يا جماعة الى يعرف عن تجربة ياريت يخش...

[sahtot]

هاى يا جماعة انا بأختصار كدا نزلت امبارح اشوف العربيات لانى خلاص هجيبها يوم الاحد القادم ان شاء اللة وفى الاول كنت معجب اوى اوى اوى بالجين 2 وصاحب المعرض بيشكر فيها اوى بقولة قالنا طلقة وثباتها تحفة وشكلها طبعا ملهوش حل بس لما دخلت قعدت انا وبابايا ومامتى واختى الموضوع اختلف انا طويل والعيلة كلها كدا المهم انا وبابا قعدنا وظبطنا الكرسى وكلة تمام بنبص على ماما واختى لاقيتاهم رجليهم خابطة فى الكرسى بتاعنا ودماغهم خابطة فى السقف ورا لاسف ديقة جدا جدا من ورا مع ان الشنطة واسعة ومن قدام معقولة المهم فطبعا لاسف صرفنا نظر عنها دلوقتى انا محتار بجد بين الماتريكس 2008 مانيوال الاوبترا 2008 مانيوال والنيسان صنى 2008 بردة مانيوال اكس صالون انا دخلت الاوبترا بصراحة راحة ملهاش حل وواسعة تشيل 6 افراد مرتاحين بجد بس انا عاوز حد ساق وجرب التلات عربيات دول يقولى اعمل اية والاحسن لينا اية انا بحب الجرى على الطريق واحنا ماسفرين عاوز عربية سحبها حلو وثابتة جدا جدا ومتحكش فى المطبات وتكييفها يكون تلاجة وميأثرش على السحب وعزلها لازم يكون تااام وتكون مريحة فى استخدامها النيسان صنى شكلها قديم مش بيتغير خالص مش عارف لية المهم يا جماعة الى عندو نصيحة او جرب ياريت يقولى راية ويقولى اعمل اية مع العلم انى هفضل لمدة من 3ل5 سنين فقط بالعربية ولو فى عربية احسن فى نفس الفأة السعرية يعنى لحد 90الف بالكتير اوى يقولى ومعلش لو كنت طولت عليكم وشكرا....

[أبو ياسين]

الاوبترا فيها كل ال انت عايزه

[علي موسي]

بجد الوبترا واسعة وجميلة وفي السحب كويسة وبلتوفيق

[sahtot]

شكرا لسرعة الرد يا جماعة وربنا يخليكم يارب

[sahtot]

بس انا حبيت اقول حاجة كمان معلشى انى مش مهتم بحوار يابانى وكورى وماليزى والهبل دا انا ليا العربية تكون حلوة انشالله لو صينى طالما هيا حلوة وفيها كل الى انا عاوزة اركبها وافرح بيها كمان بس فى حاجة كنت عاوز اعرفها هوا موتور الاوبترا موتور النوبيرا ولا موتور الاوبل فيكترا؟؟؟

[mina_ramsis]

موتور الاوبترا هو الجيل التانى لموتور النوبيرا

[bassam nagy]

الماتريكس عربية واسعة
وعالية عن الارض
والعزل ممتاز

[tawfi2]

الاوبترا فيها كل ال انت عايزه

----
طيب رجاءا لو تقوللى اللانوس كويسة ولا لأ .... لأنى بفكر أجيب لانوس إس 2008 مانيوال فول اوبشن ..
هى عربية كويسة من حيث قطع الغيار والتحمل والموتور و الصاج والتوكيل ولا اية !!؟؟