| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 12

  1. #1

    الصورة الرمزية emadkamel

    رقم العضوية : 751

    تاريخ التسجيل : 21May2007

    المشاركات : 630

    النوع : ذكر

    الاقامة : Cairo

    السيارة: ..............

    السيارة[2]: سوبارو ليجاسى 2011

    دراجة بخارية: لا

    الحالة : emadkamel غير متواجد حالياً

    افتراضي المهندس سبعاوى والاخوه الافاضل برجاء الافاده - Facebook Twitter whatsapp انشر الموضوع فى :

    hasad">

    عندى شاهين 1400 موديل 2004 بكاربراتير وانا خبرتى فى العربيات ضعيفه ... باسوق بس .... وابتديت السواقه بره مصر على سيريون وكوروللا فلما رجعت للشاهين (كنت شاريها قبل السفر وماركبتهاش) جالى صدمه حضاريه طبعاً!! العربيه كان صاحبها مهمل فيها شويه من حيث الصيانه والخامات (يعنى بنزين 80 وزيت تعبان كده وفلاتر نص كم بعد ميعادها بـ 5000 كيلو وكلام كده) وطبعا وانا بره كانت مع المدام والمدام برضه ماغيرتش اى حاجه دوريه لغايه ماآجى اعملها انا وماحدش يسألنى ليه !!!؟؟ المهم انا عندى شويه ملحوظات ومشاكل وماليش حد هنا غيركوا أثق فى رأيه. ارجو كتابه تفاصيل على قد ماتقدروا لانى ماليش قوى فى الموضوع

    1) عايز كهربائى كويس ... عندى شويه شغل كهرباء وعايز اعرف يتكلف كام (لمبه التابلوه ضعيفه جدا رغم انى غيرتها، الكلاكس مش متثبت كويس، فوانيس شبوره، الفانوس الإضاءه بتاعته ضعيفه قوى...)
    2) عايز برضه سمكرى كويس وابن حلال ... العربيه مافيهاش جنب سليم (مش مدمره انما خدوش ورزعات وكده) انا حتى مش عارف احسن اسمكر البيبان وللا اغيرهم؟ وبكام؟
    3) العربيه السحب بتاعها ضعيف (او هى ممكن تكون ده طبيعتها وانا بيتهيألى انه كده ضعيف) بس انا بانقل لما عداد الار بى ام يبقى 3000 .... لقيتنى جبت 100 وانا على الخامس!!! طيب العداد اخره 200 ... بالنسبه للـ 100 الفرق دول ظروفهم ايه؟!! هل ده طبيعى؟
    4) النهارده رحت اغير الفلاتر والزيت ... جبت فلتر الزيت الايطالى والهوا مصرى علشان مافيش تركى من شارع دمشق بـ 28 و15 ده سعرهم؟ وهل فى احسن؟ ومنين؟
    5) غيرت الزيت فى شل الراجل لقى الزيت اللى نازل بودره صوتلى فى المحطه وكان فاضل يتهمنى بالكفر (رغم انى مظلوم والله) المهم قالولى بدل ما نغسل الموتور خد زيت وسط يتضمن فى خواصه غسيل الموتور ويتغير على 7000 ودفعت 139 جنيه (ماعرفش برضه اتحسبت ازاى) ايه رأيكوا؟
    6) العربيه كان فيها حدفه يمين ... النهارده فى شل عملت زوايا الراجل قاللى ان العجل كان مقفول لجوه انما الزوايا مظبوطه .... وقاللى انا ربطت العفشه (انا شفته شغال قدام بس ... ماعرفش العفشه دى مافيهاش ورا وللا لأ) ولوحسيت بحدفه تانى خللى بتاع الكاوتش يبدل العجلتين اللى قدام .. دى مكان دى علشان الكاوتش اتاكل من العوجه دى .... هل ده صح؟ وبعد كده انا حاسس ان العربيه مرات تحدف يمين ومرات شمال وانا بقيت مش عارف من العفشه وللا الزوايا وللا الكاوتش وللا الدركسيون !!!! اى مقترحات؟
    7) ساعات الفتيس على التانى يتنطر لوحد على المور!! كمان لما مثلا اكون على التالت وباهدى ... وانا دايس دبرياج وانقل على التانى ومن غير ماشيل رجلى من الدبرياج اسمع صوت كده "وححححححح" ده ايه ده؟
    8) العربيه مرات مابتدورش بسهوله ... امبارح بعد مادارت وانا كابس بنزين شويه بطلت كده بالراحه زى واحد بيموت رغم ان رجلى كانت لازقه فى الدواسه اعمل ايه؟
    9) بعد ده كله انا مش عارف اشد العربيه (يعنى زى ما قريت المساعدين والمقصات والتكييف والكاسيت والكلام ده) وللا ابيعها على كده واجيب حاجه تانى (رغم انها عاجبانى بصراحه خصوصا حكايه انى شايف حدودها كلها وانا سايق غير الكوروللا تماما) ولو بعتها تجيب كام دلوقتى؟
    معلهش انا آسف على كتر الاسئله لكن انا مش عارف اعمل ايه ووقتى ضيق فى الاجازه وعايز اسافر وهى متظبطه ... منتظر ردودكم وجزاكم الله خيراً


