كملت 20000 كم

[HESHAM AMIN]

انا النهاردة كملت ب العربية الايديا 20000 كم
انا عملتهم فى سبع شهور
فى خلال السبع شهور حصل الاتى
اعطال
عداد البنزين علق معايا روحت التوكيل وظبطوة على طول وكان من الفلتر النايلون داخل التنك العوامة كانت بتعلق فية ومفيش مشكلة بعد ما عملوة
العربية مرة بطلت منى ومش راضية تدور اتصلت بواحد ميكانيكى صاحبى لقى فيشة الطلمبة مش راكبة كويس ركبها وشغالة زى الفل
بالنسبة للتوكيل ف اسكندرية ناس محترمة ومبيجروش ورا الفلوس وسريعة
جربت مرة توكيل المعادى فى صيانة 10000 ناس كويسة بس عايزين واحد فاضى يقعد معاهم
العربية استهلاكها فى البنزين من 5 الى 6 لتر لكل 100 كم حسب مشيك
لو مشيك هادى ومبتجريش يبقى 5 لتر لو بتجرى زى حالاتى ممكن توصل ل 6 لتر
العربية ثابتة جدا حتى فى الملفات لحد 130 كم
بعد كدة بيقل الثبات بنسبة 20 % خصوصا مع الارض الى كلها مطبات وغير منتظمة
العفشة لسة ناشفة شوية بس مافيش مشكلة منها
صوت الموتور تبدا تسمعة بعد ما تعدى ال Rpm 3.5
اقصى سرعة وصلتلها 150 كم والعربية مارضيتش تعديها مع ان ال Rpm كان على 4.4
وهى اقصى Rpm 5000
سالت فى التوكيل استعبط عليا وقالى معرفش بس من الواضح ان السرعة محددة ومبتعديهاش
ومرضيوش يفتحوها
الخلاصة : العربية امكانياتها ممتازة على السعر الى مدفوع فيها 40000
بس كفاية واى سؤال انا تحت امركم
اة نسيت اقولكم طبعا انا مبسوط ان العربية عملت 20000 كم بدون مشاكل
بس زعلان ان نص ضمانها خلص هيا ضمانها 40000 كم او 3 سنوات
ومن الواضح ان الضمان حيخلص فى سنة ونص

[bassam nagy]

ربنا يباركللك فيها

[fahd_628]

ربنا يحفظهالك و يباركلك فيها و عقبال ال 200 الف بدون مشاكل

[YoussefMostafa]

الف الف مبروك
وتفضل مبسوط منها علطول

[uioprty]

عربية حلوة
ممكن اعرف
الكمليات التي فيها
تكيف ؟؟؟ باور ....سنتر لوك؟؟؟؟؟ حجم الصالون الداخلي
والف شكر
وربنا يبارك لك فيها

[Ahmed Samy]

ربنا يحفظهالك
واضح انك اخترت صح
يا رب يباركلك فيها و ماتعملش مشاكل ابدا

[HESHAM AMIN]

الله يباركلكم جميعا
بالنسبة للكماليات الى فى العربية هوا فية منها 3 موديلات
الاول فاضية كاسيت فقط
الثانى كاسيت + باور + نكييف
الثالث فول اوبشن
كاسيت سى دى + باور + تكييف + سنتر + ازاز كهرباء + باركنج سينسور
+ فرامل aps
وبالنسبة لحجم الصالون واسع ياخد 5 افراد مرتاحين جدا