جوله في سيارات الطبقه الكادحه - جميع السيارات اقل من 80 الف - الجزء الاول

[Nile_Storm]

تم التثبيت للفائدة
مجهود واضح

مشرف القســــــــــــــم العـــــــــــــــام
-------------------------------------------

قررت كتيبة من خبراء و ناقدي و شباب نايل موتورز
ممارسة هواياتهم في السيارات بشكل واقعي
قررنا ننزل المعارض و نقضي سهرة سياراتية حلوة مع بعض
و قلنا بالمرة كده نحاول نخلي الموضوع مفيد و يكون بين ايدي الاعضاء دليل مصور لكل السيارات الموجوده في السوق المصري مصحوبه بالوصف التفصيلي لها و تعليقات الاعضاء عليها
المقابلة المرة دي
1- AhmedAllawy
2- AhmedAnwar
3- CryptonX
4- Hazem_Khidr
5- MohamedIbiza
6- Nile_Storm
7- ناس كتير كان نفسنا يكونو موجودين بس الظروف منعتهم و منهم الزميل العزيز MoToRiZeR اللي شاركنا بتعليقاته في هذا الموضوع

فالمهم اولنا نبتدي باول فئة هيا صحيح وسعت منا شوية و دخل سيدان علي هاتشباك بس ما زالت في رينج يتراوح في حدود 16 الف
هيا تعتبر اسهل فئة
لأن الفوارق قريبة
و في نفس الوقت زبونها طالباته سهله
غالبا زبونها زهق من المستعمل
و نفسه في تكييف
وقال اشعبط في اول الزيرو المعقول
و اللي هادفعه في مستعمل مش مضمون ادفعه في زيرو
و غالبا القسط قربله المواضيع
بس في نفس الوقت لأنه زبون فلوسه تعبان اوي فها
بيبقي عايز عربية اقتصادية و صيانتها رخيصة و عملية و بتمسك سعر شوية
من اول عائلة متوسطة الحال لشاب او بنت عايز عربية يبتدي بيها حياته
العربيات اللي تم تقييمها ،،
من فئه الهاتشباك و الميني : سبارك بيكانتو اي 10 شانا بيني سبيرانزا ايه 113 سيريون بونتو افيو5 BYD F3 -R
من فئه السيدان : اللانوس الفيرنا اللوجان الاسبيرانزA516
BYDF3

الهاتشباك أقل من 80 ألف

شيفروليه سبارك

تعليق الاعضاء :

جنط 13 155/65 كومهو سبورت

تقفيل غير جيد موتور حوضه صغير جدا

مساحه داخليه ضيقه جدا

تقفيل متوسط مع عدادات شكلها شبيه باللعبه

شنطه صغيره جدا

صالون صغير جدا

سبارك في كلمه:

محمد ابيزا سبارك:ارديء ما يمكن شرائه في فئتها

أحمد أنور الحقيقة سيارة اولي مش بطاله خالص

موتوريزر سبارك:سيارة مناسبة صغيرة و ظريفة للواحد يبدأ بيها حياته أو لأسرة صغيرة مش بتخرج برة المدينة "

نايل ستورم سياره علي قدها خالص و كتير عليها تمنها

كريم كربتونكس . وفر فلوسك – سيارة بلا روح و بلا هوية و بلا جودة

حازم خضر..خساره يبقي عليها علامه شيفورليه العظيمه!!

[Nile_Storm]

كيا بيكانتو



المواصفات:
السياره مبنيه علي قاعده عجلات صغيره بين هيونداي و كيا
تنتمي السياره لفئه السيارات الميني .
المحرك:
1068 سي سي
12 صباب
65 حصان /5500 لفه
نظام تلقيم الوقود:حقن اليكتروني متعدد النقاط
عدد الصبابات :12 صباب
نظام الدفع :امامي
ناقل الحركه:يدوي من خمس سرعات .. اتوماتيكي من اربع سرعات
السرعة القصوى:
150 كم/س
التعليق :
الامامي يعتمد علي نظام مكفرسون
الخلفي قضيب متعدد الوصلات علي شكل حرف H
الدركسيون:
يعتمد علي نظام الجريده و البنيون.
المكابح
الاماميه اقراص
الخلفيه طنابير
سعه السياره:
الشنطه 157 لتر
خزان الوقود 35 لتر
الأمان:
حاصله علي 3 درجات في احتبار السلامه الاوربيه Euro Ncap
تعليقات علي السياره:
حوض الموتور ضيق مما يصعب عمليه الصيانه مثل الياريس و السيريون
مقدمه السياره بالكامل من الفيبر بما فيها السدر
فوانيس اماميه غير ملائمه
حجره الامتعه ضيقه جدا و غير مناسبه حتي لاسره حديثه التكوين