  2. #2

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    ياخبر ابيض بالألوان، دا انت تروح تبدلها بموبايل نوكيا فنلندى وتدفع عليها فرق :) :) :) :) :) :)

    بهزر طبعا لكن هى فعلا العربية محتاجة شوية شغل

    1- بالنسبة للسمكرى انا عندى واحد فى مدينة نصر ممتاز وجنبه فرن البوية والكهربائى يظبطولك كل اللى انت عايزه ، لو مدينة نصر مناسبة ليك قوللى وانا اديلك بيانات الإتصال بيه واربط لك معاه معاد يعمل لك مقايسة ويقول لك ايه الأحسن سمكرة وللا غيار

    2- بالنسبة للrpm على الخامس فهو طبيعته كدة فى الشاهين 3300 على 100 كيلومتر/ساعة على الخامس، وهى نظامها كدة والموتور مش بيجراله حاجة من السواقة بالطريقة دى، لكن موضوع 200 فى العداد ده شيله من دماغك خالص، هى اخرها 150 ، وممكن تيجيب 160 فى ظروف استثنائية لو الهواء فى ظهرك او واخد منزل، بالنسبة لموضوع السحب الضعيب فغالبا ده نتيجة السواقة الحريمى لفترة طويلة ، العلاج الناحج لهذة المشكلة هو طقم بوجيهات جديدة و علبة منظف كاربراتير على تفويلة بنزين ومشوار طوالى لحد الرست هاوس كدة او الإسماعيلية وترجع ، هتلاقى العربية نعمت وفاقت وبقت اخر جمال

    3-بالنسبة للفلاتر فأسعارها معقولة، هو فيه فلتر بنزين روسى بلاستيك شفاف ب 5 جنيه، بس الإيطالى افضل منه طبعا

    4-واضح طبعا ان العربية متغيرلهاش زيت لمدة 30 ألف كيلومتر مثلا وللا حاجة، عموما انصحك تتابع مستوى الزيت الحالى ، لو نقص لحد نصف المقياس مثلا او اقل فى خلال 3000 كيلومتر انصحك تكشف على كبس الموتور ولو لقيت الموتور خفيف شوية بسبب عدم غيار الزيت يبقى عليك انك تنتقل لاستعمال زيت ثقيل وليكن شل إكس 100 مثلا، لو الزيت لم ينقص منك والموتور سليم يبقى عليك بالشل هيليكس الجركن الأصفر او توتال كوارتز 5000 ، نصيحة اخرى لتلافى آثار عدم غيار الزيت، اضبط تاكيهات العربية وخلى عامل التاكيهات يبصلك على ركب الكامة ركبة ركبة (هم 8 ركب) وبص معاه عليهم وخليك يلفهم قدامك بحيث تشوف الركبة بالكامل، لو فيه اى واحدة فيها آثار تآكل (عادة بيكون عند قمة الركبة وبيكون على شكل تكحيت فى قمة الركبة) غير عمود الكامة ، تمنه 250 جنيه التركى الجديد او الإيطالى ال128 او الريجاتا المستعمل، وانصحك بالإيطالى بس تتأكد بعينك وبالقياس انه مافيهوش اى تآكل سواء فى الركب او الجلب الدائرية

    5- بالنسبة للزوايا فهى فيها خدع كتير جدا لأن ساعات الطريق بيكون فيه هواء يضرب العربية من الجنب اليمين فتحدف شمال او العكس بالعكس وميكونش فيها مشكلة زوايا اصلا، بس انا هقترح عليك اقتراح بسيط جدا، بعمله آخر لما بغلب مع بتوع الزوايا، هات متر وقيس المسافة بين الفردتين الأماميتين من امام الفردتين ومن خلفهما لو المسافة مظبوطة يبقى معندكش مشكلة زوايا، بس عموما العربية عاملة كام الف؟ ، لو عاملة فى حدود ال 50 ألف او اكتر اكشف على المقصات او قصر على نفسك وغيرهم، افضل الأنواع الموجودة فى السوق هو الألمانى ويوجد منه نوع اسمه مايلى ونوع اسمه كونترول، وفيه نوع اسمه اوكاب ايطالى مش بطال

