بيجو 206

[د.اشرف هنداوى]

ارجو اعطائي معلومات عن ال 206
اسعار قطع الغيار غالية ولا لأ؟
سحبها -استهلاك البنزين - التكييف- مشاكلها
وكل من لديه معلومات عنها
و شكرا مقدما لمحبي البيجو

[amr mokhtar]

يص يا سيدى
هقولك القول الفصل فى العربية دى
إحنا معانا 206 موديل 2001 من الزيرو و هقولك خلاصة خبرتى معاها

العربية ما شاءالله ممتازة .. سحبها ممتاز رغم الموتور 1100 سى سى .. إستهلاكها فى البنزين منخفض جدآ ... تكييفها كويس لكن مش فى جودة اليابانى يعنى بيحتاج شوية عشان يسقع خصوصآ فى فترة الظهر لكن خلاف كده هو ممتاز و المكيف بيأثر فى السحب لكن مش بيخنقها

حجمها من جوة مش صغير اوى كما تبدو
بركب فيها 4 أفراد بيبقوا قاعدين مستريحين

بالنسبة للشنطة فهى صغيرة نسبيآ لكن بتشيل .. إحنا اسرتنا 4 أفراد و كأى اسرة مصرية لازم تلاقى شنط كتير ... لكن رغم كده شنطة العربية بتشيلهم

بالنسبة للعيوب

أكبر عيب فى العربية دى هى إرتفاع أسعار قطع غيارها و دى مسألة نسبية يعنى لو انت متعود على الأسعار الغالية مش هتضايقك اوى
لكن لو انت واخد على الدايو فهتحس بفرق كبير فى الأسعار

بالنسبة للتوكيل هو كويس و فاهمين العربية كويس و بيعرفوا يظبطوها لكن مصنعيتهم مرتفعة

هتلاقى متوسط أسعارها حسب الحالة من 46 الف إلى 53 الف و دى بتبقى فابريقة بره و جوة و كمان مش ماشية كتير

أتمنى اكون أفتدك و لو عايز حاجة انا تحت أمرك

[ASD peugeot]

طيب ايه اخبار الثبات و بخصوص الموتور 1400 اكيد علي حجم العربيه السحب بتاعه عالي ايه رأيك في اصلا شرائها مستعمل بالرغم من سعرها يعتبر العالي
وشكرا ليك

[amr mokhtar]

طيب ايه اخبار الثبات و بخصوص الموتور 1400 اكيد علي حجم العربيه السحب بتاعه عالي ايه رأيك في اصلا شرائها مستعمل بالرغم من سعرها يعتبر العالي
وشكرا ليك

ثبات العربية ما شاء الله مفيش فيه كلام خالص.. انا جبت بالعربية دى 160 كم/س و كانت متزنة جدآ و تحس ان الدركسيون تقيل فى إيدك ... مفيش طبعآ اى إحساس بالعوم او الغربلة تمامآ

على فكرة 160 ده آخر المحرك 1100 سى سى ..

بالنسبة للموتور 1400 سى سى .. مش هتلاقى منه كتير معظمهم 1100 لإن كان فرق السعر وقت ما إحنا إشترينا كان 13 الف جنيه و يعنى كانت فى حدود 60 الف .. و وقتها كان مبلغ كبير (كان ممكن تجيب إكسارا 1600 الرائعة) يارب يعيد الأيام دى تانى

لكن طبعآ اداء 1400 أعلى كتير و مش هتحس بالتكييف عليه و ممكن العربية تجيب معاك 175 كم/س كأقصى سرعة

بص بالنسبة لشراها مستعمل فده يرجع لشوية حاجات منها :
لازم تكون غاوى البيجو
تكون متأكد ان العربية مفيش فيها اى مقالب لإن ده هيكلفك كتير

لكن غير كده فأنا شايف انها أحسن من عربيات كتير فى نفس سعرها

[ASD peugeot]

شكرا يا باشا علي ردك

[amr mokhtar]

عربيه حلوه طبعاااااااااااااااااااااا اا

والاستاذ عمرو....جابلك من الآخر

بس نصيحه منىىىىىىىىىىىىىىىىىىىىىىى ىىىىى

لو مش 1400 متجبهاش
لو اوتوماتيك بردو متجبهاش

وشكرا

الموتور 1100 مش سىء .. يعنى هتاخد منه سحب و هتاخد منه سرعة لكن أكيد 1400 هيكون أفضل

شكرآ لذوقك يا FLYINGPEUGEOT
بس مش لازم أستاذ دى انا عندى 20 سنة :):).. فأتكلم براحتك

[د.اشرف هنداوى]

شكرا ليكم كلكم علي مشاركتكم و ذوقكم
انا بادور علي 206 او بونتو مستعمل و ربنا يسهل

[amr mokhtar]

شكرا ليكم كلكم علي مشاركتكم و ذوقكم
انا بادور علي 206 او بونتو مستعمل و ربنا يسهل

انت من الإسكندرية ولا من القاهرة؟؟
عشان لو لقيت حد معاه 206 او بونتو عايز يبيع ... هأقولك

[mshamy]

السلام عليكم و رحمة الله و بركاته
كان ليا الشرف اني كنت من اول دفعة استلام ال206 لما نزلت مصر في 2000 وكنت شاري ال 1400 وهي زي ما الأخوه قالوا سيارة ممتازه و استهلاك البنزين ممتاز و التكييف حلو جدا مع ال 1400 بس فعلا المشكلة الوحيده هي غلاء قطع الغيار و المصنعيات ..افتكر ان طرمبة البنزين كانت عطلت "عيب شائع في 206" وكانت العربيه عاملة حوالي 36 الف كيلو بس و رحت اشتريتها بحوالي 700 جنيه سنة 2001 و افتكر برضه الزجاج الأمامي كان ب 1200 جنيه...المهم شوف اللينك ده علشان تعرف متوسط اسعار السوق
http://www.car100100.com/search.php?...=&so=car.mo_id
http://www.cars.com.eg/engine/view?cartype=Peugeot