| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 11 1 2 3 4 5 6 ... الأخيرةالأخيرة
النتائج 1 إلى 10 من 104

  1. #1

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي - Facebook Twitter whatsapp انشر الموضوع فى :

    hasad">

    ينتظر عشاق السيارات بمصر المعارض السنوية مثل أوتوماك و الأهرام...اما لمحاولة البحث عن سيارة للشراء أو رؤية الطرازات الجديدة و العالمية علي أرض الواقع...

    تعودنا منذ ان وعينا علي ان معارض السيارات في مصر تعتبر "عرة" و ماتترحش...رغم ذللك كنا بنحرص علي الذهاب اليها و ننتظرها بفارغ الصبر.

    لكن هذا العام و في معرض أوتوماك 2008 الوضع اتقلب 180 درجة....المعرض اصبح في صورة و هيئة تجعله يستحق ان يقارن بالعديد من المعارض العالمية...بل و تفوق علي المعارض الشرق أوسطية و اخرهم معرض دبي الدولي الذي وصف بأنه اقل من المستوي المنتظر.

    لكم ان تتخيلوا كم الشركات العارضة و كم المصاريف علي الدعاية و الإعلان و الديكور...يكفي ان لأول مره في تاريخ المعارض المصرية يتخطي تجهيز صالة عرض لاحدي الماركات المليون جنيه....بل و هناك ماركة واحدة تخطت مصاريف الديكور حاجز المليوني جنيه!....و يكفي ان أذكر انه بمقاله خالد أباظة اليوم ذكر انه من سنتين كانت هناك شركة جهزت الصالة الخاصة بها ب 9000جنيه:)

    لأول مره يجتمع قطبي السيارات في مصر..مرسيدس و BMW تحت سقف واحد بعد ان كانوا طول السنوات الماضية لا يجتمعان أبدا...

    يكفي كلام عن المعرض و دعونا نحلق بين الطرازات المعروضة:

    نبدأ بالسيارت الأوروبية و قد كان جناح الفيات متألقا علي غير العادة ببعض الطرازات الكفيلة بأن تلحس عين أي واحد مايفهمش يعني ايه سيارة اصلا...

    كانت الفيات برافو و هي نجمة المعرض في رأي تتألق بزيها الاحمر و خطوطها الأنيقة و كمالياتها الجبارة و موتورها البلوة المسيحة و سعرها التحفة (175000) مانيوال....و المفاجأة...نسخة أوتوماتيك ايزي ترونيك ستطرح قريبا جدا....اسيبكم مع صورها:





















    بعد ذللك تأتي شقيقتها الصغري الفيات جراند بونتو بنسختها الكوبية و موتور 1400 سي سي 120 حصان كاملة مكملة ب 120000







    و من ثم...تألقت رائعة فيات الصغيرة 500 حاصدة لقب Car of the year 2008 و صاحبة مبيعات خيالية في غضون أشهر قليلة من طرخها بالأسواق العالمية....لا يوجد نسخة زي التانية من اللي نزلوا مصر...و مافيش نسخة ال1200 سي سي....و السعر ابتدأ من ال140000















    ننتقل الي جناح سكودا حيث كانت الفابيا ميني الجديدة معروضة و لا أعرف سبب تسميتها ب ميني!







    جناح أودي تألق ببعض الموديلات الجديدة كالA4 وال TT roadster



















    جناح فيراري كان يضم سيارتين ال599 GTB و ال F430 كابورليه














    __________________________________

    فاصل لنعطي احترامنا للسيارة القادمة....نيسان GT-R
















    _______________________________________

    فاصل أخر و نعود لحين تحميل باقي الصور!

    نأسف علي التأخير لحدوث عطل أثناء رفع الصور.

    عودة مره أخري و نبدأ بجناح فولكس فاجن و الذي كان من رايي متواضع لا يليق بالسيارات الجديدة المعروضة....مثل الباسات الCC الرائعة و التيجان....سعر الباسات غالي جدا و لن تكون منافسة كما توقعت فسعر ال2000 سي سي حوالي ال نصف مليون جنيه اما ال 1800 فهي بين ال400000 و ال500000....

