محتاااااااااااااااااااااا اااااااااااااااار و مش عارف أختار

[totti_eng]

هوندا سيتى
ياريس - مانويل
جين 2
شيفرولية افيو
فولكس باراتى
فولكس بوينتر
.....................أيهم أختار !!!!!!!!
يا جماعة حد يقولى اختار اية من العربيات دية عشان انزل اشترى بس يقولى السبب للأختيار .. اصحاب الخبرة و الذوق الرفيع يدلنى الله يكرمكم

[SEATLOVER]

ياريس مانيوال
(اداء مدن و طرق -قطع غيار-توكيل-خارج التوكيل -خامات وتقفيل)

[Hassan Khalil]

اذا كانت الماديات متاحة للجميع .. يبقي الاولي او التانية .. و ارمي الباقي كله علي جنب ...
و اذا كنت متقبل شكل الاولي ... توكل علي الله .. و تبقي هيه دي ..
------------------------
اداء رائع .. صالون شيك جدا .. خامات جيدة جدا ..توكيل محترم جدا .. قطع غيار اغلي قليلا عن مثيلاتها .. سعر اعادة البيع اقل من الياريس .. انا باعتبرها سيارة للصفوة في كل فئة .. السيتي في فئتها .. السيفيك في فئتها .. الاكورد في فئتها .. و هكذا ..
* قطع غيار ارخص قليلا من الهوندا .. انتشار اعلي .. سعر اعادة بيع ماسك نفسه شوية .. ايضا اداء جيد جدا .. يبقي عليك و علي الياريس ..
و بس
بالتوفيق

[dr_3eshoo]

انا مع اليارس المانول
عربيه تويوتا اقل استهلاك للبنزين واسعه ممكن تشيل عيله متور جميل
عيوبها خفيفه شويه ابعادها مش واضحه عاوزة وقت علشان تعرف ابعدها
السيتي معرفش عنها حاجه
جين تو حسب كلام الناس هنا في المنتدى مش قد كده خش على قسم البروتون و من وجه نظري عربيه ما تستحقش الفلوس دي كلها
اما البراتي و البيونتر فعلى رايي المثل ابعد عن الشر و غنيله و الباب الي يجيلك منه الريح سده و استريح

[SaLM!Na]

اما البراتي و البيونتر فعلى رايي المثل ابعد عن الشر و غنيله و الباب الي يجيلك منه الريح سده و استريح

ليــــــــــــــه؟
ده حتى انا كنت هرشح الفولكس
هو عيب توكيل يعني ولا عيب صناعة؟

[dr_3eshoo]

لا عيب توكيل مش عيب عربيه و لا عيب تقفيل

[SaLM!Na]

امال نسد الباب و نستريح من ايه؟

[hazem_khidr]

الياريس طبعا
و السبب الاخوه الاعزاء ذكروه :)

[Chicco]

رأيي زاي الأخوة الأفاضل: ١ - ياريس ٢ - سيتي
ربنا يوفقك

[معاذ الشرباصى]

اهم حاجة الغى البوينتر و الباراتى