لحامات الابواب ظاهره بشكل مستفز
كاوتش هانكوك صيني
غطاء جذاب للاطارات
صاج 8/10
شكل جيد جدا
خامات التابلوه و التقفيل متوسطه و مناسبه لفئه السياره

بيكانتو في كلمه:



محمد ابيزا بيكانتو:براعة الاقتباس الكوري للخلفية


احمد انور كيا بيكانتو نجم السيارات الصغيرة في مصر


نايل ستورم لولا الشنطه الضيقه لكانت افضل سياره ميني علي الاطلاق لكنها الافضل


احمد علاوي البيكانتو: معادلة صعبة- اتساع جيد و تقفيل نضيف سعر جيد

موتوريزر أفضل سيارة في فئتها و لكن سعرها يجعلك تفكر في ما إذا كانت صفقة رابحة
كريم كربتون انسى انها سيارة كوري .. دي سيارة اوربية صغيرة متنكرة !

حازم خضر...كنت اتمني انها تبقي 80 % من البرايد لكن للاسف حتي كيا لسه بدري علي ما تعرف تعمل عربيه لوحدها .

[Nile_Storm]

هيونداي اي 10





المواصفات:



السياره مبنيه علي قاعده عجلات صغيره بين هيونداي و كيا.


تنتمي السياره لفئه السيارات الميني


المحرك:


1100 سي سي


12 صباب


66 حصان /5500 لفه


نظام تلقيم الوقود:حقن اليكتروني متعدد النقاط


عدد الصبابات :12 صباب


نظام الدفع :امامي


ناقل الحركه:يدوي من خمس سرعات .. اتوماتيكي من اربع سرعات


السرعة القصوى:


155 كم/س


التعليق :


الامامي يعتمد علي نظام مكفرسون


الخلفي قضيب متعدد الوصلات علي شكل حرف H


الدركسيون:


يعتمد علي نظام الجريده و البنيون.


المكابح


الاماميه اقراص


الخلفيه طنابير


سعه السياره:


الشنطه225 لتر


خزان الوقود 35 لتر



الأمان:

حاصله علي 4 درجات في احتبار السلامه الاوربيه

Euro Ncap




تعليقات علي السياره:


شكل عصري مع الاعتراف بشياكه البيكانتو





عصا تبديل السرعات تحتاج ان تكون افضل لتلافي البوش الواضح


خامات التابلوه سيئه و تفوق ملحوظ لشقيتها البيكانتو


تمتاز السياره بوسع داخلي ممتاز بعكس البيكانتو


مساحه غرفه الحقائب محترمه لسياره في هذه الفئه


نفس عيوب تقفيل البيكانتو من ظهور لحامات و فروق طفيفه


نفس الكاوتش الصيني


خامات داخليه سيئه


صاجها اخف بشكل بسيط عن البيكانتو



اي 10 في كلمه:


موتويرزر سيارة جميلة تزيد من ندمك علي إن غبور هو الوكيل بتاعها


احمد انور منافس النجمة بيكانتو القوي بشكلها المميز عنها بكتير و اتوقع تسحب البساط من تحتها


احمد علاوي هي بيكانتو لكن تقفيلها اسؤا

نايل ستورم منافس شرس للبيكانتو تطمع في المنافسه بعلامه هيونداي المحببه للمصريين
كريم كربتون واحد بيكانتو هندي وصلحوا !! بيكانتو برقبتها !

حازم خضر....لم تختلف كثيرا عن الاتوس اضافه للتقفيل الهندي فانها لا تختلف كثيرا عن البيكانتو


مع تفوق واضح للبيكانتو

اسبيرانزا ايه 113

المواصفات:



نوع المحرك 16 صباب كامه مزدوجه


1297 cc


اقصي قوه 87حصان /6000 لفه


العزم 118/3800


نظام الوقود حقن اليكتروني


ناقل الحركه 5 سرعات عاده


نظام الفرامل اماميه ديسكات و خلفيه طنابير


الابعاد الطول 3700


العرض 1578


الارتفاع 1527


وزن السياره كليا 1356


عددالاشخاص 5


سعه خزان الوقود 48 لتر


السرعه القصوي 164


الاطارات 175/60


الوقود 92



الكماليات:


باور ستيرنج


عجله قياده قابله للتعديل


Abs


سنترلوك


4 زجاج كهربي


جنوط سبور


فوجات اماميه


Rbm


حامل اكواب


ساعه ديجيتال


الكنبه قابله للطي


قفل حمايه للاطفال


فتح تانك البنزين من الداخل


راديو كاسيت و mp3


4 سماعات


اريال مدمج



تعليق الاعضاء :