    أما التيجان فا أسعرها 230000 للنسخة ال1400 تربو مانوال 4*2 و 2750 للأوتوماتيك 4*4 و 530000 للنسخة ال 2000سي سي fully loaded....و لم تعرض الجولف ال1400 !!!





















    نقلة جديدة الي جناح مازيراتي و بنتلي و جاجوار













    جاجوار XFالجديدة!


    ___________________________________
    فاصل و نعود لاستكمال الرفع!

    عذرا علي التأخير... و نعود من جديد!

    ندخل جناح BMW أو بالأصح مجموعة البافارية و التي تضم بريليانس و ماهيندرا و ميني و BMW...الصيني و الماركات الغريبة هايجوا لاحقا ان شاء الله.

    جناح BMW ضم العديد من الموديلات الجديدة التي تعرض لأول مرة بالشرق الأوسط... و من ضمنها...M3, X6, 135i....لكن الجناح كان الي حد ما ضيق و تشعر ان السيارات مصطفة ورا بعض في جراج ضيق :) !











































    جناح ميني ماشدنيش فيه غير الكلوب مان بشكلها الغبي:)





    جناح منصور...كان مثل كل عام...لم يتغير شكله أو الديكور اللي فيه...كان معروض فيع الكابتيفيا و الابيكا و الأفيو الجداد...الي جانب طبعا الأوبل الأسترا السيدان الجديدة بس مكانتش عاجبني...عشان كده نسيت أصورها:)... وكان هناك أيضا الأوبل زافيرا و الميريفيا....و الغريبة انهم 1600....بس مسألتش علي الأسعار



    الشكل الجديد بتاع الأفيو مش عاجبني و خصوصا العلامة اللي نزلوها تحت دي...كانت هاتبقي تحفة لو في الشبكة فوق



















    ننتقل لجناح هوندا ...و اكتر حاجة شدتني كانت الأكورد الجديدة...و عايز أقوللك اما قعدت في الكرسي مكنتش عايز أقوم من الراحة اللي كنت فيها:)













    نخش علي جناح دايهاتسو...و كانت التيريوس ال 7 راكب نجمة الجناح و لو اني لاحظت انخفاض جودتها عن ال5 راكب...عشان ديه اندونيسي مبنية علي شاسية الأفانزا و التانية ياباني 100%









    جناح سوبارو







    أما جناح الكيا فكان حافل بكل الموديلات عدا اللي كنت متوقعها تنزل السييد... و طبعا حبيبتي البيكانتو أهم واحدة تتصور:)















    سيارة 4*4 جديدة من كيا اسمها موهافي....الصراحة مش عجباني خالص و ضهرها لاند كروزر و وشها كومودو:)





    جناح الرينو....كان جميل رغم بساطته
    طبعا اللاجونا الجديدة كانت منورة:)



















    اللوجان فعلا لاقيت مسألة الخامات الضعيفة لكن يمكن التعود عليه و واضح عليها قوة التحمل









    و منه ال جناح تويوتا و مصورتش فيه غير البريوس....ول سه ماتسعرتش و هاتنزل في 2009













    ننتقل الي أفخم و ارقي جناح بالمعرض....جناح مرسيدس بنز...لأول مره تشارك مرسيدس ب 11 موديل مختلف بمعرض واحد....و بسيارات لاول مره تعرض....أولهم الGLK الجديدة و سعرها متوقع ان يكون في حدود النصف مليون جنيه عند تجميعها بداية العام القادم و هيه منافسة للبي ام X3....

    و كان هناك ايضا الS350 الجديدة و هي نسخة اقل من الS500 من حيث الموتور و بعض الكماليات و سعرها مليون و 48 ألف أي أرخص من الS500 ب 300000 جنيه

    و طبعا سيارة السباقات C-class DTM






































    جناح هيونداي مكانش فيه أي حاجة تشد الانتباه...كلها العربيات اللي بنشوفها كل يوم في الشارع....بس صورت الI10 عشان الناس تتفرج عليها....









