حقيبة للاسعافات الأولية المطلوبه في المرور

[Sleepy]

حقيبة للاسعافات الأولية

1. أن تكون الحقيبة مصنوعة من مادة غير قابلة للصدأ ويسهل حملها‏,‏ كما يمكن غسلها وتطهيرها ـ أي لابد أن تكون مصنوعة من مادة بلاستيكية قوية ـ ومحكمة الغلق لضمان عدم تسرب الأتربة الي داخلها‏,‏ وأن تكون مقسمة من الداخل ويكتب عليها من الخارج حقيبة اسعافات أولية وأن تحتوي علي قائمة مكتوبة باللغة العربية بمحتوياتها التي يتضمن القانون وجودها بالكامل دون تقصير‏.
2. في‏3‏ أربطة شاش‏.
3. ‏3‏ أربطة ضغط‏.
4. بكرة شاش معقم للجروح‏.
5. شاش مغزلن للحروق‏.
6. بكرة شاش معقم للعين‏.
7. كيس قطن طبي‏.
8. بكرتي شريط لاصق‏(‏ بلاستر‏).
9. مقص.
10. زجاجة سائل مطهر.
11. ‏قفازات طبية‏.
12. رابط مثلث للكسور.‏
13. عدد من أكياس الثلج التي تنشط عن طريق الفرك.
14. ‏كشاف ضوئي‏(‏ بطارية‏).
15. ملاءة حروق‏(‏ مفزلنة‏).
16. كتيب لطرق الاسعافات الأولية.‏
منقوووووول

[Noha.M]

طيب دي نجيبها منين؟؟

[aif]

طيب دي نجيبها منين؟؟

طالما مطلوبة في المرور ... ح تلاقي ناس عند المرور بيبيعوها ... زي الطفاية كدة
..احنا اللي دهنا الهوا دوكو ... شعار المصريين

[M!NA]

طيب دي نجيبها منين؟؟

كانوا كاتبين في الأهرام قريب من وحدات المرور هتكون بتتباع و سعرها من 60-75 جنيه

و طبعا مش هيخفى عالحكومة ابتكار طرق ووسائل جديدة في معاقبة أي واحد تسول له نفسه و يشغل مخه و يجيب الشنطة ديه تجميع...

لازم كله يقف في الطابور و يدفع الفيزيتا زي الشاطر...

[Noha.M]

ايه العك دة !!

بعدين هو انا لو عملت حادثة هقوم اعمل لنفسي الاسعافات الاوليه بأة ولا ايه؟؟؟

[مصراوي جدا]

17 - مريض
18 - ممرضة
19- دكتور
20- غرفة عمليات

[aif]

اعتقد ان وجود الحاجات دي مفيد جدا ...على الاقل لو حصلت حادثة يبقي معظم السيارات معاهم الحاجات دي ... راجعو موضوع الحادثة بتاعت طريق مطروح اللي كتبه كريم .... كانو بينقلو المصابين علي نور الموبايلات ...عشان مافيش بطارية
لكن هي الفهلوه بقى .... مين اللي ح يبيعها وح يبيعها فين وبكام وبتصريح من مين وليه واشمعنى ده ... عشاد دفع المعلوم ... والقصة المكررة دي
لكن وجودها طبعا مفيد جدا

[M!NA]

انا لسة متصل بواحد صاحبي صيدلي و حكيتله المحتويات ديه قاللي يابني دي عيزالها شنطة سفر مش شنطة اسعاف... خاصة الجبيرة المثلثة ديه
طب انا عربيتي هاتش باك و الشنطة بتكفي عالأد... ناقصين بلاوي نشيلها؟

اللي كنا بنتريق عليه امبارح بأة بيحصل انهاردة فعلا و مش نكته...

بكرة يقولوا ركبوا كاسيت و لازم يكون نوعه كذا... و يؤكدوا لينا أن الكاسيت ضروري لمنع الحوادث عشان متنامش و انتا سايق...

الأمور مش بتمشي في بلدنا كدة, بتمشي إزاي :

1- واحد من المحظوظين اياهم يستورد الشنط دي بالآلاف و يخزنها
2- يطلع تشريع او قانون يلزم باستخدامها
3- يتحط مواصفاتها مطابقة لما استوردة هو
4- يتمنع اي تاجر تاني عاوز يستوردها لأن "المواصفات مختلفة و غير مطابقة"
5- يتم طرح الصنف بتاع "المحظوظ" إياة للجمهور و تجار التجزئة و كلة طبعا ملزم بشرائها و مافيش حد لحق "أو عرف" يجيب صنف بدل

أنا سالت عليها في الصيدليات زي ما أعلنت الحكومه عن توافرها في الصيدليات و لكن بالإجماع أنه يوجد العلبه و لمن فاضيه و ممكن تجمع المطلوب فيها و هتتكلف حوالي 120ج بدون الكشاف مع عدم توافر كتيب الاسعافات الاوليه المطلوب . كما ان الحكومه قالت إن معظم العلب الموجوده بالسوق غير مطابقه للمواصفات. يعني في علبه معينه محدده هي المطلوبه. و اللي الحدق يفهم. الكلاد ده من جريده الأهرام أمس