الابواب معقوله


فرش داخلي جيد


تابلوه جيد خامات صعيفه


اتسااع داخلي معقول


اماكن تخزين جيده


فتيس معقول



حوض ضيق جدا تقفيل موتور معقول


الشنطه واسعه كهاتشباك و صالون اتساع جيد ورا و قدام



عدادات شيك جنوط اسبور و abs



سبيرانزا في كلمه:



احمد علاوي تقفيل نضيف و كماليات كتير.. يا رب تفضل شغالة سنتين علي بعضهم


محمد ابيزا فاقت كل توقعاتي كسيارة صينية


احمد انور لذيذة جدا و لكن علامة المخاطرة الصينية في الأفق دائما

موتوريرزر تماما مثل البطيخة .. نفسك تروح عليها لما بها من كماليات و شكل جميل و اداء .و لكن انت و حظك يا تطلع حمرة يا تطلع قرعة "

نايل ستورم شكلها حلو بس حاسس انهم لازم يكتبو عليها تاريخ صلاحيه

حازم خضر......جوده معقوله في مقابل السعر و لكن لا تنتظر منها اكثر مما دفعته !!

كريم كربتون ياتري لو كانت نزلت بعلامة تويوتا .... كان الناس حتهاجمها برده ؟

[Nile_Storm]

شانا بيني

تعليق الاعضاء:

تايلوه شيك

مقود السياره سئ جدا كخامات

ابواب سيئه جدا داخل و خارج

صوت فتح و غلق الابواب سئ جدا " باب تلاجه ") "

فتيس سئ جدا

حوض ضيق جدا

وضعيه سيئه للموتور و ملحقاته

اتساع داخلي مقبول

جنوط اسبور

شانا في كلمه:

موتوريزر العربية شكلها مش وحش و هي مناسبة لعيلة صغيرة مش بتخرج برة البيت أصلا .. يجيبوها يركنوها تحت البيت "

احمد انور التجسيد لمعني كلمة ( صيني )

محمد ابيزا تزييق الباب سوف يظل في اذنك منذ لحظة استلامها

احمد علاوي دركسون و عدادات شيك وبس علي كده

نايل ستورم عريبه لا تعطي سبب وجيها لشرائها

كريم كربتون دليل حي علي الان البلاستيك بتاع الالعاب ينفع في العربيات

حازم خضر ....لســــــــــه بـــــــــــــدري

فيات بونتو

تطل علينا فيات بصغيرتها المحبوبه بونتو كلاسيك

صاحبه اعلي مبيعات للسيارت الصغيره في اوربا لسنوات عديده

المواصفات:

شاسيه السيارة

احادي

المحرك:

1242 سي سي

8 صباب

64 حصان /5500 لفه

102 نيوتن/3000 لفه

نظام تلقيم الوقود:حقن اليكتروني متعدد النقاط

عدد الصبابات :8 صباب

ناقل الحركه:يدوي من خمس سرعات

السرعة القصوى:

165 كم/س

التعليق :

الامامي يعتمد علي نظام مكفرسون

الخلفي قضيب متعدد الوصلات علي شكل حرف H

الدركسيون:

يعتمد علي نظام الجريده و البنيون.

المكابح

الاماميه اقراص

الخلفيه طنابير

سعه السياره:

الشنطه325 لتر

خزان الوقود 45 لتر

الأمان:

حاصله علي 4 درجات في احتبار السلامه الاوربيه

Euro Ncap

تعليقات علي السياره:

صاج جيد جدا

غلق الابواب جيد جدا

فرش سئ نسبيا قابل للفك و التركيب

فرش الابواب جيد جدا

مقابض الابواب ضعيفه و تحتاج عنايه في التعامل

باور مجهز بخاصيه السيتي مود الرائعه

جنوط سبور 14 بوصه يكسيها كاوتش بيريلي ايطالي مقاس 185

تحتوي السياره علي 2 ايرباج للسائق و الراكب الامامي مع امكانيه تعطيل اير باج الراكب في حين وجود اطفال

اضاءه ممتازه للصالون و فكره ممتازه لكشاف الصالون

حوض واسع تقفيل الموتور جيد جدا

مرايات نضيفه جدا

مجهزه باربع سماعات مع عدم وجود كاسيت

بونتو في كلمه:

احمد علاوي الأوروبي طعم تاني- أفضل هاتش باك شوفناها في اليوم ده

محمد ابيزا الايطالية المتربعة علي عرش فئتها

احمد انور الصيد الثمين علي الورق و في المعرض خوفي بس تطلع فيها عيوب الفيات القديم النشوفيه و السخونيه

موتوريز 1300 سي سي سعر حلو 8 صبابات مش هتحرق بنزين شكل جميل تشتغل فيها في أي حتة .. مفيش أحلي من كدة

نايل ستورم عربيه جميله جدا شياكه ايطالي و تقفيل اوروبي و مواصفات جيده عليها

كريم كربتون انضف سيارة ممكن تشتريها بالفلوس دي

حازم خضر... بعيد عن حبي لفيات بس فعلا البونتو عربيه بجد مش اي كلام ( فيات مش بتهزر) !!!

