دليل شامل عن الهيونداي ماتريكس بواسطه اسئله الاعضاء , قصة حب مع المصريين ..متجدد -
انشر الموضوع فى :
hasad">
هيونداى ماتريكس انتجت اول سيارة ماتريكس من مصنع هيونداى فى جنوب كوريا سنة 2001 وهى سيارة عائلية من الطراز الاول ومصنفة من السيارات mbv
وشركة هيونداى كوريا تطرح الماتريكس باسم مختلف واسمها هيونداى Lavita ..وتطرح بالاسم دة فى كوريا
ولها اربع محركات 3 بنزين وواحد ديزيل الاول سعة 1800 سى سى ويطرح فى الاسواق الاوربية و الثانى 1600 سى سى ودة الية بتنزل بية السيارة فى مصر والثالث 1500 سى سى ويوجد نسخة من الموتور 1800 سى سى ديزيل ومطروحة فى اوربا فقط
ومصنع هيونداى كوريا اوقف تصنيع السيارة من مصانع هيونداى كوريا اواخر 2007 وتنتج فى عدة مصانع خارج كوريا
ويستورد غبور الماتريكس من تركيا
وحققت نجاح كبير ف مصر ففى منتصف 2007 اعلن غبور انوا باع مايقرب عن 14000 الف عربية ماتريكس ودة دليل عن نجاحها فى السوق المصرى
ويستورد غبور الماتريكس بدون كاسيت وانذار ويتم تركيب الكاسيت والانذار فى مصر بواسطة محلات عشم نوار الية واخذ توكيل كاسيتات jvc
والعيب الاساسى فى السيارة هو الانذار بسبب نوعة الرخيص
والسيارة كانت بتنزل بثلاث موديلات والان اثنين فقط
1- جميع الكماليات (زجاج كهرباء -سنتر لوك -انذار -تكييف -باور -فوج لايت -مرايات كهرباء ) ناقل حركة مانيوال 84000
2-جميع الكماليات (//////////////////////////////////////////////////////) ناقل حركة اتوماتيك 91000
3- يزيد عن الاتنين السابقين( فتحة سقف -مساحة الزجاج الخلفى ا-سبويلر- انذار هيونداى الاصلى- مرايات بالون السيارة )
والموديل التالت كان سعرة 96000 وتقريبا اتوقف استيرادة فى مصر
واى حد عندة اى استفسار تحت امرة
مجهود رائع يا بسام مشكور عليه و زي ما قال أخي بسام اللي عنده أي استفسار عن الدلوعه بتاعته يا ريت يسأل هنا و هنحاول نرد علي أد ما نقدر سواء احنا أو باقي الأعضاء بس يا ريت ماحدش يسأل سؤال اللا اذا كان السؤال اللي قبله اترد عليه خلاص عشان الموضوع يبقي ماشي بنظام و الدنيا كلها تبقي واضحه .. دا مجرد اقتراح متواضع ...
تحياتي لكم ..
ربنا يخليك ياحمد
لما العربية بدورها الصبح بيبقى فى صوت تكتكة الصوت دة عادى وبيهدى مجرد ما العربية بتسخن ودة صوت التكيهات وبتظبط نفسها مع سخونة العربية ودة موجود فى الفيرنا 1600 والكوبية والانترا القديمة والجيتز لانهم موتور واحد
العربية زى مابيقول احمد محتاجة معاملة بالرحة وعدم الضغط على الموتور بمعنى ماتخلهاش تسحب بسرعة لان العربية وزنها تقيل العفشة بتحتاج للتربيط كل فترة
ونصيحة للعاوز يشترى العربية زيرو وهايشتريها من غبور يحاول ياخذها من غير انذار وهو يبقى يركبة عند عشم نوار ويختار ماركة كويسة احسن من الية غبور بيشترية منوا
وفية معلومة اتوقع ان فى ناس كتييرة مش عارفها ان فى خزنة او درج تحت الكنبة ممكن تشيل فية الاشياء الية خايف عليها
اتأكد من رقم الشاسية والموتور الى مدهملك وطبقة بالمبايعة الى هيدهالك وورق الافراج الجمركى بتاعها ثانيا هى بيجى معاها استبن وكريك ومفتاح العجل ومفتاح الكريك ومفتاح 12 10 وكتاب التشغيل بتاعها والضمان بتخدة لما تيجى تروح تعمل صيانة الالف كيلو و الولاعة و الإريال و في بلاستكة صغيرة بيتقفل بيها مكان الإريال لما يتشال لازم تحافظ عليها علشان تركبها لما تغسل العربية و تشيل الإريال و تلف حول العربية و تشوف لو فيها أي تجريحات أو أي حاجة كدة ولا كدة و تجرب كل الأنوار قبل ماتمشي من الأجانس و تجرب الراديو و التكييف لمدة ثواني بس تتأكد إنة بيشتغل و اتاكد من فوانيس الشبورة سليمة و الزجاج الكهرباء
استهلاك البنزين " مقتبس من مشاركه للعضو sh_masry "
استهلاك السياره الماتركس بالنسبه للبنزين مضبوط و هو تقريبا ( 230 كيلو متر لكل 20 لتر ) على طريق السفر و العداد على 100 ..... لو هاتمشى نفس الطريق ولكن على سرعه 80 (230 كيلو متر لكل 11-15 لتر) و ممكن 9 لتر كمان
لو هو هو نفس الطريق بس العداد على 130 فما فوق (230 كيلومتر لكل 25-28 لتر)
لو داخل البلد (200 كيلو متر لكل 20 لتر) و طبعا ده كله تقريبى لأن بتختلف من سائق الى اخر و من سياره الى اخرى حتى و لو نفس الماركه .........
الفروقات بين الكورى والتركى
التركى بها لمبة للقراءة وجراب نظارة وفى الكورى موجود مخرج كهرباء فى الشنطة واتلغى فى التركى
مرايات التركى مختلفة عن الكورى
ضمان الماتريكس المقدم من غبور 60000 الف او ثلاث سنين ايهما اقرب
مقاس الاطارات r14/65/185 ودة المقاس الية بتنزل بية
وممكن تركب المقاسات دى
15/55/195
15/55/205
الزيوت الموصى بها وهذة الارقام بتبقى مكتوبة على جركن الزيت وفى الكاتالوج بيصح باستخدام شل
1-20w 5
2-20w 50
3-15w 40
4-10w 30
ويجب فحص زيت المحرك قبل القيام برحلة طويلة
الفروقات بين الكورى والتركى
التركى بها لمبة للقراءة وجراب نظارة وفى الكورى موجود مخرج كهرباء فى الشنطة واتلغى فى التركى
ويجب فحص زيت المحرك قبل القيام برحلة طويلة
المفضلات