يا حودة ها تلغبطنى خالص

أولا سؤال حضرتك في تعميم
كل سيارة مختلفة عن التانية في تصميم المحرك
و زي ما قال الأستاذ محمود حفناوي
أقصى عزم للسيارة هو اللي المفروض تنقل عنده
يعني مثلا العزم اﻷقصى في الجين 2 عند 4000 لفة في الدقيقة
و بيختلف من سيارة لأخرى
و ممكن حضرتك برضه تنقل عند 3 RPM يعني 3000 لفة في الدقيقة


هي عربية حضرتك نوعها أيه و موديلها و مواصفات المحرك ؟؟؟؟

[أبومعاذ]

انا عربيتي مكتوب في ال specs بتاعتها Max. torque 123.0 Nm (91 lbft) (12.5 kgm)

دا معناه ان عزمها كام rpm

[CryptonX]

انا عربيتي مكتوب في ال specs بتاعتها Max. torque 123.0 Nm (91 lbft) (12.5 kgm)

دا معناه ان عزمها كام rpm

معلومات نافصة
المفروض بتبقى 123 نيوتن / متر عند XXXX لفة .

يعني انا مثلا سيارتي 118 نيوتن / l عند 3600 لفة .
يعني اقصى عزم عندي بيتولد عند 3600 لفة .