دايهاتسو سيريون

تعليق الاعضاء:

تقفيل تابلوه جيد و صالون جيد

الابواب جيده نوعا ما

اتساع صالون جيد جدا

اتساع حوض ضيق و تقفيل جيد جدا

اتساع الشنطه معقول

الكراسي غير مريحه

جنط 14 كاوتش دانلوب 175/55

مرايات كبيره

بعض عيوب التقفيل البسيطه

سيريون في كلمه:

موتوريزر سيارة ممتازة و لكن سعرها الجديد 79,400 استعباط .. مثلها مثل البيكانتو مثل اليارس .. سيارات ممتازة و لكن تفكر قبل ما تجيبها

احمد انور مش عارف عملوها لمين ، و لا هيا هاتشباك رياضية و لا ميني فان لعائلة و لا هاتشباك صغيرة و رخيصة

ابيزا صفقة ناجحة بعيوب بسيطة

احمد علاوي اتساع غير طبيعي متحسوش غير لو ركبتها

نايل ستورم سعرها اصبح زائد جدا و اعتقد انها خرجت عن حدود الفئه الموجهه اليها

كريم كربتون الوسع الرهيب علي حساب غياب الروح و غيباب فلوسك

حازم خضر ....جوده جيده مقابل سعر مبالغ فيه لسياره هاتش باك صغيره

[Nile_Storm]

افيو 5

السيارة كليا ترتكز علي اساسيات السيارة دايو لانوس الكورية و شركة دايو مملوكة للعملاق الامريكي شيفروليه...

المحرك:

1500 سي سي

83حصان\5600 د.د

العزم الاقصي للمحرك128نيوتن3300 د.د

السرعة القصوي 170كم\ساعة

التسارع من0-100 (12 ثانية)

حقن الكتروني

ناقل حركة :5 نقلات امامية-1 نقلة خلفية

سعة خزان الوقود:45 لتر

وصف عام:

السيارة اختلفت من الامام و الخلف عن الموديل السابق ولكنها تحولت للاسوأ من الامام تحديدا في منتصف السيارة فقد تم تغيير شكل الشبكة الامامية و نزع علامة شيفروليه التي كان من الممكن وضعها في منتصف الشبكة السوادء لتجعل الشكل يبدو اكثر جمالا و جاذبية و تجذب عين الناظر للسيارة مع نزع قطعة البلاستيك التي تمر في منتصف الشبكة الامامية فهذا كان سيعطي السيارة شكل افضل و تصميم اكثر جذبا.

السيارة كهاتش باك هي مثال متوسط للسيارة الهاتش باك الرياضية لان تصميم السيارة لم يأتي علي نفس مستوي التصميم السايق فهي لم تختلف من الجوان كثيرا عن الموديل السابق و لكن تم اقتباس الجزء الخلفي من فانوس الكيا بيكانتو 2008 الشكل الجديد و هو تقليد واضح جدا لا يحتمل اختلافات و تصميم الفانوس الامامي للسيارة به شبه بسيط يكاد يكون غير ملحوظ من فانوس السيارة سكودا رومستر.

الداخل:

داخل السيارة جذاب الي حد كبير علي عكس التصميم الخارجي للسيارة عندما يجلس القائد علي المقعد يجد المقعد مريح و متسع و ويتمتع السائق بوضعية ممتازة للقيادة فهي ليس منخفضة لكن يكشف القائد الطريق بسهولة و يسر و تتضح جودة فرش المقاعد فهو لين و مريح و جودته ممتازة في الوقت ذاته و فرش الابواب مصنع من خامات عالية الجودة و تتضح جودة الخامات الداخلية التي لا تتأثر بالشمس كثيرا.

كونصول السيارة في المنتصف له تصميم جذاب و بسيط في الوقت ذاته و تابلوه السيارة مصنع من خامات متوسطة الجودة و لكن تعتبر جيدة بالنسبة لسيارة بهذا السعر و المواصفات.

السيارة تحتوي من الدخل علي كاسيت شرائط و هذا يعتبر كاسيت تقليدي بالنسبة للسيارات الحديثة و وضعية زر الانتظار غير مريحة بعض الشيء فقد تم وضعه في اسفل الكونصول بينما كان من الممكن وضعة امام لوحة العدادت او بين فتحات التكييف فهذا سوف يكون اسهل بالنسبة للسائق.

