صيانة الالف..... مع بعض الملاحظات على مركز الصيانة

[معاذ الشرباصى]

يوم الاحد خلصت بدرى, فقررت اروح اعمل صيانة الالف, حتى محجزتش قبلها

وصلت على الساعة 12 و ربع كده, دخلت العربية

ده كان وقت الراحة و الصلاه هناك, يعنى لو حد ناوى يروح يروح قبل كده احسن

بدأوا الشغل تانى على الساعة 1 و نص تقريبا, و عربيتى دخلت فى الاول علشان دى مجرد صيانة الالف

العربية رفعها, ربط العفشة , و شاف ضغط الاطارات, و بعدين قعد يشوف كل حاجة فى العربية, شاف الزيت و المياه, و زود مياه المساحات

بعد كده العربية اتغسلت , و خرجت على الساعة 2

----------------------------------------------------------

ملاحظاتى على مركز الصيانة عموما:

1- المركز طبعا صغير, بالنسبة للنمو الكبير اللى حصل فى مبيعات دايهاتسو, و لازم طبعا يعجلوا بفتح مراز تانية علشان الموضوع ده ميبقاش نقطة سلبية فى صالحهم

2- فى شوية حاجات مش موجودة للعربية, يعنى كنت عاوز اركب انذار + ريموت, قالت لى بعد اسبوع, و الفوجات ميعرفوش عنها حاجة او هتيجى امتى

3- صالة انتظار العملاء بتبص على الورشة, و دى فى حد ذاتها حاجة جميلة, و كمان فى Wi-Fi علشان الناس اللى هتطول هناك, ده غير فى منطقة لعب اطفال, و منطقة بالخارج للمدخنين

4- كان فى عامل كنت عاوز اشتكيه لهم هناك, هو كان شغال فى عربية تانية, لكن لاحظت انه بيتعافى على العربية, و بينقل الفتيس الاتوماتيك و العربية مش واقفة تماما, ده غير طرقة سواقة مستفزة للعربيات, بس كنت مستعجل و لازم امشى

5- اهم حاجة , و دى خليتنى قلقان حبتين: عربية سريون سماوى غير مرخصة, بورق الفابريقة لسه, و بيترش لها اكصدام خلفى. طبعا انا قلقت جدا, ان دى ممكن تكون عربية جديدة و هتتباع لحد و هى مرشوشة, لكن قالوا لى بتاعت عميل, بس صراحة مش مطمئن برضه (العربية كأنها لم تلمس على الاطلاق)

6- فضلت اقول لمهندس الاستقبال على موضوع ازالة اثار ورق الفابريقة (الابيض الملزوق على السقف و الكبوت), فضل يقولى دى حاجة بسيطة, اغسلها فى بنزينة, و دى مش مستاهلة. المهم فضل يتهرب علشان ميعملهاش

7- نظامهم مختلف عن توكيلات كتير: بتدخل بالعربية, الامن هناك يدي الورق اللى مهندس الاستقبال هيملاه, بعد كده بيخرق معاك المهندس يعاين العربية. مفيش حد مثلا بيشيل الحاجات اللى انت سايبها فى العربية ( فى توكيل فولكس الحاجات دى كانت بتتشال فى الامانات)

8- تغيير الزيوت : بيبقى حسب رغبة العميل, سواء موبيل 1 او xhp. دى مش مشكلة, لكن التغيير بينهم ده غلط, و لكن محدش من المهندسين هناك بيعلق على الموضوع ده, بيسأل العميل عاوز ده و لا ده و خلاص. المفروض بيحط زيت يثبت عليه , او على الاقل عدم الارتقاء من زيت معدنى لزيت تخليقى.

----------------------------------------------------------

دى كانت اهم الملاحظات, و لو افتكرت حاجة تانية هضيفها ان شاء الله

[goodwave]

يعني من الاخر كدة يا معاذ ...... مركز الصيانة لم يحوذ إعجابك او أقدر أقول جالك إحباط لإنك كنت متوقع أفضل من كدة او مستوى خدمة يرقى لسمعة مستوي خدمة عربية "ياباني"! وللاسف لم تجد ما تمنيتة!

