سكودا فابيا الجديدة

**Sharky** · 26-04-2007 01:44 PM

السلام عليكم

صور سكودا فابيا الجديدة

مواصفات السيارة:

1.2CC 12v 70Hp
1.4CC 16V 85Hp
1.6CC 16v 105Hp

الأسعار تبدأ من 8,000.00 جنيه إسترلينى

**veron422** · 29-04-2007 02:19 AM

ما رأيك في الفابيا الجديده و هل هي افضل ام ياريس ام اكسنت؟؟ وشكرا

**M_Abdallah** · 25-07-2007 01:04 AM

في رأيي الياريس احسن

**Mody_Benz** · 08-04-2009 01:11 AM

الياريس طبعا لانها اولا تيوتا
وماركة تيوتا مش محتاجة كلام ابدا لانها عربية جميلة جدا ومتينة وثابتة ع الارض
ومتورها قوى وجامد

**KHALED AYMAN** · 08-04-2009 02:01 AM

المشاركة الأصلية كتبت بواسطة esso_5

الياريس طبعا لانها اولا تيوتا
وماركة تيوتا مش محتاجة كلام ابدا لانها عربية جميلة جدا ومتينة وثابتة ع الارض
ومتورها قوى وجامد

معلش يا باشا انا اختلف معاك فى الرأى ...

اولا مش معنى انها تويوتا يبقى احسن من الاسكودا ...
مهو سكودا دى ملك لفولكس و كل التكنولوجى الى فيها من انتاج فولكس و كمان قطع غيارها الاساسيه فولكس و المانى ...
و اكيد حضرتك عارف ان الالمانى عمره الافتراضى اطول من اليابانى ...
يبقى حته انها تويوتا دى لا تميز العربيه لما نقارنها بالفابيا و مفيش اى ماركه سيارات مش محتاجه كلام .....
بالنسبه لموضوع المتانه ...
اعتقد ان الفابيا تتفوق ...
لان صاجها اقوى من الياريس بكتييييير
و مكونات العربيه زى ما قولنا المانى (غالبيتها )و التشيكى الى فيها مصنع تحت اشراف فولكس ...
و الناس دى مش بتهرج ...
و محدش اشتكى من متانه سكودا عموما ...
بالنسبه للثبات ....
اعتقد ان الياريس لا يمكن مقارنه ثباتها بعربيه زى سكودا ...
سكودا يعتبر معملتش عربيه مش ثابته ...
لكن تويوتا نادرا لما بتعمل عربيه ثباتها قوى و منافس (انا بتكلم عن مصر)...
الياريس الناس فى المنتدى هنا و برا المنتدى اشكتو من ان الهوا بيلعب بيها...
و كمان الكورولا من اول 2002 لحد 2007 بس مش هتكلم عليها علشان مش موضوعنا ...
بالنسبه للموتور ...
اعتقد ان الياريس 1300 سى سى ...
و اقل موتور فى الفابيا 1400 سى سى ...
يعنى من ناحيه ال سى سى الفابيا تتفوق ...
و كمان موتور الفابيا المانى ...
يعنى عمر افتراضى طويييييييييييل
و اطول من الياريس ...
طبعا انا مش قصدى ان الياريس وحشه ..
بالعكس دى تتفوق على الفابيا فى الوسع و اعتقد فى النعومه ...
و كمان شنطتها اكبر من الفابيا ....
تحياتى ....

**crazylambada** · 08-04-2009 02:38 AM

اصلي يا خالد
بجد رد فوق الرائع
و كمان الاتين في نفس رينج السعر
غير الشكل الجمالي و الكماليات

**KHALED AYMAN** · 08-04-2009 02:55 AM

المشاركة الأصلية كتبت بواسطة crazylambada

اصلي يا خالد
بجد رد فوق الرائع
و كمان الاتين في نفس رينج السعر
غير الشكل الجمالي و الكماليات

تلميذك يا زعيم

**Ahmed15** · 08-04-2009 03:58 PM

* أحب ان اشارك بالتأكيد أن ياريس سيارة ضعيفة جدا جدا و غير ثابته بالمره
تجربة مع صديق
سيارته كانت ياريس و صدمته من الخلف سيارة أخرى فصدم هو السيارة التي أمامه مما أدى الى فتح ال Air Bag و السيارة كان مؤمن عليها.
شركة التأمين رفضت الإصلاح لأن تكلفة الإصلاح تقارب سعر سيارة جديده و اعتبرتها اتلاف كامل Total Loss و قامت بتعويضه.
من المفارقات أن خروج ال air bags فقط يتكلف أكثر من عشرين ألف جنيه !!!

ملاحظة جانبيه:
ياريس هي التطور الطبيعي ل Echo & Startlet