التقفيل:

تقفيل السيارة من الداخل و الخارج اكثر من رائع فلم نستشف اي اخطاء تقفيل او تجميع للصالون او اخطاء تقفيل في ابواب السيارة او الفرش الدخلي..تقفيل الموتور جيد جدا جدا و حسن الشكل

ملاحظات علي السيارة:

لا تحتوي علي فوج لايت

المساحة الداخلية للسيارة متوسطة و لكن ليست متسعة اتساع كبير

مساحة التحميل الخلفية للسيارة متوسطة الحجم و لا تتعدي 300لتر

طاسات سيئة الشكل

شنطه متوسطه تقفيل جيد

صاون امامي واسع خلفي ضيق

تابلوه شيك جدا خامات و تقفيل

كاسيت ثابت شرائط فقط ؟؟؟

غلق الابواب متوسط

حوض موتور واسع و تقفيل جيد جدا

افيو5 في كلمه:

موتوريزر بيتم تسويقها علي إنها النسخة الرياضية من افيو .. و لكني مش فاهم ايه الرياضي فيها بصراحة "

احمد انور مبالغ في سعرها بكماليات قليلة و أداء لانوس بس اشيك صالون في هذه الفئة أكيد

ابيزا اختيار متوسط في فئتها من حيث المتانة و الجوده

احمد علاوي قمه الشياكه من جوه و بره و صالون

كريم كربتون علاقتها بالسيارات الرياضية زي علاقة السمكة بالطبق !

حازم خضر....جوده معقوله لكن لا تزال روح اللانوس تهيمن عليها مع فخامه اكثر بالطبع

[Nile_Storm]

ثانيا السيدان

الفيرنا 1600

Hyundai verna 2008
1600 سي سي
106 حصان 143 نيوتنعزم
وزن السيارة 1110 كيلو
متوفرة بناقليدوي و اوتوماتيكي
تقفيل و تجميعمصري
السيارة ترتكزعلي نظام تعليق ماكفرسون.

Verna :

The Hyundai Accent G2 (sold in some regions as the Verna )

Also called:

Hyundai Brio

Hyundai Brisa de Dodge

Dodge Verna

Engine(s):

1.6 L 103 hp I4 (2003-08)

1.5 L 92 hp I4 (2003) (Canada)

1.6 L 105 hp I4 (2002-03

Transmission(s) :

4-speed automatic

5-speed manual

Wheelbase:

2440 mm (96.1 in)

Length Sedan:

4235 mm (166.7 in

Height:

1395 mm (54.9 in)

. had been crash tested by Australian AN CAP under the same rules as adopted by Euro N CAP. It performed much better, scoring 10.76 out of 16 points for frontal offset impact and 10.96 out of 16 in the side impact test

حوض الموتورزحمه جدا جدا ربما لأن ذلك اكبر موتور تنزل به الأكسنت و هوا نفس موتور الألنترا القديمه و موتور الماتركس و الجتز الحالي و قد اثبت كفائه عاليه في كل الموديلات السابقه


عيوب التقفيل والتجميع المصري:
تقفيل الموتورو مساحة التحميل الخلفية:
السيارة تقفيلمحركها يعتبر افضل من السيارة لانوس و اللوجان و يمكن ان يقال عنه انه مقبول الي حدما و لكن مستخدم به ايضا (الشيكارتون) رديء الشكل و عندما تفتح باب الشنطة تجداسلاك السنتر لوك و جهاز الانذار تتدلي و معها شريط اللحام المصري
عيوب التقفيلالداخلية:
السيارة منالداخل مصنعة بالكامل كتابلوه و ابواب و طارة الدركسيون من البلاستيك
بلون رماديكئيب
و ان كان يتميزبسهولة الإستخدام و البساطة
تقفيل الفيبرعلي القوايم لاحظنا به عيوب و هذا واضح من الصور
وصف عامخارجي:
السيارة تتمتعبمظهر جميل الي حد ما و لكن تعودت العين علي رؤيتة نظرا للمبيعات المهولة الليحققتها السيارة نظرا لسعرها المنخفض و جودتها المتوسطة فالسيارة كل ما تم اكتشافهبها هي عيوب تقفيل و تجميع من الممكن معالجتها بطريقة بسيطة لتصبح افضل شكلا منناحية تقفيل الموتور و الاسلاك
صاج السيارةيعتبر متوسط بالنسبة لهذه الفئة السعرية و دهان السيارة يعتبر جيد و تم تغييرالكاوتش المصري بأخر تركي و اسمه (لاسا) و لكن الجنوط الخفيفة المصرية قد تكون نقطةضعف.

