صيانة 90000 + مشكلة فى الفرامل 2

[feras_elngar]

السلام عليكم ورحمة الله وبركاته

انا كاتب اسم الموضوع مشكلة فى الفرامل 2 لا كان حصللى مشكلة قبل كده وغيرو الطنابير الخلفية
الموضوع القديم اهوه
http://www.nilemotors.net/Nile/100492-30-2009-a.html

النهارده روحت اعمل صيانة ال 90000 كم
هى الصيانة عادية زى كل الصيانات تقريبا ماعدا انهم بيعملوا رجلشة للفرامل

وهما بيعملوا رجلشة للفرامل لقيت كل مهندسين التوكيل ملمومين على المدير بتاعهم
واحد ندهلى وقالى هو حضرتك بتعمل صيانة بره التوكيل ....... قلتله لا طبعا
قالى طيب انت غيرت التيل الخلفى اخر مرة امتى .....
قلتله معرفش انتوا بتكشفوا عليه كل مرة ولو احتاج بتغيروه ..... تقريبا اخر مرة كانت عند 60000

المهم كل الرجالة راحوا عند العربية ولقيت زحمة عليها قولت اروح اشوف فيه ايه

رئيس الورشه قالى انت راجل حظك حلو احنا هنغيرلك كل الفرامل الخلفية
الطنابير والتيلين والمساتر و كل مايتعلق بالفرامل .......... على حساب الضمان

ليه يا عم ....... قاللى اصل الفرامل وره يمين كانت قافشة على الدسك حاجة بسيطة بس الناحية اليمين كلها هتتغير والتعليمات اننا نغير كل الجمب لو فى مشكلة زى دى يعنى كل الفرامل الخلفية هنغيرهالك

والقطع اللى هتتفك هتروح اليابان للدراسه والفحص

طبعا الحمدلله حاجة زى دى بره الضمان يمكن كانت تكلفنى 5000 جنيه ولا حاجة

روحت وانا مزاجى زى الفل بصراحة من تويوتا ومن اخبار بورتو طرة كمان

تحياتى

[محمد ابراهيم 1]

مبروك عليك القطع الجديدة والحمد لله إن القطع المعيوبة لم تتسبب فى أذى لك