إستفتســــار عن تمن الفتيـــس الأوتوماتيــــــك للأوبتــــــرا

[ezshereef]

السلام عليكم

أنا كنت سمعت حاجة عن الفتيس الأوتوماتيك للأوبترا إن تمنه جديد في التوكيل ب47000 جنيه. يا ترى يا جماعة حد عنده معلومة عن الموضوع ده أو يعرف السعر فعلا كام. و حاجة تانية إنه ما ينفعش يتصلح و لازم يتغير بالكامل لو حصله حاجة.

أنا مش قادر أصدق إنه نص ثمن العربية. و شكرا مقدما.

[cpt_shawky]

اتصل بالتوكيل

[fahd_628]

اعتقد انة صعب اوى

ممكن فعلا تسأل فى التوكيل

[ezshereef]

أنا سألت في التوكيل و طلع ثمنة 32000 جنية شامل الضريبة و مالوش طقم إصلاح يعني لو ضرب يترمي و تجيب غيره.

[Magdih]

إزاى يبقى الأتوماتيك يبقى ثلث ثمن العربيه. دى مصيبه. يعنى لو الأوتوماتيك باظ أغيره ب 32000 جنيه. الصراحه أنا مش فاهم ياريت لو حد فاهم يفهمنى

[yahyanaabil]

تمنه غالى جدا على العربيه انا ليا واحد قريبى غير جير بوكس لباسات كان عامل حوالى فى حدود 20 الف جنيه مش فاكر الرقم بالظبط

[osman hisham]

أمال تعمل أيه فى عربيه زى الأسكود لو الوساده الهوائيه اللى جنب السائق فتحت بتبوظ التابلوه و تمن التابلوه أكتر من30000 برضه (مش الأوكتافيا بس ده أى عربيه فيها 2 وساده)

[tayson54]

يا شباب لما تكون الباسات عربيه قريبه من ال300 الف جنيه يبقي ال20 الف تمن فتيس اوتوماتيك ده سعر مش عالي جدا يعني حوالي نسبه 6% لكن لما تكون عربيه زي الأوبترا في حدود 95 الف ويبقي الجير الأوتوماتيك بتاعها ب 30 الف يعني 31% من تمن العربيه ده كلام يخش المخ اكيد فيه غلط في الحساب ولا ايه رأيكم

ارجوكم قولي لي فيه غلط ولا لأ لاني عايز اجيب اوبترا اوتوماتيك

[aif]

يا شباب لما تكون الباسات عربيه قريبه من ال300 الف جنيه يبقي ال20 الف تمن فتيس اوتوماتيك ده سعر مش عالي جدا يعني حوالي نسبه 6% لكن لما تكون عربيه زي الأوبترا في حدود 95 الف ويبقي الجير الأوتوماتيك بتاعها ب 30 الف يعني 31% من تمن العربيه ده كلام يخش المخ اكيد فيه غلط في الحساب ولا ايه رأيكم

ارجوكم قولي لي فيه غلط ولا لأ لاني عايز اجيب اوبترا اوتوماتيك

انا رأيي بلاش اوتوماتك في الكوري عموما ..... اعطالة بتبقي رهيبة ....
اتوماتك يبقي ياباني .. الماني .. بيجو ..امريكي .........لكن كوري .... لسة شوية عليهم في الموضوع دة .....لكن المانيوال ... زي الفل ......ده رأي شخصي
وبعدين 32000 ليه
ده انت تبيع العربية وتجيب غيرها أوفر

انا برده بقول الرقم ده صعب اوي عموما انا بعت ميل لمنصور شيفروليه عايز اعرف سعر الفتيس كام وهكلم خدمه العملاء علي المغرب كده اعرف برده
بس برده ليه الأوتومايتك في الكوري مش كويس وهل شيفروليه هتجازف وتحط علامتها التجاريه علي عربيه ممكن تسوء لها سمعتها تماما لو كان ليها مشاكل متكرره في جزء مهم جدا من العربيه زي الفتيس ؟؟؟
وبفرض انها عربيه كوري صرف ملهاش علاقه بشيفروليه هل فيه حد سمع او عاصر مشكله في اوتوماتيك عربيه كوري قل كده يحكي عليها بحيث نستفيد ؟