غير هذه العيوب تعتبر السياره متوازنه في جميع النقاط الباقيه وسع داخلي معقول و ان كان يعيبه الضيق بعض الشئ في الكنبه الخلفيه شنطه واسعه "الثانيه بعد اللوجان في فئتها " توافر قطع الغيار سواء في التوكيل او خارجه و بسعر معقول جدا سهوله الاصلاح في اي ورشه او مركز صيانه سهوله اعاده البيع و سعر اعاده بيعها المعقول جدا

تعليق الاعضاء:

حوض الموتور مزدحم جدا

تقفيل الموتور جيد " افضلهم تقفيلا "

خامات الموتور متوسطه

وضعيه قياده ممتازه مع الاحساس بالتحكم بكل مفردات السياره

اتساع الشنطه جيد الثانيه في الفئه دي

المقعد الخلفي مريح نسبيا لكن ليس الافضل

كاوتش لاسا تركي مع عجلات معدنيه رديئه الصنع مقاس 13

يتضح عيوب التقفيل المصري في تغطيه بعض الاسلاك الكهربائيه بقله اهتمام

صاج السياره جيد جدا و اقوي من اللانوس بمراحل

كاسيت رودستار سي دي

فيرنا في كلمه:

احمد علاوي تغيير بسيط للأفضل فاضل تغيير التوكيل للأفضل

ابيزا روعة التقفيل المصري

احمد انور حصلت اختها في الملل بعد ما تخطت مبيعاتها في ثلاث سنين مبيعات اللانوس في عشر سنين

موتوريزر مصر بلد المليون فيرنا .. سيارة كتاب مفتوح للجميع معروف ما لها و ما عليها

نايل ستورم لازلت اعتقد انها افضل معادله سعر مقابل اداء

كريم كربتون فرنا قاهرة قلوب المصريين ! و يارب يوقف قلب مصمم شكلها الخارجي !

حازم خضر ....سياره عائليه صغيره بسعر مناسب..غبور دايما عارف يلعبها صح!!

اللانوس

السيارة دايو لانوس الكورية التي تم طرحها لاول مرة عام 1998 و حققت مبيعات مهولة وصلت الي 300 الف سيارة حتي الان حسب حديث مسئول مبيعات ابو غالي

لانوس كانت اسوأ سيارة سيدان في هذا اليوم فقد وجدت بها الكثير من غلطات التقفيل و التجميع المصري سواء داخل السيارة او في جسم السيارة الخارجي او تقفيل الموتور

وصف عام:

السيارة تتمتع بتصميم قديم بالنسبة للمقدمة فقد اعتاد الناس علي رؤيته منذ سنوات طويلة فلم تعد تحمل اي علامات التميز لقائد السيارة من الناحية الشكلية الخارجية و السيارة تتمتع بنفس المواصفات الميكانيكة للسيارة شيفروليه افيو لانهم نفس الاساس الميكانيكي.

السيارة من الداخل:

لانوس من الداخل عندما تدخل مقصورة السيارة تستشف من اول وهلة ان هذة السيارة قد تم تقفيلها و تجميعها في بلدك العزيز مصر..

عيوب التقفيل و التجميع المصري:

اولا السيارة بها كاسيت كلاريون مصري و من اقوال الملاك فهو ليس علي المستوي المطلوب من الجودة.

اولاالسيارة عندما تنظر لباب الشنطة من الخلف تجد ان الجانب الايسر من باب الشنطة بعيد عن الفانوس الايسر الخلفي حوالي 2 سم و عندما تنظر للجانب الايمن من باب الشنطة ستجدة مجمع بأحكام علي الفانوس الايمن الخلفي!!

الاكصدام الخلفي عندما تنظر اليه من ناحية اليسار تجد انه لم يتم تقفيله جيدا تحت الرفرف الخلفي و لكن (مفارق) عن مكانه الطبيعي.

حوض الموتور واسع جدا جدا علي الموتور 1500 سي سي و تقفيل الموتور غاية في السوء و بها الكثير من (الشيكارتون)المصري الرديء و السيء الشكل جدا جدا (تحسسك ان عربييتك اللي مقفلها ميكانيكي تحت بير السلم)

عيوب التقفيل و التجميع الداخلية:

اولا السيارة بها كاسيت كلاريون مصري و من اقوال الملاك فهو ليس علي المستوي المطلوب من الجودة.

ثانيا تقفيل الفرش غير جيد

نوعية الفرش و جودته سيئة و معرضة للتأكل السريع مع شمسنا الحارقة

التابلوه مصنع من خامات غاية في السوء

طارة الدركسيون سيئة المظهر و غير مريحة و جودتها رديئة جدا

جلد عصاية الفتيس غير جيد و قصير نوعا ما فعندما (تعشق) (تدي العربية نقلة)تجد الجلد (بيشد)مما يعرضه للتأكل السريع مع انخفاض جودته.

تقفيل دراعات النور و المساحات علي زور الدركسيون سيئة جدا جدا و بها فراغات سيئة الشكل و مصنعة من بلاستيك رديء.