نفس الإحباط حصلي في مركز خدمة تويوتا وديهاتسو "الرزق التجارية" وزي ما إنت قلت الناس دية ما كانتش متوقعة حجم المبيعات إللي حصل للعربيات ولذلك لم يرتقوا بمستوى العاملين او يزودوا عددهم تبعا للزيادة في عدد العملاء! بس لازم يكون فية وقفة وإلا حتبقى زيطة ...... بس أرجع وأقولك الفيصل هو الإدارة المصرية الغائبة وللأسف الأكبر العامل المصري إللي يميل إلى التكاسل و "اللكلكة" في غياب الرقابة والكرباج!!! انا مصري وأسف إني بقول كدة بس دة حقيقي "إلا من رحم ربي" وهم قلة!

[أبو عبدالله]

1- المركز طبعا صغير, بالنسبة للنمو الكبير اللى حصل فى مبيعات دايهاتسو, و لازم طبعا يعجلوا بفتح مراز تانية علشان الموضوع ده ميبقاش نقطة سلبية فى صالحهم

هما فعلا بيعملوا واحد في ابو رواش واسمع انه كبير جدا

2- فى شوية حاجات مش موجودة للعربية, يعنى كنت عاوز اركب انذار + ريموت, قالت لى بعد اسبوع, و الفوجات ميعرفوش عنها حاجة او هتيجى امتى

دي غريبة ولكن ممكن يكون هيجيبوا موديلات تانيه يمكن

اما عن الفوجات
فهو دائما مبيعرفوش عنها حاجه ولكن المديرين بيبقوا عندهم علم زي الأستاذ محمد مدير المركز ده بتاع العبور
وده حصل معايا ايام ما كنت بشتري الفوجات بتاعتي والاكصدام

5- اهم حاجة , و دى خليتنى قلقان حبتين: عربية سريون سماوى غير مرخصة, بورق الفابريقة لسه, و بيترش لها اكصدام خلفى. طبعا انا قلقت جدا, ان دى ممكن تكون عربية جديدة و هتتباع لحد و هى مرشوشة, لكن قالوا لى بتاعت عميل, بس صراحة مش مطمئن برضه (العربية كأنها لم تلمس على الاطلاق)

بص يا معاذ
لو هو هيعمل كده فمش هيخسر حاجه لما يجيب اكصدام جديد بــ 500 جنيه ويرشه عنده ويركبه وهيبقى فابريكه
اما لو كان الأكصدام الأصلي هو اللي بيترش فمتهيألي كده هيبان اكتر لأنه هيتمعجن وهيترش

مش كده ولا ايه

وبعدين خلي بالك انهم لما بينقلو العربيات بيجروها ورا بعض عن طريق المشد اللي في اكصدام العربيه واللي في خلفها
لأني لما استلمت العربيه كان الاتنين راكبي اللي قدام واللي ورا كمان

6- فضلت اقول لمهندس الاستقبال على موضوع ازالة اثار ورق الفابريقة (الابيض الملزوق على السقف و الكبوت), فضل يقولى دى حاجة بسيطة, اغسلها فى بنزينة, و دى مش مستاهلة. المهم فضل يتهرب علشان ميعملهاش

انت يا عم معاذ مقلق من الموضوع ده ليه كده
يا عمي ده ابسط ما يكون
لو جيت المقابلة هبقى اشيلهولك بنفسي
هو فعلا موضوع بسيط مش مستاهل

[ara]

هوا مركز صيانة ديهاتسو فين؟

[أبو عبدالله]

هوا مركز صيانة ديهاتسو فين؟

في العبور خلف ابو غالي

[ضيفو]

هوا مركز صيانة ديهاتسو فين؟

طريق الرجوع من سوق العبور للقاهرة اول يمين تانى شمال

قدام مخازن غبور :)

[معاذ الشرباصى]

يعني من الاخر كدة يا معاذ ...... مركز الصيانة لم يحوذ إعجابك او أقدر أقول جالك إحباط لإنك كنت متوقع أفضل من كدة او مستوى خدمة يرقى لسمعة مستوي خدمة عربية "ياباني"! وللاسف لم تجد ما تمنيتة!