    أبو الفتوح عرض بعض من سياراته الجديدة... و من ضمنهم التيجوTiggo 2000سي سي.....انا عجبتني جدا كتقفيل و شكل و نظافة...و سعرها بادي من 105000











    و كان فيه ال A6 برده جميلة من جوه و بره بس كان فيه عيوب تقفيل جوه معجبتنيش و هاتنزل السنة اللي جاية 1600سي سي





    ال A113نزلوا منها لون أسود....بس رأيي انه اسود زيادة عن اللزوم:)





    ....أما بقي التحفة اللي جاية دي مش مفهومة بصراحة....متعرفلهاش وش من ضهر من جنب...كله شبه بعضه في خليط من الممكن التقيؤ امامه:)

    تخيلوا ده الضهر:








    عودة الي السيارات الصينية و نبدأها بشركة BYD التي طرحت السيارة Panda الجديدة و التي تعتبر تقليدا للتويوتا Aygo و السيتروين C1 و البيجو 107 لأنهم معمولين بالتعاون المشترك....

    السيارة تقفيلها ضايع...و مفككه كلها من بعض....وتخاف تاخد بيها مطب:)....جميع الكماليات و سعرها 45000 و 50000.







    تقليد ال s-class من الخلف و هوندا او لكزس من الأمام:








    جيلي و سيارة جديدة لعبة:)









    إكسبلوجن



    لمنتظري الهايما:

















    الكومودو....و للأسف طلعت سيارة فضيحة....الجير كان هايطلع في ايدي و خامته تحس انه بلاستيك ميتعمل من 20 سنة فا نعم و بقي يلمع....ده غير فرامل اليد اللي بتلق و تشوف الأرض من تحتها و القاعدة المقرفة جوه تحس انك هاتتكفي علي بوزك...










    السكوربيو....أنيل و أضل سبيل....







    و اخيرا و ليس اخرا البريليانس.....



















    __________________________________________________ _____

    دول تقريبا كل الصور اللي عندي بعد فلترة 360 صورة اتصورا في الساعتين بتوع المعرض:).......اعذروني جودة الصور مش قد كده في بعض الصور لأني نسيت الريزوليوشن وااطي و كنت عاملها علي مود مش مناسب للمكان و كنت بصور بسرعة عشان كده بعض الصور مهزوزة....

    ياريت لو حد يتكرم من الادارة و يدمج المشاركات و الصور كلها في مشاركة واحدة عشان نسهل علي المتفرج.

    شكرا ليكم و علي ردودكم و يارب أكون اديتكم فكرة عن المعرض و خليت الناس اللي مقدرتش تروحة تعرف فيه ايه:)

    ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
    تم الدمج بمعرفة مشرف القســــــــــــــــــم العــــــــــــــــام


  2. #2

    الصورة الرمزية MoToRiZeR

    رقم العضوية : 2780

    تاريخ التسجيل : 25Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    انت فنان و الله يا نادر
    فكر تحترف التصوير بجد لأن ما شاء الله موهبتك جامدة و انا لاحظتها في اكتر من موضوع مصور انت عملته و عندك القدرة في انك تعمل كادرات جامدة و احترافية

    علي فكرة صورة ال Gtr اللي من الجنب دي انا مصور زيها بالزبط نفس الكادر !


    Leadership is based on inspiration, not domination


  3. #3

    sss

    الصورة الرمزية sss

    رقم العضوية : 7815

    تاريخ التسجيل : 22Mar2008

    المشاركات : 376

    النوع : ذكر

    الاقامة : TANTA

    السيارة: لا توجد

    السيارة[2]: NISSAN SUNNY 2011

    دراجة بخارية: لا توجد

    الحالة : sss غير متواجد حالياً

    افتراضي -

    مش ممكن ....مش ممكن
    حاجة خيالية مكنش حد يتخيل كل ده في مصر
    المعرض مبهر و الشركات بتتنافس بمنتهى القوة وكلوا في صالحنا احنا بعد سنييييين من القحط والعناء
    بس بجد مجهود اكتر من رائع يا نادر وتصوير تحفة بجد..... استاذ وكان نفسي فعلا تعملنا تغطية خاصة للمعرض لاني حاسس بموهبتك من ساعة ما شوفت الموضوع الخاص بصور عربيتك انت و معاذ
    بجد شكرا ليك و مستنيين الصور الباقية بفارغ الصبر



  4. #4

    الصورة الرمزية Chicco

    رقم العضوية : 1375

    تاريخ التسجيل : 08Jul2007

    المشاركات : 2,957

    الحالة : Chicco غير متواجد حالياً

    افتراضي -

    ألف شكر يا نادر باشا يا جامد ...
    بس بجد إيه الطفرة ديه في عالم معارض السيارات ....يا ريت تستمر :)