    6- الفتيس بقى يا سيدى هو اكبر فاتوحة انا شايفها فى اللى انت قلته دا كله، لو الوححححححححححححححححححح دى مقبولة ومش عالية ومش مميزة بشدة فدى طبيعة الشاهين ماتشغلش بالك بيها، لكن لو الوححححححححححححح دى عالية لدرجة انها مغطية على صوت الموتور مثلا يبقى دى بلية الدريك بايظة ولازم يتفك الفتيس كله علشان تغيرها، ونفس الحال بالنسبة للغيار اللى بينط، ده برميل غيار(ترس) متاكل ولازم تفك الفتيس علشان تغيره

    7- حكاية الدوارة هتبان معاك صح لما تنضف الكاربراتير وتطلع مشوار طوالى بالعربية، بس عموما بالنسبة لشاهين 2004 بالذات فهى الكاربتير بتاعها مختلف عن باقى موديلات الشاهين من يوم ما نزلت ، لان فى السنة دى الشركة الأم كانت ابتدت تعملها برشاشات وهنا فى مصر كانوا لسة بيعملوها بكاربراتير، فنظرا لأن الشركة الأم مكانتش بتورد لها الكاربراتير الويبر الللى طول عمره بينزل فيها الموديل ده بالذات نزل بكاربراتير لادا وعيبه انه مافيهوش سخان اوتوماتيك فلازم تسايسها فى البرد، دور من غير ما تدوس بنزين واول ما تحس انها هتلقط معاك شعرلها بنزين، ومتدوسش جامد، بعد ما موسم البرد بيخلص بتدور عادى طول السنة

    8- بالنسبة للشد او البيع ده قرارك، لكن الفكرة هتبيعها بكام وتجيب غبرها بكام، انا شخصيا لو لقيت مصاريف شدها على تمنها مستعملة تقرب معايا من تمن عربية فيرنا جديدة هفكر فى الغيار، لو المشوار بعيد هخليها واشدها، بس عموما بص على موضوع اسعار قطع غيار الشاهين المنشور فى منتدى الفيات وكون فكرة عامة عن ميزانيتك، بالإضافة طبعا الى مصاريف السمكرة والدهان وشد الصالون لو العملية محتاجة

    سبعاوى
    _______________________________________________


  3. #3

    الصورة الرمزية Casio2000

    رقم العضوية : 69

    تاريخ التسجيل : 20Apr2007

    المشاركات : 512

    النوع : ذكر

    الاقامة : العاشر من رمضان

    السيارة: na

    السيارة[2]: Daewoo Nubira Manual 2007

    دراجة بخارية: na

    الحالة : Casio2000 غير متواجد حالياً

    افتراضي -

    ما شاء الله

    انا حبيت بس اي حد يقرأ رد سبعاوي يفتكر يقول " ما شاء الله"

    م / محمد حماد
    =========

    بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)


  4. #4

    الصورة الرمزية ibrahimsaad

    رقم العضوية : 3105

    تاريخ التسجيل : 10Nov2007

    المشاركات : 1,884

    النوع : ذكر

    الاقامة : Kafr El-Sheikh

    السيارة: Nissan Sunny 2014

    السيارة[2]: 128- اكسيل - فيرنا

    الحالة : ibrahimsaad غير متواجد حالياً

    افتراضي -

    ماشاء الله مايجيبها الا سبعاوى

    http://www.nilemotors.net/Nile/signaturepics/sigpic3105_1.gif
    Dr Ibrahim Saad


  5. #5

    الصورة الرمزية معتز

    رقم العضوية : 2896

    تاريخ التسجيل : 30Oct2007

    المشاركات : 823

    النوع : ذكر

    الاقامة : مدينة نصر

    السيارة: لا يوجد

    السيارة[2]: كرولا 2010 مؤقتا

    الحالة : معتز غير متواجد حالياً

    افتراضي -

    ما شاء الله..........تحية خاصة لسبعاوى..........