نفس الإحباط حصلي في مركز خدمة تويوتا وديهاتسو "الرزق التجارية" وزي ما إنت قلت الناس دية ما كانتش متوقعة حجم المبيعات إللي حصل للعربيات ولذلك لم يرتقوا بمستوى العاملين او يزودوا عددهم تبعا للزيادة في عدد العملاء! بس لازم يكون فية وقفة وإلا حتبقى زيطة ...... بس أرجع وأقولك الفيصل هو الإدارة المصرية الغائبة وللأسف الأكبر العامل المصري إللي يميل إلى التكاسل و "اللكلكة" في غياب الرقابة والكرباج!!! انا مصري وأسف إني بقول كدة بس دة حقيقي "إلا من رحم ربي" وهم قلة!

المركز كحجم صغير, لكن منظم و موجود فيه تقريبا كل حاجة

اصل انا تجربتى مع وكيل الفولكس كانت قاسية, مكنش فيه غير مركز واحد فقط على مستوى الجمهورية, و طبعا تروح الصبح تلاقى عربيات من مختلف المحافظات

اما بتوع دايهاتسو فعندهم 3 مراكز اخرى غير مركز العبور, و ده مخفف الضغط. يفترض انهم هيعملوا مركزين جداد فى القاهرة الكبرى خلال 2008 (افلح ان صدق)

[معاذ الشرباصى]

هما فعلا بيعملوا واحد في ابو رواش واسمع انه كبير جدا



دي غريبة ولكن ممكن يكون هيجيبوا موديلات تانيه يمكن

اما عن الفوجات
فهو دائما مبيعرفوش عنها حاجه ولكن المديرين بيبقوا عندهم علم زي الأستاذ محمد مدير المركز ده بتاع العبور
وده حصل معايا ايام ما كنت بشتري الفوجات بتاعتي والاكصدام





بص يا معاذ
لو هو هيعمل كده فمش هيخسر حاجه لما يجيب اكصدام جديد بــ 500 جنيه ويرشه عنده ويركبه وهيبقى فابريكه
اما لو كان الأكصدام الأصلي هو اللي بيترش فمتهيألي كده هيبان اكتر لأنه هيتمعجن وهيترش

مش كده ولا ايه

وبعدين خلي بالك انهم لما بينقلو العربيات بيجروها ورا بعض عن طريق المشد اللي في اكصدام العربيه واللي في خلفها
لأني لما استلمت العربيه كان الاتنين راكبي اللي قدام واللي ورا كمان




انت يا عم معاذ مقلق من الموضوع ده ليه كده
يا عمي ده ابسط ما يكون
لو جيت المقابلة هبقى اشيلهولك بنفسي
هو فعلا موضوع بسيط مش مستاهل

موضوع الفوجات ده, مش مشكلة, مكنتش هركبه فى يومها, لكن الانذار+ريموت كنت ممن اركبه ساعتها, ده غير وحات الرفع


موضوع العربية الجديدة, كان مخوفنى مش اكتر, فقلت اقول عليه, لأنه شكل مقلق ان عربية جديدة تكون مركونة و اكصدامها وراها معمول


اثار لزق الورق, انا مضايقنى شكله مش اكتر, فقلت التوكيل احسن واحد يشيله و بلاش حوار البنزين. و رينا يخليك يا ابو عبد الله على زوقك, انا بفكر اجرب موضوع الكومباوند و بعد كده تتعمل ب wax

[أبو عبدالله]

والله يا معاذ قطنة وببنزين ولا يعمل اي حاجه وجرب وعلى ضمنتي

وبعد ما تخلص اعملها بواكي علشان ينعمها

البنزين بيطير بسرعه متقلقشي

بس انت متحكش بقوة بعني براحه وخلاص

[m10_10]

على فكرة وانا باستلم العربيه قالولي علي فوطة كدة اغسل بيها العربية ...

الفوطة تحس انها جلد كدة مش زي البرتقالي العادية اللي بيتمسح بيها العربيات دي....

وقالي عالبولش الامريكاني عشان اشيل اي اثر للزق اللي كان عالكبوت والسقف...