الى محبى الابيزا ... ابيزا ام دايو اسبيروا

[mxz911]

السلام عليكم

ياريت يا جماعه تشوفوا مناقشتى بخصوص العربيتين دول فى المواضيع دى

http://www.nilemotors.net/Nile/showthread.php?t=22630

وده

http://www.nilemotors.net/Nile/showthread.php?t=22835

وشكرا لكم

[SEATLOVER]

يا mxz911 باشا اهلاً بيك فى قسم السيات
بس كان من الاول حضرتك تفتح موضوع فى قسم المقارنات ..دة كان هايكون افضل

على العموم
-الاسبيروا عربية جامد جداً طبعاً ...بس للآسف اتاكلت مع الزمن و اندثرت ودة السبب الوحيد لرخص سعرها

- بالنسبة للآبيزا
الابيزا ال 94 عربية مكونات المانى من فولكس واجن و تقفيل و تجميع و اكسسوارات اسبانية
العربية 1300cc بيدى 54 هورس باور ..السحب و القرص فيها ملوش حل ...قدرة مناورة جوة البلد عالية جداً ...قطع غيارها موجودة كتير ..عربية واسعة من جوة تنفع شبابى بالدرجة الاولى او عائلية لعائلة صغيرة ..شنطتها حلوة جداً و عميقة (ارتفاع رأسى )..قطع غيارها غالية نسبياً عشان المانى طبعاً لكن معمرة جداً و بتعيش ..لو ظبتها مرة كويس هاتقعد معاك فترة كبيرة جداً إن شاء الله بدون مشاكل و سعرها بيبتدى من 38 للحالات العادية انتهاءاً ب 44 لآحسن الحالات

وربنا يوفقك فى اختيارك

[mxz911]

ربنا يكرمك ...

بس ازاى الواحد يعرف ان العربيه دى ما اتفحتتش شغل وكده يعنى .. بالنسبه للابيزا الكلام ده

وخلاص الدايو اسبيرو شلتها من الدماغ خالص .. قطع الغيار بتاعتها عامله ازمه لكل اصحابها !

وبالنسبه للسعر الابيزا انا بشوفها فول اوبشن ب 37 الف مثلا .. صح ولا ايه النظام

طيب ممكن ندخل كمان هيواندى اكسنت ف المنافسه موديل 98 - 99

وشكرا لردك يا باشا

[SEATLOVER]

بس ازاى الواحد يعرف ان العربيه دى ما اتفحتتش شغل وكده يعنى .. بالنسبه للابيزا الكلام ده

بص على الموضوع دة
ازاى تشترى عربية مستعملة بمفردك

وخلاص الدايو اسبيرو شلتها من الدماغ خالص .. قطع الغيار بتاعتها عامله ازمه لكل اصحابها !

لا مش شرط انا مقلتش كدة ..لو عرفتلها سكة فى قطع الغيار و عرفت سككها تبقى عربية ممتازة و معانا هنا ناس معاها العربية ممكن تسألهم و بيقولوا ان حاجاتها موجودة ما عدا الاكسسوارات .. راجع مواضيع عنها

وبالنسبه للسعر الابيزا انا بشوفها فول اوبشن ب 37 الف مثلا .. صح ولا ايه النظام

دة سعر مظبوط لل الابيزا ال 94 الكاملة

طيب ممكن ندخل كمان هيواندى اكسنت ف المنافسه موديل 98 - 99

برضو عربية ممتازة و اختيار الموديلين دول فيها موفق جداً عشان كورى


ربنا يوفقك إن شاء الله

[mxz911]

ربنا يكرمك يا باشا وشكرا لتعبك معانا

طب انت شايف بقى انهى الاحسن الابيزا ولا الاكسنت

علما بأنى شاب عندى 22 سنه :)

بس طبعا مش هكون عاوز عربيه شبابيه وفى نفس الوقت متعملش ادااء حلو .. او اكيد مش هكون عاوز عربيه عائليه وفى نفس الوقنت عندى الشبابيه بنفس الامكانيات وكده

:)

[SEATLOVER]

طب انت شايف بقى انهى الاحسن الابيزا ولا الاكسنت

الاتنين حلوين يا mxz911 يا ريت تاخد جولة فى اقسام الاتنين و الحمد الله دلوقتى بقى عندنا قاعدة معلومات جامدة جداً لكل عربية فيهم
وتراعى النقط دى
-قدرتك على تكاليف التشغيل يعنى
قطع غيار غالية و معمرة (الابيزا) ....ولا ..قطع غيار معقولة سعراً و معقولة عمراً (الاكسنت)
-عربية واسعة و بشنطة (الاكسنت)...ولا ... واسعة إلا حد ما و هاتش باك (الابيزا)
-عايز تشترى بسرعة (الاكسنت)....ولا..... عندك صبر ولسة هاتدور شوية براحتك (الابيزا)
-عايزقطع غيار فى اى حتة وتصلح عند اى حد(الاكسنت) ...ولا ... ترتبط باماكن معينة و مش قليلة برضو(الابيزا)

انت اللى ممكن تجاوب على الاسئلة دى وهاتعرف ساعتها انت عايز اية
ربنا يوفقك فى الاختيار إن شاء الله

[mxz911]

شكرا يا مان ..

ان شاء الله هدرس المووضوع فى دماغى من النواحى دى وهقول اللى وصلتله قبل ما اشترى اى حاجه ان شاء الله

جزاك الله خيرا

[Nile_Storm]

بجد احييك يا seat lover علي حياديتك في الرأي وعدم تحيزك للسيات كما يفعل البعض مع سياراتهم
بجد اسلوب متحضر جدا ي

انا عن نفسي محتار ارشح مين
بس اظن اني هختار الاكسنت برضه لانها كوري و موديل احدث فقط

[mxz911]

الصراحه فعلا اسلوب متميز

واللى يخلى الاكسنت تخش ف المنافسه قدام الابيزا فعلا هوه حكم الزمن .. فرق 5 سنين .. لكن لو الاتنين نفس السنه فالموضوع مش هيكون محتاح كلام :d .. هتكون ابيزا من غير اى كلام

[ali_ali_1502]

مطلوب لاسرة فليشيا موديل 2000 او 2001 من مالكها يشترط الحالة تليفون 0101485012
او 44443500