ياريت حد يجاوبني علي هذا السؤال

[elmaqusy]

السلام عليكم الصراحة الموضوع ده محيرني جداً وانشاء الله هلاقي الجواب عند خبراء هذا الموقع المتميز انا محتار في الختيار بين اربع انواع من العربيات وهم
1 - البيجو بارس
2- الجين 2
3 - الماتريكس
4- شيفولية اوبترا
مع العلم ان شكل الجين 2 عجبني أوي فياريت تفيدوني في انسب عربية فيهم من حيس الاداء و الاستحمال و مع العلم اني من سكان محافظة المنيا ومشوار عليا اني اروح كل شوية للتوكيل إذا حدث شئ في العربية فياريت اعرف أقل عربية فيهم مشاكل ولكم جزيل الشكر

[SEATLOVER]

يا elmaqusy .... الكلام اللى انت بتقولة دة معناة نيسان صنى

[elmaqusy]

ايوة النسان عربيه جميلة بس انا مش ميال ليها وكمان صجها خفيف شوية

[yara2006]

خليك ف الهوندا سيتى عربية مناسبة ومتحتاجش تروح التوكيل الا ف الصيانات ف الأول وبعد كده العربية ما تسألش عنها لا ف توكيل ولا ميكانيكى ولا كهربائى ولا غيره

[Mahmoud_405]

اولا شيل الماتركس من حساباتك .....عربية مش حلوه كل مميزاتها انها واسعة حتي الكراسي ناشفة والتوكيل معفن
انا جربت الاوبترا وسوقتها كتير عربية محترمة وتكيفها رائع وموتورها كويس وثبتها معقول وقطع غيار مش غالية.....
الجين 2 مجربتهاش بس من المنتدي والناس اللي سيقها بتقول عربية رياضية جداومتور قوي وعفشة ممتازه بس مواد الخام بتاعت الطابلوة مش كويسة والناس اشتكت من ازاز الكهرباء بيبوز بسرعة
البيجو بارس اكبر اسم في الاختيارات دي ... انا معايا 405 برستيج موديل 98 عربية ممتازه بس البارس لسة متجربتشي ومش عارفين ايران صنعت اية فيها لانها نازلت 405 روا قيل كده وكانت مش حلوه ولا تمت للبيجو في حاجة غير الشكل ....
لو البارس موتورها بيجو وعفشتها بيجو ونفس مواد الخام بتاعت ال 405 العادية تبقي هي الاحسن.... لو حتستني شوية لحد ماتتجرب العربية فكر فيها انما لو حتشتري دلوقتي برده ابعدها من حسباتك خليك في المضمون واللي متجرب .

1- جين 2 لو انت شاب
2- اوبترا لو انت متجورز وعندك اولا

[Ahmad Allawy]

بلاش ولا بارس ولا روا ولا سمند ولا الحاجات المجهولة دي..
خليك ف المضمون.. عشانا لعربيات دي ولا بيجو ولا تمت ليها باي صلة..
وكفاية ان الروا دي ضمانها 20 الف كيلو و سنة مش سنتين ولا 3
تهريج يعني.. و البارس غالبا هتكون زيها.

[elmaqusy]

ايوه فعلاً البارس محدش لسا عارف عنها حاجه بس هيه حكاية التوكيل ديا مقلقه شوية بس فعلاً فيه ميكانيكية كبار يعني في ميكانيكي في العجوزة من اقدم واكبر الميكانيكية في القارة تخيلو قعد يقول انه كان عنده عربيه بارس ولقا المتور بتعها معقد قلتله حرام عليك يا حج دي العربيه لسا ما نزلتش قلت يمكن قصده علي البارس وبعد كدا قعد يقلي عنده عربيه 405 موديل 2005 فرنساوي حلتها ممتازة علي كلامه وثمنها 73000 جنيه يعني من الاخر مصالح

[sndbad111]

انا برده رأى من رأى الأستاذ محمود الأوبترا انا ركبتها عربيه محترمه جدا وشيك وقطع غيارها معقوله وليها سوق لو فكرت تبيع