  5. #5

    الصورة الرمزية SEATLOVER

    رقم العضوية : 4001

    تاريخ التسجيل : 07Jan2008

    المشاركات : 2,074

    الحالة : SEATLOVER غير متواجد حالياً

    افتراضي -

    الف شكر يا نادر على الصور الناطقة دى
    وعايزين رايك و انطباعاتك واية اكتر حاجات شدت انتباهك


  6. #6

    الصورة الرمزية MoToRiZeR

    رقم العضوية : 2780

    تاريخ التسجيل : 25Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    الحاجة الوحيدة اللي افتقدتها في المعرض .. سيات


    Leadership is based on inspiration, not domination


  7. #7

    الصورة الرمزية crazylambada

    رقم العضوية : 4959

    تاريخ التسجيل : 27Jan2008

    المشاركات : 3,051

    النوع : ذكر

    الاقامة : Zagazig

    السيارة: Skoda Octavia A5 2007

    السيارة[2]: Fiat Evo Punto 2011

    الحالة : crazylambada غير متواجد حالياً

    افتراضي -

    بسم الله ما شاء الله
    صورك دايما حلوة بجد
    و باذن الله التحق بالركب يوم الاحد


    اكبر تعديل لسكودا فيفوريت


  8. #8

    الصورة الرمزية aratux

    رقم العضوية : 4616

    تاريخ التسجيل : 20Jan2008

    المشاركات : 654

    النوع : ذكر

    الاقامة : Cairo

    السيارة: None

    السيارة[2]: Renault fluence

    دراجة بخارية: None

    الحالة : aratux غير متواجد حالياً

    افتراضي -

    100 100
    Wonderful
    Does it work on Friday ?
    Entrance cost ?


  9. #9

    الصورة الرمزية Moh.Abdelbaset

    رقم العضوية : 4124

    تاريخ التسجيل : 13Jan2008

    المشاركات : 1,776

    النوع : ذكر

    الاقامة : التجمع الثالث

    السيارة: Verna 1500 2006

    السيارة[2]: Cruze 2014

    دراجة بخارية: I Wish

    الحالة : Moh.Abdelbaset غير متواجد حالياً

    افتراضي -

    تسلم ايدك يا نادر باشا
    فعلا المعرض السنة دى حاجة مخلتلفة تماما
    كفاية ان فيه فيرارى وما زيراتى وx6 من بى ام دبليو و Dtm من مرسيدس وغيرها من السيارات
    بجد شكرا ليك يا استاذ نادر

    [shfaf2]http://yfrog.com/na02f1gpmalaysia1133j[/shfaf2]


  10. #10

    الصورة الرمزية YoussefMostafa

    رقم العضوية : 3554

    تاريخ التسجيل : 04Dec2007

    المشاركات : 1,653

    النوع : ذكر

    الاقامة : Egypt

    السيارة: ------------------

    السيارة[2]: -------------------

    دراجة بخارية: ------------------

    الحالة : YoussefMostafa غير متواجد حالياً

    افتراضي -

    hasad">

    شغل علي كبير اوي يا نادر باشا

    الف شكر علي الصور



 
صفحة 1 من 11 1 2 3 4 5 6 ... الأخيرةالأخيرة

المواضيع المتشابهه

  1. مفاجاة فى معرض أوتوماك
    بواسطة som3aa في المنتدى هيــونــداى
    مشاركات: 22
    آخر مشاركة: 05-06-2010, 05:20 AM
  2. لجديد فى معرض أوتوماك
    بواسطة som3aa في المنتدى المنتــــــدى العـــــــــــام للسيــارات
    مشاركات: 20
    آخر مشاركة: 04-06-2010, 05:22 PM
  3. بعض السيارات الجديدة فى معرض أوتوماك
    بواسطة chato_eg في المنتدى المنتــــــدى العـــــــــــام للسيــارات
    مشاركات: 23
    آخر مشاركة: 04-06-2010, 11:10 AM
  4. الإيفو في معرض أوتوماك
    بواسطة yoko في المنتدى فــــيات
    مشاركات: 22
    آخر مشاركة: 09-03-2010, 07:59 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2