السيارة بشكل عام من الممكن الحصول علي اختيارات افضل منها كثيرا و قريبة منها في الفئة السعرية و افضل منها من ناحية التقفيل و التجميع و لان بها الكثير من الاخطاء الفادحة تقفيلا و تجميعا تعتبر لسيارة سيئة جدا جدا و كانت اقل السيارات مستوي في جولتنا في هذة الفئة السعرية.

تعليق الاعضاء:

الفرش الداخلي و الكراسي سيئه جدا

خامات الدركسيون سيئه كذلك جلد عصا الفتيس بشكل يتضح منه تدني جوده المنتج المصري

كاسيت دايو

حوض الموتور واسع

عيوب التقفيل المصري واضحه جدا

غلق الابواب سئ

كاوتش جوديير اندونيسي و عجلات معدنيه قياس 13 بوصه

لانوس في كلمه :

احمد انور سيارة من 1997 مسلسل ملل لا ينتهي

موتوريزر ولا يفرق معانا وقف إنتاج ولا مصنع اتباع ولا بتاع .. احنا بتوع ال 128 موديل 2008

محمد ابيزا اسوأ حالات التقفيل المصري- تقفيل الشاهين انضف بكتير

كريم كربتون كفاية ! حرام ! زهقت !

حازم خضر....اخر سنه ليها السنادي و كل سنه الانتاج بيتاخر عن اللي قبلها نقدر نقول يالا سوء الختام!!!!

[Nile_Storm]

البي واي دي اف 3 و اف ثري ار " هاتش باك "

تعليقات الاعضاء:

شكل خلفي هوندا سيتي للسيدان و اوبترا للهاتش باك

السيدان:

2 ايرباج

شنطه واسعه جدا جدا وسع اللوجان

شكل امامي و تابلوه كورولا

اتساع جيد اماي و خلفي

و موتور ميتسوبيشي Abs

حوض واسع و زحمه و تقفيل جيد

طاره جلد و فتيس غير جيد

صدر معدن

جنوط اسبور

فتح و غلق الابواب جيد

الهاتشباك تزيد في وجود:

فتحه سقف في الهاتش باك

مالتي فانكشن طاره

شنطه اتساع جيد

البي واي دي في كلمه:

احمد علاوي اوبترا هاتش باك موتور ميتسوبيشي

ضهر السيتي وانتريور الكورولا بالظبط حتي الابانوس

محمد ابيزا :نسخة صينية اوبتراويه

التويوتا الصينية

احمد انور حلم الكورولا بنص الثمن صعب يكون حقيقة

موتوريزر الهوندا سيتي المسروقة .. ارجوكم لا تجعلوا شوارعنا مزبلة العالم

نايل ستورم الشركه التي تقوم علي سرقه افكار الغير حتي في شعارها لاتستحق التشجيع

كريم كربتون سيارة ممتازة بس اخرها 64 الف جنيه انما توكيلها حرامي .

حازم خضر ....موتور لانسر و ضهر السيتي و تابلوه و مقدمه الكورولا !!كوكتيل غريب و اللي يشربه دا تبقي نفسه حلوه اوي ههههههههه

الاسبيرانزا ايه 516

تعليق الاعضاء:

فرن الشكمان امام صدر العربيه فيقلل من تكييفها

الحوض واسع جدا و تقفيل جيد جدا

موتور avl تصنيع صيني بتكولوجيا نمساوي

تابلوه جيد الخامات

نظام صوتي جيد جدا كلاريون

ابواب جيده نوعا ما فرش داخلي غير جيد معقول

صاون امامي و خلفي ذو اتساع جيد

كاوتش جووديير ايجل جنوط اسبور

اسبيرانزا في كلمه:

احمد انور اسبرانزا الكبيرة زي اختها الصغيرة بس ارحم من باقي الصيني بتوكيل و انتشار معقولين بالنسبة لباقي الصيني المجهول تماما

موتوريزر اسبراينزا شكلها من الخلف بصراحة بيفكرني بشخصية الأنسة حنفي .. و لكنها رغم أنف الجميع أصبح لها سوق كبير و أثبتت كفاءة مع بعض الناس

محمد ابيزا من افضل سيارات فئتها بعد المعاينة

احمد علاوي الساوند سيستم بتاعها عجبني

حازم خضر... عربيه كويسه رغم عدم اقتناعي بيها لكن اعدادها المهوله و تجربه مالكيها الجدد بتاكد ان المستقبل لسه قدامها الي ان يثبت العكس

كريم كربتون افضل سيارة صينية في مصر

[Nile_Storm]

رينو لوجان

المواصفات:

شاسيه السيارة

اللوجان مصممة على شاسيه من نيسان ، وهو المسمى (قاعدة عجلات نيسان B) وهو نفس الشاسيه الذى ترتكز عليه النيسان ميكرا السيارة الصغيرة واسعة الإنتشار فى اوروبا وكذلك الجيل الجديد من الرينو كليو

المحرك:

السعة 1600

التصميم احادى الكامة ب 8 صباب

القدرة القصوى 87 حصان على 5500RPM

العزم الاقصى 128 نيوتن متر على 3000RPM

نسبة الأنضغاط: 9.5

تغذية الوقود: حقن الكترونى متعدد النقاط

السرعة القصوى

175 كيلومتر فى الساعة

آلات الجر

عدد الغيارات :5 امامى + 1 خلفى

التعليق والتوجيه والفرملة

مكفرسون امامى

وقضيب متعدد الوصلات على شكلH فى الخلف

قطر الدوران:10.5 متر

عدد لفات عجلةالقيادة: 3.2

الفرامل: اقراص (طنابير) امامية ودرام (حلل) فى الخلف

سعة السيارة

سعة الحقيبة الخلفية :510 ليتر (واااااااااااااو)

سعة تانك البنزين: 50 لتر

حمولة السيارة الصافية :425 كيلو جرام

وزن السيارة فارغة:980 كيلوجرام

وزن السيارة بالحمولة الكاملة وحمولة تانك الوقود كاملة:1540 كيلوجرام

اقصى وزن للمقطورة فى حالة الجر:1100 كيلوجرام

الأمان

السيارة لوجان حاصلة على ثلاثة درجات من خمسة فى اختبارات EuroNcap للأمان

تعليقات علي السياره

شكل غير ملائم لفتحات التهويه الوسطيه

وضعيه غير محببه لازرار الزجاج الكهربائي

صالون ينتمي لاوروبا الشرقي

كلاكس السياره من دراع الاشارات كعاده فرنسيه عتيقه و غير محببه

خامات رديئه جدا للمسوجر

خامات التابلوه معقوله

شنطه واسعه جدا ..... بحر اوسع شنطه في فئتها

جنط مع كاوتش كورمان روماني 185/55

سوست الشنطه ضعيفه و كان يفضل ان تكون مساعدين لتحمل وزن الشنطه

الابواب ليست سهله الغلق و لكنها غير مزعجه

مكان تثبيت الكوريك يحافظ علي مساحه الشنطه

خامات المرايا سيئه جدا

تقفيل الموتور سئ نسبيا مع الاعتراض علي كميه الاسلاك غير المنظمه

المقعد الخلفي مريح لثلاثه اشخاص مع وضعيه عاليه لراحه اكثر للركاب

كاسيت بلوبانكت قابل للنزع للحمايه من السرقه

لوجان في كلمه :

احمد علاوي لوجان: حمالة اسية تقفيل مش قد كده بس اساسيات كفائه

محمد ابيزا داتشيا بعلامة رينو (مساحة رائعة اداء قوي ثبات ممتاز....تقفيل و تجميع و جودة المكونات الداخلية ليست علي المستوي المطلوب من رينو

لذا فهي داتشيا بعلامة رينو

احمد انور لوجان اسم داتشيا و تكاليف الرينو الفرنسي( لو ده حصل) و صالون اوروبا الشرقية ..............شكرا

موتوريزر الأمل الوحيد في انهاء السيطرة الفيرناوية اللانوسية علي شوارع المحروسة .. شكل و اداء مرضي لأصحابها و توكيل .. عايز ايه تاني

كريم كربتون واسعة بلا روح – النسخة الاساسية غير مقنعة و النسخة الكاملة سرقة علني .

حازم خضر...رينو 12 تعود من جديد

و اخيرا كان الفائز في هذه الليله من وجهه نظر الاعضاء

الفائز ،،

فيات بونتو كلاسيك ،

حيثيات الإختيار من الأعضاء

القيمة مقابل السعر .................. اوبشنز كثيرة نادرا ما تتوفر في الفئة دي

مستوردة ، أوروبية و الأهم ايطالية الصناعة بالكامل

مصاريف صيانة و تشغيل قليلة و متوفرة ، تكنولوجيا فيات القديمة

صالون و مساحات تخزين معقولة جدا ،

شكل مميز جدا عن باقي سيارات فئاتها

عيبها الوحيد موتور قد يعتبره البعض ضعيف بالنسبة لفئتها

و بما ان الفئة مش اساسي فيها قوة الموتور فما اخذنهوش في الإعتبار

[Chicco]

حلو الموضوع ده قوي ....برافو لاحلى شباب و في انتظار المزيد :)

[ams]

موضوع جميل شكرا جزيلا
لكن فى رايى الاسبيرانزا a516 تكسب