أسعار ال Ck2 & Mk

[samyffahmy]

الحقيقه مكنتش متخيل السعر ده والجوده دى اول مره تعجبنى عربيه صينى بالشكل ده
العربيه ال Ck2 نازله أتوماتك جميع الكماليات بسعر 64800 مع جوده الفنش تخيل ( 1500سىسى)
اما المانويل نفس الكماليات بسعر 56500 مع تجهيزات اير باجز لو عايز
الmk رائعه جدا 1600 سىسى مانويل فقط بسعر اروع 65800 فقط العربيه اخت ال Yares
أهم حاجة ان الصيانه وقطع الغيار فى نفس الشركه
التوكيل الجديد مش بيهرج
على فكره الى عايز يجربها (يسوقها ) يتصل بالتوكيل
اى سؤال انا فى الخدمه

[TAG_Turbo0]

انا لا عايز أجربها ولا أعرف عنها حاجه كفايه الى شفناه من Ck1 والفروته

[eng_mkhalaf]

لية يا تاج التقطيم دة - سيب الناس تأخد فرصتها

[CryptonX]

لية يا تاج التقطيم دة - سيب الناس تأخد فرصتها

ممكن في ال mk

انما ابعد تماما عن الCk
حسب ماعرفت .. التغيير في الCk2 " شكلي " فقط
و موتور جديد لكن اضعف و جيبربوكس اتوماتيك
غير كدة الورقة مازالت ورقة

ممكن ال MK تكون حاجة تانية , لانها من اخر السيارات الي انتجتها جيلي

ياريت يا أهل الخبره تلقوا نظره على السيارات
انا عارف التاريخ الصعب الى كان قبل كده
بس الفرق مش السيارات بس لكن الاهم الوكيل وقطع الغيار
الوكيل كبير وها افكركم بعد شهر بعد افتتاح مراكز الصيانه ( اول مارس )
ووصول السيارات من الصين
مفيش حد فى السوق يخليك تسوق السياره قبل ماتشترى الا لو كان تقيل وعارف هو بيعمل ايه
على فكره شركة جيلى الوحيده الى لها مصانع فى امريكا

[cpt_shawky]

يا جماعة حد عندو فكرة وكيل جيلي الجديد اسمه ايه ورقمه انا نسيت اخد التفاصيل دى فالمعرض اللى فات وكلمت الدليل معندهمش فكرة لأن متسجل عندهم سايمكس الوكيل القديم فقط ؟؟؟؟؟

[cpt_shawky]

انا وصلت لاسم الوكيل دلوقتى من مقالة فاخبار السيارات اسمو "توب جير موتورز" بس لسه ملقتش ارقام التليفونات ولقيت مقالة هنزلها فموضوع جديد عن التوكيل

[cpt_shawky]

الحمد لله تم الوصول للرقم بأعجوبة

الوكيل : توب جير موتورز

تليفون: 33361471

شركه هورس للاعمال الهندسية

[زيزو الزملكاوى]

ياجماعه العربيه ck جميله جدا انا شفتها وركبتها وشفت خامتها وتقفلها عربيه روعه وال mk كذلك جميله جدا فعلا الوكيل الجديد ناوى يعمل حاجه جامده فى السوق

[godfather]

يا شباب أنا عندي mk من خمس شهور السيارة روعة قوية ومتينة واقتصادية عند متوسط سرعة 100 كم بتعمل 300 بالعشرين ليتر ي المشكلة فيها حاجتين
البويا أو الدهان سىء وثبات السيارة في الهواء القوي ضعيف يلزمها دواليب أعرض من الأساسي وممكن أكبر