    قال النبي- صلي الله عليه وسلم - " من قال جزاك الله خيراً فقد أبلغ في الثناء "

    قال الغزالي :
    إذا رأيت الله يحبس عنك الدنيا ويكثر عليك الشدائد والبلوى ..فاعلم أنك عزيز عنده .. وأنك عنده بمكان ..وأنه يسلك بك طريق أوليائه وأصفيائه .. وأنه .. يراك ..أما تسمع قوله تعالى .. (( واصبر لحكم ربك فإنك بأعيننا ))


  6. #6

    الصورة الرمزية حماده عزو

    رقم العضوية : 3043

    تاريخ التسجيل : 06Nov2007

    المشاركات : 852

    النوع : ذكر

    الاقامة : طنطا

    السيارة: سوزوكى siaz

    السيارة[2]: لانسر بومه sam 2006

    دراجة بخارية: لا يوجد

    الحالة : حماده عزو غير متواجد حالياً

    افتراضي -

    الله ينور عليك

    @ إن الله لغنى عن العالمين @
    سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
    لشراء أستيكر المنتدى فى الغربيه 0111019565


  7. #7

    الصورة الرمزية BASHAR

    رقم العضوية : 2823

    تاريخ التسجيل : 27Oct2007

    المشاركات : 544

    الاقامة : مصر القديمة القاهرة

    الحالة : BASHAR غير متواجد حالياً

    افتراضي -

    ربنا يقويك عليها ياباشا ويسلم رد الاخ سبعاوي


  8. #8

    الصورة الرمزية حسام كرم

    رقم العضوية : 367

    تاريخ التسجيل : 30Apr2007

    المشاركات : 294

    النوع : ذكر

    الاقامة : مصر

    السيارة: BYD F3

    السيارة[2]: lada 2107

    الحالة : حسام كرم غير متواجد حالياً

    افتراضي -

    الله الله الله
    والله استاذ كبير يا سبعاوى
    وكلام يدرس فى كليات الهندسه
    وفعلا ميجبهاش الا سبعاوى


  9. #9

    الصورة الرمزية heronasser

    رقم العضوية : 3134

    تاريخ التسجيل : 12Nov2007

    المشاركات : 76

    النوع : ذكر

    الاقامة : شط اسكندريه

    السيارة: شاهين

    السيارة[2]: فولكس واجن

    الحالة : heronasser غير متواجد حالياً

    افتراضي -

    الله ينور عليك يا استاذ سبعاوي وعندي مسكله نفس ترد عليا او احد العالمين بالشاهين بها وانا قرات موضوع تكييف الشاهين ولكن انا شريت شاهين 2002 مركب لها تكيف مكان الكاسيت فتحاته وباين ان التبلوه وفكين التبلوه والطاهر مشعلفينه بالتبلوه لان التبلوه فيه تقويسه من النصف شويه يعني حاسس انه مش اصله والجنبين مش واصل لهم المكييف يعني فتحه الوسط فقط مكان الراديو حلها ايه يا تري لازم وهل في حد في اسكندريه يعتمد عليه في اصلاح هذا الموضوع


  10. #10

    الصورة الرمزية emadkamel

    رقم العضوية : 751

    تاريخ التسجيل : 21May2007

    المشاركات : 630

    النوع : ذكر

    الاقامة : Cairo

    السيارة: ..............

    السيارة[2]: سوبارو ليجاسى 2011

    دراجة بخارية: لا

    الحالة : emadkamel غير متواجد حالياً

    افتراضي متشكر جدا يا سبعاوى باشا -

    hasad">

    الله ينور .... شكرا يا باشمهندس سبعاوى ... بس تفتكر ممكن حد يرضى يدخلها فى موبايل نوكيا؟ المهم الفرق بس مايكونش كتير علشان انا مش ناقص:)

    انا طبعاً سافرت بره مصر خلاص انما يا ريت لو تتكرم وتبعتلى تليفونات وعناوين الكهربائى والسمكرى وانا اخللى حد من اصحابى يروح بيها مدينة نصر ... انا فى مصر الجديده فماعنديش مشكله

    الحاجه التانيه بالنسبه للفتيس .. كده برضه هاحتاج من حضرتك عنوان وتليفون ميكانيكى كويس تثق فيه علشان يشوفه ومتشكر جدا على اهتمامك



 
صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 2
    آخر مشاركة: 02-04-2012, 09:47 PM
  2. للسلفيين والمسيحيين والاخوه الافاضل
    بواسطة alynubira في المنتدى المنتــــــدى الاجتمــاعى
    مشاركات: 13
    آخر مشاركة: 14-05-2011, 02:44 AM
  3. للسلفين فقط والاخوه الافاضل
    بواسطة alynubira في المنتدى المنتــــــدى الاجتمــاعى
    مشاركات: 53
    آخر مشاركة: 09-05-2011, 09:48 PM
  4. مشاركات: 10
    آخر مشاركة: 09-08-2010, 04:42 PM
  5. الى استاذ محمدممدوح والاخوه الافاضل
    بواسطة ابو فرح في المنتدى دايــو+شيفرولية لانوس
    مشاركات: 3
    آخر مشاركة: 05-07-2009, 12:04 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2